تحديثات ( سلسلة - Silsila ) اليوم التالت

تحديثات ( سلسلة - Silsila ) اليوم التالت . … أولاً - اللهم صلّي عالنبي وصلنا ل 90 مٌستخدم تقريباً 🤣 . ثانياً - شوية تحديثات كتير بقي إتعملت من إمبارح : . 1- تم بناء شبكة التواصل الإجتماعي بالكامل 😁 . يعني بوستات و تعليقات و لايكات ( و شيرات لسة جاية بالليل غالباً إن شاء الله ) . 2- شبكة التواصل دي مٌختلفة بقي عن أى حاجة تانية .. ليه ؟! لأنها بتعتمد علي نظام الثقة .. يعني .. المنشورات اللي حتشوفها مش حتشوفها ( لأنها مشهورة ) .. ولا ( لأنها إعلانات ) .. ولا لأن الخوارزميات عايزاك تشوفها .. لا لا لا .. إنت حتشوف فقط المنشورات اللي طالعة من الناس اللي إنت تثق فيهم و يثقوا فيك .. و بعدين المنشورات اللي طالعة من الناس اللي هما ( علاقاتك يعني ) يثقوا فيهم برضو .. و هكذا .. بالظبط كإنك في قرية .. و طلعت تتمشّي برة بيتكم .. فالأول حتشوف و تتكلم مع أهلك .. و بعدين جيرانك القريبين .. و بعدين اللي أبعد .. و اللي بعدهم .. و هكذا .. و كل منشور حتشوف فيه تفصيلياً من فوق .. سلسلة الثقة بتاعته .. بتبدأ من عند مين .. و إنتهت عندك . … 3- السوق دلوقتي بقي ( عرض و طلب ) .. مش ( عرض بس ) .. يعني تقدر تعرض فيه منتجاتك و خدماتك .. و كمان تقدر تطلب .. بحيث إن لو حد شاف طلبك و هو عنده الطلب ده ( عروسة مثلاً 🤣 ) . .يقدر يتواصل معاك عن طريق سلسلة من العلاقات بتكون واضحة لكم إنتوا الإتنين . بالظبط زي نفس نظام القرية لو حد بيدور علي عريس لبنته أو عروسة لإبنه . … 4- المحادثات دلوقتي بقي ينفع يتبعت فيها صور . … 5- المنتجات دلوقتي ينفع تضيف لها جاليري من 5 صور . … 6- و عملية التسجيل أصبحت بسيطة و سهلة ( عن طريق جوجل أو فيسبوك أو الإيميل ) .. … و كالمعتاد .. رابط التسجيل في أول تعليق .. و الموضوع بدأ يكبر فدماغي أو أدّيله إهتمام أكبر 😅 .. و قريباً حاعمل لايف أرد فيه علي كل الرسائل و التعليقات اللي لها علاقة بالموضوع ده إن شاء الله . … و الله أعلم .