لو شيرت هنا صور التعليقات السلبية علي البوست السابق (

هل : لو شيرت هنا صور التعليقات السلبية علي البوست السابق ( بتاع موت ماثيو بيرري ) و الرسائل اللي فيها شتائم و حاجات شبه اللي في الرسالة دي .. و كتبت رد تفصيلي مفصل يحمل كل أفكاري و آرائي الناتجة عن تفكيري الخاص و عشرات الكتب المتخصصة في مجالات ( ثيولوجي , أنثروبولوجي , تاريخ , فلسفة , … و غيرهم ) اللي قرأتها علي مدار حياتي .. و الكثير و الكثير و الكثير جداً من الذكريات و المحادثات و الحوارات مع أشخاص من مختلف المعتقدات و الخلفيات العقائدية و الثقافية اللي قابلتهم في حياتي داخل و خارج مصر .. .. لو عملت كل ده .. .. هل حتيجي فلانة اللي بعتت ليا الرسالة الظريفة دي .. أو فلان اللي لما سألته يرشح ليا مصدر يعلمني أفكر أفضل ( فقام بترشيح إني أتفرج علي مسلسل فريندز 🤣😅 تاني عشان أتعلم منه ) . و يقرأوا و يحللوا و يفكروا و يناقشوا ؟! .. .. أنا فعلاً ماعرفش الإجابة .. و مش حافترض إطلاقاً أى شيء .. أنا فعلاً باسأل .. … أنا عارف إن العالم ملئ بالملايين المؤمنين بإن الأرض مسطحة ( flat earthers ) .. و اللي لو ناقشت حد منهم حيتهمك مباشرة بإنك عميل لمنظمات دولية سرية 🤣 . .. و ملئ بالملايين اللي بيؤمنوا إيمان تام ب ( الأبراج , الحب من أول نظرة , الحب من أول فلتر , الحب من أول DM , الحب من أول hi , … و غيرهم ) .. .. و ملئ بالملايين و الملايين اللي بيؤمنوا إيمان لا يشوبه شك .. بإنهم حلوين أوي و مافيش إلا هما .. و اللي يبيعهم يخسر دلعهم .. و كل ما شابه .. … أنا عارف ده .. و مع ذلك .. و مع ذلك .. بيدهشني كم الثقة و الكبرياء و التكبر اللي بيمتلئ بيها إنسان لو ظن فلحظة إنه علي صح أو حق !! . و دهشتي ده بتزيد دايماً .. لما باسأل عن مصدر ( ثقته و كبريائه و تكبره ) بمعلوماته أو معتقداته دي .. أو مرجعيته … و تكون الإجابة .. كما تقول سوكة كيفي كده .. كيفي هنا .. و اللي أقوله هنمشيه 🤣🤣🤣 … … رجاء .. رجااااااااااااااااااااء .. راجع مصدر أفكارك و آرائك .. و إتأكد إنه مش من عند سوكة 😆 .. و في الحالة دي مستعد أتعلم منك فعلاً 😆