" فاكر لما فضلت مفهمك لمدة 10 سنين إن الصغير

” فاكر لما فضلت مفهمك لمدة 10 سنين إن الصغير هو اللي يعتذر للكبير .. حتي لو الكبير هو اللي غلطان ” … الجٌملة و الكادر ده .. من الحلقة التالتة في مسلسل ( ميدتيرم ) … أحد المسلسلات ال” تريند ” حالياً .. و بمجرد ما سمعتها .. إبتسمت إبتسامة كبيرة .. و ضحكت .. و إفتكرت .. … أحد أشهر الحاجات عنّي في عيلتي .. هي إني باعلّم الصٌغيرين غلط 😁😆. آه والله العظيم .. بل إن في كتير من الصٌغيرين في عيلتي و كبروا دلوقتي ما شاء الله .. مستحلفين و متوعدين ليا إنهم يعلموا أطفالي زي ما كنت باعلمهم .. غلط 🤣 . . مثلاً : عند سن ( 3 ل 5 ) سنين الظريف ده .. و لما الكل كان بيعلمهم : واااااااااحد .. إتنييييييييين .. تلااااااااااااااتة .. و الطفل يبدأ فعلاً يحفظ الأرقام ( بالعربي و الإنجليزي ) .. . أنا كنت لما باقعد معاه … بافضل أشرح له إني ( ك شخص كبير و طوييييييييل و قديم في الحياة ) .. طول عمري كنت باعد : واااااااااااحد … أربعة .. سبعة … إتنين .. ستة .. عشرة .. 🤣🤣 . و دايماً و دائماً و أبداً .. كنت باشاور فوق .. و أقول عليه تحت .. و أشاور تحت .. و أقول عليه فوق .. … أغلب الحاجات هو إتعلمها و بقي ( يكررها ) .. كنت بافضل أقول له ( عكسها ) .. … زمااااااااااااااااااااااان .. و أنا صغير .. كنت باعمل ده .. و أفضل أشوف أهلي ( أبويا و أمي ربنا يحفظهم و يبارك فيهم .. و باقي أهلي كلهم ) .. و هما بيزعقوا و يضحكوا بإستنكار .. و يفضلوا يقولوا ليا : كفاية يا إسلام .. إحنا ما صدقنا إنه إتعلم صح .. حتيجي إنت تلخبطه . .. كنت باضحك .. و أستمتع بإحساس إني باتحدي أهلي .. و لكن .. و لكن مابدأتش أفهم أنا كنت باعمل إيه فعلاً … غير لما كبرت .. و لما الأطفال دول كبروا هما كمان . … اللي كنت باعمله هو : إني كنت باحاول أعلّم الأطفال دول لٌغتي .. عقلي .. عالمي الدائم و المستمر .. . في طفولتي .. ماكنتش درست ( إيتيمولوجي - Etymology - علم تسمية الأشياء و أصول اللغات ) … فبالتالي .. عُمري ما فهمت ( ليه الإتنين لازم يكون معناها حاجتين ؟! ) .. مش ينفع إن ( الإتنين دي .. كان يبقي معناها أربع حاجات ؟! ) .. يعني .. مين اللي سمّا الإتنين .. ب ( إتنين ) ؟! .. و ليه ؟! . . و لما كبرت و درست عن ال ( Neurodivergence = إختلافات عصبية ) .. و ال ( ADHD ) .. فهمت إن الموضوع ده متكرر و متأصّل جداً جداً في أغلب الناس اللي عندهم الإختلافات العصبية دي . و يمكن بيظهر بشكل ضخم مع الناس اللي عندهم ( Dyslexia = إضطراب إستخدام الحروف و الأرقام ) . . و السبب هو إن ك طفل .. ذاكرته قصيرة المدي ضعيفة جداً .. لما بيتشرح لنا إن ( برتقانتين يبقي معناها إتنين ) .. بننسي 🤣 .. و لكن عقلنا نشييييييييييييييط جداً .. فبيبدأ يحاول يكوّن أى تعريف لغوي خاص بيه لل ( برتقانتين ) .. . لاحظ هنا موضوع ( خاص بيه ) ده .. يعني .. التعريف اللغوي لل ( رقم إتنين ) .. و اللي حافترض إن إسمه حيكون ؛( حمادة مثلاً 🤣 ) .. بيكون تعريف لغوي ناشئ من الذاكرة طويلة المدي للطفل .. المعتمدة علي حياته و البيئة المٌحيطة بيه . . و بعدين .. بيلاحظ الطفل إن كل العالم حواليه بيفضل يتحدي التعريف ده .. و يفرض عليه تعريف آخر .. مالوش أساس .. مالوش معني .. (مٌجرد - Abstract ) .. مالوش أى علاقات في الذاكرة طويلة المدي . . يعني .. أنا ك طفل .. إتعرضت لنفس ال ( تحدّي ) للمفاهيم الأساسية دي .. بالظبط زي ما عملت مع باقي أطفال العيلة .. . ف لما كنت أنا عندي 10 سنين .. و أختي الصٌغننة عندها 5 سنين .. علمتها بالظبط بنفس الطريقة اللي العالم حواليا علمني بيها .. و فضلت أتحدي المفاهيم ال ( مٌعتادة ) اللي بتتزرع جواها .. زي ما العالم فضل يتحدي المفاهيم الأساسية اللي كانت متكونة فعقلي .. . أحد أشهر الحاجات عند الأطفال اللي زيي بالمناسبة ( المُختلفين عصبياً ) .. هو إن في أول 5 سنين في حياتهم .. بيكونوا كونوا لغة خاصة بيهم بالكامل .. بمصطلحات كتير مٌعقدة .. و لو لهم أخوات أو أصدقاء قريبين في السن .. بتكون اللغة دي هي لغتهم الخاصة اللي ماحدش تاني بيكون يعرف أى معني فيها …

و ما لم يتم تربيتهم في بيئة فيها ناس بتتكلم معاه كتير أوي .. اللغة دي بتفضل عايشة جواه لحد ما يكبر .. و تفضل جزء أساسي في تكوينه . … مٌعظم ال ( Steelman - المراجعة العلمية و التوصيفات الأكاديمية ) للأفكار اللي فوق دي بالكامل .. عرفت معظمها بعد ما درست سنين عن ال (ADHD و الإختلافات العصبية عموماً ) .. .. و لكن كلها وضحت بشكل أكبر بكتيييييييير .. بعد ما قرأت أحد الكتب اللي أحال عليها باشمهندس ( أيمن عبد الرحيم ) أعزّه الله في أحد محاضراته .. و هو كتاب ( الفكر و اللغة - Thought and Language ) بتاع : ليف فيجوتسكي - Lev Vygotsky . … و اللي تقدر تفهم منه مدي أهمية إن الإنسان يفكر في : مين اللي كتب القاموس الأول في دماغك ؟! و إزاي ؟! و ليه ؟! . … يعني إيه ؟! . يعني في دماغك .. إيه هو ال ” صح ” ؟! .. و إيه هو ال ” غلط ” ؟! .. إيه هو ال ” مهم ” ؟! .. و إيه هو ال ” مش مهم ” ؟! .. مين كتب المعلومات الأساسية ( اللي تقريباً كل شخصيتك مبنية عليهم ) ؟! و مرجعيته كانت إيه ؟! .. و اللي هو كتبه في عقلك ده .. حيوصلك لإيه ؟! . … زي ما باشرح و باذكر دايماً .. ال ( ADHD ) مش مرض .. و لكن إختلاف طبيعي .. كيميائي و عضوي .. و زي أى إختلاف .. له عيوب طبعاً .. و لكن له مزايا كتييييييير ضخمة .. و يمكن أحد اكبر المزايا دي .. هي : إن عقلك بشكل طبيعي بيكون ( متمرد ) . فبالتالي .. كل كلمة مكتوبة في قاموس عقلك الأساسي .. بتكون قابلة للمسح و التعديل بسهولة .. و ده صعععععععععب جداً جداً جداً جداً .. بالنسبة للناس اللي مش ( ADHD ) . … طيب و ده ميزة ؟! .. طبعاً ميزة ضخمة جداً .. لأن : أحد أكبر المصائب اللي ممكن إنسان يقع فيها في حياته .. هو إنه ( يتبع ) ما وجد عليه آباؤه و أجداده .. بدون تفكير . حتي لو كان ( آباؤك و أجدادك ) علي حق تاااااااام .. . يعني مثلاً : لو آباؤك مشوا في طريق يوصلهم من النقطة ( أ ) للنقطة ( ب ) .. و بفضل الله فعلاً وصلوا .. لكن في أثناء رحلتهم دي .. إضطروا ينحنوا في بعض الأماكن .. و يستريحوا في بعضها .. و يتراجعوا في بعضها .. . دورك .. إنك تفكّر و تفهم بكل طاقتك .. عشان تنطلق إنت كمان في رحلتك .. و تدعي ربنا إنه يرزقك الوصول للنقطة (ب ) . . لكن .. لو إتعاملت مع كل نقطة في رحلة ( آبائك ) .. علي إنها ( فرض ) لاااااااااابد من إتمامه .. يبقي إنت بتهدم أساساً فكرة ( يعني إيه فرض أصلاً ) .. . و بتفتح علي نفسك أبواب كتيييييييييييييييير أوي .. إن عند أى إنحناء ( آباءك أخدوه لظروف زمنهم و وقتهم ) .. إنك تتوه .. لأن الظروف الزمانية و المكانية إختلفت بالكامل . . طيب تعمل إيه ؟! حاجات كتير مش وقتها دلوقتي .. و لكنها بتبدأ بإنك : تسأل نفسك كويس جداً .. يا تري .. يا هل تري .. و أنا صٌغنن .. مين علمني الصح ؟! .. و مين علمني الغلط ؟! .. و إزاي ؟! .. و ليه ؟! .. … و الله أعلم .