النهاردة الصبح إتعلّمت أ ( Juggle ) فجأة !! 🤣🤣🤣

النهاردة الصبح إتعلّمت أ ( Juggle ) فجأة !! 🤣🤣🤣

آه والله .. مش مجازاً أو تشبيه مثلاً .. لا .. فعلاً .. النهاردة الصبح مسكت 3 كور من عالمكتب .. و لقيت نفسي باقدر ألعب بيهم بالظبط زي عمو اللي في الصورة ده بكل سهولة !!! . .. بس للتوضيح .. هو الموضوع ماحصلش فجأة النهاردة الصبح ..أنا الحقيقة بقالي 3 أيام باحاول 🤣 .. المُفاجئ هو إني لقيت إني إستمريت في ال (juggling ) لمدة 30 ثانية تقريباً من غير ما أى كورة تقع بكل سهولة !! .. و كان ممكن أكمل .. لكن إفتكرت شوية معلومات من كذا كتاب قرأتهم علي مدار السنين ليهم علاقة بالموضوع ده .. ف جيت أكتب البوست ده 🤣 . … خليني أشرح .. من أسبوعين تقريباً .. رحت أشوف فيلم ( Demon slayer ) الجديد في السينيما .. و في الفيلم .. في مشاهد لأحد الأبطال ( أكازا ) و هو بي( juggle ) تدريحياً .. بداية من كورة صغننة .. لحد ما أصبح متمكن و بيلعب ب 3 كور ب سهولة . المشاهد دي كان فيها رمزية فنية لتوضيح التغيير اللي بيحصل في نفسية البطل ده ( أكازا ) .. و لكن مش حاحرق لك الفيلم 🤣 . .. المهم .. الموضوع فضل معلّق في ذهني .. و علي مدار الكام يوم اللي فاتوا .. لقيتني بالعب بالكور اللي عندي عالمكتب بشكل مختلف ( مكتبي دايماً مليان كور و لعب 🤣 ) . المٌختلف في طريقة لعبي بيهم كان : إني بدأت أحاول فعلاً أ ( juggle ) !! . .. علي مدار سنين حياتي .. شفت آلاف عروض ال (Juggling ) بكل تأكيد .. و لكني عمري ما حاولت أعمل كده .. و دايماً كان في قناعة في عقلي إن الموضوع صعب .. أوي .. و يتطلب تمرين و إحترافية ضخمة . .. لكن .. زماااااااااااااااااااااااااااااان .. سنة 2009 تقريباً .. كنت شفت فيلم ل ( باتريك ديمبسي ) إسمه ( Made of honor ) .. بسبب إني كنت مدمن ل ( Greys anatomy ) أيامها 🤣 .. و فأحد لقطات الفيلم السريعة جداً .. بي (Juggle ) !! .. و تقريباً دي هي اللقطة الوحيدة اللي ما زلت فاكرها من الفيلم .. و لقيتني بافتكر اللقطة دي .. و إزاي الموضوع كان سريع و بسيط و سلس !! .. ف بدأت أفكّر في ال ( Mechanics - التسلسل الحركي ) للموضوع .. و إزاي الإيدين المفروض تتحرك عشان تلقط كل كورة و تحدفها بتسلسل و رتم ثابت !! . .. و علي مدار ال 72 ساعة اللي فاتوا … توصلت إن لو قدرت أكمل ( دورة = Cycle ) واحدة من العملية .. ف تكرارها بعد كده مش صعب إطلاقاً .. . ال( Cycle ) هنا يعني إيه ؟! يعني .. إني أبتدي ب كورتين في إيدي اللمين .. و كورة في إيدي الشمال .. و بعدين أحدف كورة من إيدي اللمين لفوق .. و بعدين قبل ما ألقطها بالشمال .. أكون حدفت الكورة الشمال .. و قبل ما الكورة الشمال دي ألقطها بإيدي اللمين .. أكون حدفت الكورة التالتة اللي في اللمين … و هكذا .. لحد ما أرجع تاني لنقطة البداية .. اللي هي : كورتين في الإيد اللمين .. و كورة في الشمال . .. لحد أول إمبارح .. كنت وصلت إني باقدر أعمل ال (Cycle ) مرة كاملة .. باللمين و الشمال .. يعني إبتدي مرة من كورتين بالإيد اللمين .. و مرة أبتدي من كورتين بالإيد الشمال . … … إمبارح كنت باحضر حفلة أوركسترا ف مكتبة الإسكندرية .. ل ( The Ayoub sisters ) ..رااااااااااااااااااااااااااااائعة … و عينيا كانت متعلقة ب كل فرد في الأوركسترا و إتقانه للآلة الموسيقية اللي هو بيلعبها .. و بافتكر معاناتي ( المستمرة حتي الآن ) في إني أتقن الكمانجا .. و أوصل لمرحلة ال ( راحة ) في التعامل معاها . مرحلة إني أحرر ال (prefrontal cortex = الفص الأمامي في دماغي ) من إدارة كل حركة .. و إني أبقي باتعامل مع الكمانجا بذاكرتي العضلية فقط .. أنا لسة ماوصلتش للمرحلة دي .. لكن كل فرد في الأوركسترا إمبارح .. كان بيتعامل مع الآلة بتاعته .. بأريحية عجيبة .. و طبعاً خصوصاً بطلتين الحفل .. اللي في الآخر قدّموا أحلي هدية كان ممكن أتخيلها .. و عزفوا ( storm ) ل فيفالدي 🥳 .. لكن للأسف ماعزفوش ( راسبيوتن ) 🥲 . … … فالنهاردة الصبح .. و بعد الرد علي بعض الإيميلات و الرسائل .. لقيتني مسكت التلات كور .. و بدأت أ (Juggle ) .. الكور ماوقعتش !! .. ال ( دورة = Cycle ) كملت بكل سهولة .. فكررتها مرة .. و تانية .. و تالتة .. و لقيتني إني بقيت ب ( Juggle ) بكل أريحية و سهولة !! . .. إفتكرت نفس التسلسل اللي عديت بيه و أنا في 3 إبتدائي أول مرة أتعلم أسوق عجل !!! فضلت في معاناة لمدة شهور .. و أقع و أتجرح في رجليا و أتألم … و فجأة برضو .. الموضوع أصبح سهل جداً .. بسيييييييييييط جداً .. كإني كنت باسوق عجل طول عمري !!!! . … … من كام يوم .. كنت باعلّم حد في الجيم يعمل ضربة ال ( 360 ) .. اللي هي بتضرب برجلك اللمين مثلاً الأول ضربة عالية جانبية في مستوي رأس الخصم .. و بعدين لحظة نزول الرجل دي علي الأرض .. بتنط و تلف بجسمك كله 360 درجة .. و تضرب بنفس الرجل مرة تانية ضربة جانبية برضو . .

كنت باشوف معاناته .. و بافتكر معاناتي في طفولتي أول ما حاولت أتعلم الحركات دي .. و معاناتي في سواقة العجل .. و معاناتي في سواقة العربيات .. و معاناتي مع الكمانجا .. و معاناتي في تعلّم الكتيييييييييييير من المهارات العضلية .. و التقنية المختلفة ..

و بعدين إفتكرت تدريبات كتير من اللي خضتها في رحلة ال ( ثيرابي ) مع الدكاترة النفسيين اللي إتعاملت معاهم .. عشان أتعلم تقنيات ( نفسية ) .. زي إزاي أتعامل مع الغضب .. إزاي أتعامل مع الإحباط .. إزاي أتعامل مع زيادة التفكير بشكل يشل القدرة علي إتخاذ القرار ( Overthinking ) .. و إزاي أتعامل مع عقد الذنب .. و غيرها كتير من التقنيات النفسية دي . … و لقيتني بارتب الأنواع دي من المهارات في عقلي ..

1- مهارات عضلية بحتة ( زي موضوع ال Juggling ده ) . 2- مهارات عقلية بحتة ( زي كتير من مهارات الشغل التقني المختلفة ) . 3- مهارات نفسية بحتة ( زي إزاي أتعامل مع شعور الإحباط المزعج ) .

و بعدين مهارات تانية بتبقي مزيج من إتنين .. أو التلاتة من الفئات دي .. زي مثلاً :

• مهارات الموسيقي ( إنت محتاج مهارات عضلية + مهارات عقلية ) .. و فمراحل متقدمة جداً فيها .. حتحتاج مهارات نفسية كمان . . أو
• مهارات القتال ( إنت محتاج مهارات عضلية + مهارات عقلية ( تكنيك ) + مهارات نفسية ( شجاعة و عدم خوف ) ) … أسهل أنواع المهارات علي الإطلاق .. هي : المهارات العضلية بس .. لأنها بتعتمد علي تكرار .. لو فضلت تعمله .. عند مرحلة معينة .. المهارات حتنطبع علي ذاكرتك العضلية .. و عقلك حيبطل يستخدم ال (Prefrontal cortex ) عشان يحتفظ بمعلومات الحركة .. و حتبقي بتعملها بشكل تلقائي بحت . .. اللي أصعب منها هي : المهارات العقلية .. لأنها بتاخد وقت أطول في إنك تربّط المعلومات الجديدة .. بشجرة المعلومات اللي موجودة فعقلك من طفولتك .. و لو إنت أساساً مش فاهم الشجرة دي موجودة إزاي .. أو لو مش بتعمل عليها مراجعات بشكل دوري .. بتبقي معرّض إنك تكتشف خلل في تركيب المعلومات دي علي بعض فجأة .. و تفضل ماشي في الحياة كإنك ماسك كراتين كتير فوق بعض لو حد نفخهم من بعيد .. يقعوا كلهم فجأة . لكن لو فعلاً فاهم المعلومات كويس .. الكراتين دي كلها بتتربّط فبعضها .. و تتحول ل جزء أساسي من تكوينك مش محتاج تبذل مجهود عشان تفضل محتفظ بيه . … أما أصعب أنواع المهارات علي الإطلاق .. .هو المهارات النفسية دي .. المشاعر يعني .. لأنك حتي لو فهمت منطق المعلومات اللي مبني عليها .. و حتي لو عملت التمارين الحركية المرتبطة بيها .. برضو مش بتوصل للنتيجة إلا بعد شهور كتير و سنين .. ده لو وصلت أساساً 🤣 … في إيماني و عقيدتي .. التسلسل ده واضح جداً .. بل بيعضده كتير من المرويات و السرديات الدينية .. إن أعلي مراحل الإيمان و أصعبهم .. هي الإيمان بالقلب .. أسهلهم هو التكرار الحركي ل حركات الصلاة مثلاً .. و التكرار الحركي للقرآن بلسانك . . و بينهم .. مرحلة إعمال العقل … طيب .. الكلام ده ممكن يكون مفيد إزاي لأى حد عاني في إنه يقرأ كل ده 🤣 .. .. ببساطة : التكرار . … يعني إيه ؟! . يعني .. إتخيل كل مرحلة من ال3 مراحل اللي شرحتهم دول ( العضلية , العقلية , النفسية ) .. ك إزازة مياه . . المرحلة العضلية .. عبارة عن إزازة مياه لتر .. مجرد ما تشغل حنفية التكرار لمدة صغننة .. حتشوف نتيجة لما المياه تملاها بالكامل . . المرحلة العقلية .. عبارة عن إزازة مياه 4 لتر .. حتحتاج تصبر شوية حلوين .. لحد ما تشوف النتيجة بتاعت المياه لما تملاها بالكامل . . أما المرحلة النفسية .. ف دي إزازة مياه ضخمة جداً .. تانك كبير .. قد يكون مئات اللترات في بعض الناس .. لكن لما يمتلئ .. بعد تكرار قد يحتاج منك حياة كاملة .. النتيجة بتكون لا مثيل لها .. إطلاقاً .. … و فأى مرحلة من المراحل دي … لو إستعجلت و يأست و بطلت تكرار قبل ما الإزازة تتملي و تشوف النتيجة .. .. ف للأسف .. حتفضل طول الوقت تظن الصعوبة في حاجات .. هي أسهل ما يكون . … و الله أعلم .