لو ماتعرفش مين ده

لو ماتعرفش مين ده .. ده حمزة شيماييف .. شيشاني و لكن هاجر للسويد مع أهله و عاش هناك .. من أفضل مقاتلين ال UFC حالياً .. و الفيديو ده بعد فوزه في ماتش مع ( كامارو عثمان ) في حدث كان جزء كبير جداً في العالم مستنيه .. .. أنا ماكنتش من متابعي ال UFC زمان .. و لكن حد زي ( حبيب نور الدين ماجد = Khabib normagedov ) من سنتين خلاني أهتم بيها و أتابعها .. و حالياً أخوه ( إسلام ماخاشيف ) ما شاء الله عليه هو البطل . … الناس دي ربنا يثبتهم لأنهم من اللحظة الأولي و هما فعلاً مثل يُحتذي به ( علي قدر علمي ) .. … في البطولة الأخيرة دي .. و أثناء ما باتفرج عليها و باتفرج علي تعليق ( جو روجان ) عليهم فنفس الوقت مع أصحابه .. جو روجان فجأة سألهم : ” حلقة عجيبة دي اللي كلهم ” يقصد مقاتلي داجستان زي حبيب و فريقه ” عاملينها … حالقين شواربهم و مطولين دقونهم … لما تشوف حد بالحلقة دي .. تخاف و تعرف هو من فريق مين علطول ” 🤣😅 .. … سبحان الله العظيم .. إن أحد المعاني في ( سُنة رسول الله صلي الله عليه و سلم ) ينطقها حد زي ( جو روجان ) .. المنظر الواحد .. الشكل الواحد .. الفريق الواحد .. القوة الواحدة .. البنيان المرصوص .