وسط كل المشاعر الجياشة المٌتدفقة من إمبارح دي .. أحب

وسط كل المشاعر الجياشة المٌتدفقة من إمبارح دي .. أحب بس أفكّر نفسي ب 4 نقاط مهمة : .. 1- جزء أساسي جداً في عقيدتنا .. و عقيدتهم .. هو إن الحرب مستمرة إلي قيام الساعة .. و ففترات الهدوء .. هما بيشتغلوا بكل طاقتهم .. عشان ففترات ال ( مش هدوء ) .. يكونوا طرف أقوي . فبالتالي .. لو في شوية هدوء جايين .. رجاااااااااااااااءاً .. إفهم إن المقاطعة مهمة جداً جداً .. بل بتكون أهم في فترات الهدوء دي ( لأنها فترات إعداد ) .. فماتفضلش تدفع له فلوس ففترة الهدوء .. و لما يشتري بيها سلاح و يضربك ففترة الدوشة .. تروح تبطّل تدفع فلوس . … 2- لو كانت الدعوة للمٌقاطعة مثلاً مستمرة بنفس القوة من 2000 لحد النهاردة .. متخيل مدي الإختلاف اللي كان ممكن يكون من سنتين ؟! … 3- فترة الراحة اللي بين الجولات في ماتشات الملاكمة .. الهدف منها هو الإستعداد للجولة القادمة .. يعني بٌق مية .. شوية إنتعاش .. تعالج شوية جروح تقدر عليها .. مش إنك تأنتخ بقي و تقلع الجلافزات و تروح تاخد خصمك بالحضن و تبوسه 🤣 … 4- دورك ك فرد واحد بسيط هو أفكارك و أفعالك إنت فقط .. مالكش دعوة ب غيرك بيعمل إيه .. طبيعة الكون منذ أن خلقه الله .. هو إن الأكثرية دايماً ( غلط ) .. يعني لو ففرح مثلاً .. و شفت آلاف المعازيم حواليك بيفتحوا أزايز كولا .. و بيضربوا ماك الوجبة السعيدة .. و بيحيوا علم ديزني كمان .. إعمل اللي عليك حتي لو كان مجرد إنك تقف بعيد تعض فساندوتش فول و فلافل .. و جنبه كٌباية شاي نعناع سكر برّة . صدقني .. مهما فكّرت إن التيار أقوي .. حد حيشوفك .. و حيتسائل .. و حيتأثّر بيك .. و حيطلب فول و فلافل هو كمان .. و شاي زردة .. و الكشك اللي كان حيقفل جنب الفرانشايز .. مسيره في يوم يكبر و يسيطر عالفرانشايز . … و الله أعلم .