بتفتح الفيسبوك الصبح أول ما تصحي من النوم

بتفتح الفيسبوك الصبح أول ما تصحي من النوم .. تلاقي الأخبار :

• الممثلة فلانة الفلانية شرشحت للممثلة علّانة العلّانية 🤣
• يا حلاوة و جمال كادرات المسلسل الجامد فحت , شايف ياض قيمة طرطوفة جناح الدبّانة اللي ظهر لمدة نص ثانية في ركن الشاشة البعيد ده ؟! .
• شوف ياض حلاوة الألوان في الإعلان الكرييتف فحت بتاع المٌنتج ده ؟! .. ده أنا حاشتري منه بس عشان الإعلان .. مع إني مش باستخدم المٌنتج خالص 🤣 . … و غيرها من البوستات و الأخبار اللي 90% منها عبارة بس عن : دوشة . … و لو إتكلمت أو سألت أو عبّرت عن أفكارك .. و إنك عايز تشوف أخبار مهمة .. مش الهري ده .. حتلاقي ناس بترد عليك بصوت عالي و تقول : لااااااااااا .. ماتظلمش الخوارزميات .. إنت اللي عايز تشوف الأخبار بتاعت آخر هدوم إتقطعت للمثلة إياها .. الخوارزميات بس بتوريك اللي إنت عايزه . … الحقيقة إن ده .. مش حقيقي إطلااااااااقاً .. .. خليني أشرح : .. إتخيل إنك قاعد في كافيه فيه 100 شخص قاعد حواليك .. و كلكوا بتتكلموا و بتدردشوا في شوية مواضيع مهمة مثلاً .. لكن فجأة صوت طلع في النص و قال ( خدت بالك من موضوع فضيحة الممثلة إياها في البرنامج إياه ؟! ) . فجأة حتلاقي الناس بتبص حواليها .. تدور علي مصدر الصوت ده .. مش حيلاقوه .. و لكن كلهم حيبقي تم إثارة فضولهم .. و حيدوروا .. و بالتالي ..خلال ثواني .. حيتحول موضوع ( فضيحة الممثلة إياها في البرنامج إياه .. لتريند ) . … ده هو حال السوشيال ميديا و الفيسبوك خصوصاً حالياً . … إتخيل بقي لو ده إتغير .. . إتخيل لو في القعدة دي .. و أثناء ما كل الناس بتتكلم في مواضيع مهمة .. طلع نفس الصوت و قال ( خدت بالك من فضيحة الممثل بقي ؟! ) .. و فجأة .. كشّاف عالي راح منوّر عليه 😅🤣.. كل اللي قاعدين فجأة شافوا الشخص ده .. و يقدروا يمسكوه و يسألوه بوضوح : إنت مٌهتم فعلاً بالفضيحة دي ؟! . إحساس ال ( مسئولية ) المرئية الواضحة ده .. أحد أهم عناصر بناء المٌجتمعات الناجحة بالمناسبة .. و اللي فيه بيخاف كل شخص من رد فعل المجتمع عليه لو ( حب يهجّص أو يقل أدبه أو يستعبط ) . . و مش بس كده .. لا .. إتخيل بقي إنك مش مغلوب علي أمرك زي حالك حالياً في الفيسبوك .. و لكن إن لك صوت .. و قيمة .. و لما بتشوف حاجة مهمة .. تقدر تقول إنها مهمة .. و بالتالي توصل لناس أكتر . … بفضل الله بنيت ده .. 🥳🥳 .. لو مش متابع .. ف علي مدار ال4 أيام اللي فاتوا .. أنا واخد غطس فأعماق ال( ai ) ماخدتوش من سنة .. و بابني في ( سلسلة - silsila ) . … سلسلة .. فكرة عندي من سنين .. و هي : ماذا لو قدرنا نبني شبكة تواصل إجتماعي فيها علاقات ( ثقة ) واضحة و مرئية .. بحيث إن كل ( فعل ) في الشبكة دي .. يكون واضح فيه تسلسل الثقة ده . … تم البناء بفضل الله .. و حالياً في : سوق كامل ( عرض و طلب ) .. كل حاجة في السوق ده مش بس بتشوف هي بتاعت مين .. و لكن بتشوف ال ( شخص ) ده .. علاقاته إيه .. مين بيثق فيه .. و هو بيثق في مين .. مين يضمنه .. و هو بيضمن مين .. . و سلاسل الثقة دي .. بتوصل لحد عندك إزاي . … و تم كمان بناء ( شبكة تواصل إجتماعي أساسية ) : يعني بوستات و لايكات و شيرات و كل الحاجات اللي ممكن تلاقيها في شبكة تواصل إجتماعي .. و إيموجيهات 🤣🤣🤣🤣 .. كان مهم النهاردة إني أضيف زرار الإيموجي ده . … و لكن .. النهاردة تم إضافة أحد أهم المزايا الجديدة بقي … و هي : الأخبااااااااااااااااااااااااااااااااااااااااااااااااااااااااااااااااااار . … يعني .. تفتح ( سلسلة ) .. تلاقي تحت ( لو بتفتح من الموبايل ) .. أو فوق ( لو بتفتح من الكمبيوتر 😅 ) .. تاب الأخبار . . عربي و إنجليزي .. و لكن .. و لكن دي مش مجرد أخبار تسكرول فيها و خلاص .. لا .. كل كارت خبر .. كل مقال .. تقدر ت( swipe left or right ) زي تيندر بالظبط 🤣🤣 .. لما بتحرك الخبر لليمين ( أو تعلم عليه صح ) .. إنت بتحرّك الخبر ده لفوق .. بتديله قيمة أكبر .. بتعلّي صوته .. بتدّي له أهمية أكتر .. و بيكون واضح إختيارك ده لكل علاقاتك .. فبالتالي .. اللي بيشوف الأخبار من علاقاتك .. حيشوف الخبر اللي إنت إديته أهمية أكتر الأول .. أو العكس .. تقدر تقول ( لا ده خبر تافه مش مهم ) .. و ده حينزّل الخبر ده في الأولوية .. و هكذا . … الهدف هو : إن المهم يظهر .. و التافه يقل ظهوره . … و لو مفكّر إن حد يقدر ( يبوظ ) الفكرة دي .. لازم تفتكر إنك إنت اللي بتختار علاقات ثقتك .. يعني لو حد لامؤاخذة لعب في إعدادات العالم اللي إنت بتشوفه .. ف ده لأنك إنت قررت إنك تثق فيه … و قبلت الثقة دي . … دلوقتي .. عايز تعرف آخر أخبار العالم بشكل نضيف .. مستقل .. مافيهوش إعلانات .. مش بيتلعب فأساساته من ناس مش معروفة .. و فنفس الوقت لو حد لعب في أساساته ( و حاول يزعق فوسط الدوشة عن خبر فضيحة الممثلة إياها 🤣) .. حيبقي واضح هو مين بالظبط . … و الله أعلم … . *** رابط ( سلسلة ) فأول تعليق . . *** علي مدار ال36 ساعة اللي فاتوا ضفت حاجات تانية كتير فحت .. و إمكانيات أكتر كمان .. و حاتكلم عنهم تباعاً بإذن الله .. و لكن البوست كده طوّل .. و أنا كنت بقالي كتير جداً من سنين ماعملتش فنفسي كده ( إني أقعد أشتغل علي بروجكت واحد متواصل 30 ساعة ورا بعض تقريباً ) .. و عينيا بدأت تشوف ألوان عجيبة 🤣