ماعكش فلوس تتبرع ؟ , ماتقدرش تروح تعمل حاجة بنفسك

ماعكش فلوس تتبرع ؟ , ماتقدرش تروح تعمل حاجة بنفسك ؟ , بتدعي و متأثر بس حاسس إن ده مش كفاية ؟ , … طيب : تساعد إزاي ؟! .. الإجابة : إنقل الوعي للي بعدك .
… … الخناقة عمرها ما كانت خناقة يوم أو شهر أو سنة .. أو حتي خناقة 75 سنة ( من سنة 48 يعني ) .. ده خلاف أساسي و مستمر لحد ما يتم أمر الله بإذنه وحده .. و فهم الموضوع ده و توريثه و شرحه للأجيال بعد الأجيال .. معركة بنفس أهمية و صعوبة اللي بيتم حالياً .. … … السيطرة الإعلامية الناعمة اللي كانت بتزداد علي مدار ال100 سنة اللي فاتوا خبيثة جداً .. و عميقة جداً في تأثيرها .. .. التسلسل إبتدي كالتالي :

1- شايف حياة الأرسطوقراطيين ( الملوك و الأمراء و الأغنياء ) اللي مليانة رفاهيات و حاجات حلوة دي ؟ .. عايز تعيش زيهم ؟ .. طيب .. خد فلوس و إشتري عيش من الفرن و ماتتعبش نفسك و تخبز إنت . خد فلوس و إشتري لحمة من الجزار و ماتتعبش نفسك و تدبح إنت . خد فلوس و إشتري شنطة حلوة شبه شنطة الأميرة .. خد فلوس و إشتري بدلة حلوة شبه بدلة البرنس .. خد فلوس و إشتري ساعتين في الحانة أو النادي رفه عن نفسك فيهم . خد فلوس و إشتري .. .. 2- بعد كام جيل .. حتي لو إنت قاعد فأرضك .. إلا إنك مابتعرفش تزرع .. مابتعرفش تخبز .. مابتعرفش تدبح .. مابتعرفش تنسج .. مابتعرفش تعيش من غير رفاهيات كتير أوي و مُلهيات .. و عايش عبد .. للفلوس . .. 3- بعد كام جيل تانيين .. بعت كل شيء في حياتك .. مقابل الفلوس .. كل شيء حرفياً .. و حالياً ؟.. مافضلش عندك غير :

• عرضك و حيائك .. و بقي سلعة علي التيكتوك و إنستاجرام ..
• تاريخك .. و بقي مسلسلات عن رومانسية قطز و جلنار .. و تهميش كل شيء له علاقة بوعي و دين المُحارب و فكره .
• فاضل إيه ؟ … ببساطة ( وعيك و إنتباهك ) .. … دعمك النفسي نفسه ( مجرد تعاطفك مع قضية عقيدتك ذاتها ) .. أصبح شيء صعب تعترف بيه .. و إلا ( الفلوس ) ممكن تتقطع عنك . … و أولادك ؟ .. تخاف تشرح لهم و تنقل لهم الوعي ده … و إلا ممكن المدرسة تتهمهم بإنهم عندهم أفكار ظلامية ! 🤣 . … … متخيل كمية الهري اللي بيتهري كل عيد أضحي عن ( قسوة قلب اللي بيدبحوا ) .. في حين إن نفس اللي بيهروا دول بيدفعوا فلوسهم و مشاعرهم و إنتباههم و هما بيتفرجوا علي فيديوهات تسوية ال (ستيك الويل دان ) .. الفكرة عمرها ما كانت في الحفاظ علي مشاعر الحيوانات .. الفكرة هي زرع خلل أساسي في وعي و تكوين الإنسان .. .. الأسد ظالم و قاسي و وحش .. لأنه بياكل الغزالة المسالمة الحلوة أم رموش طويلة !! .. .. التعلب مكار و بيتحايل علي الفرخة المسالمة عشان ياكل عيالها و يإذيها فمشاعرها .. .. حتي القطط و الكلاب .. بيتم إخصائها .. عشان تفضل قدامنا (كيوت و مسالمة ) .. نستمتع بفروها الأبيض و ماتزعجناش بطلبها للزواج . .. الفلوس أهم شيء في الحياة .. و لازم الولد و البنت يكون معاهم ملايين قبل ما يرتبطوا بزواج و إلا حيعيشوا في معاناة .. .. بس الحب و الرومانسية هما أهم شيء في الحياة .. و كل الأفلام و القصص و المسلسلات و الروايات عن الحب اللي إنتصر علي كل شيء … و حب الأطفال اللي كبروا و إنتصروا علي المجتمع لحد ما إتجوزوا بعض .. صح ؟ … طب طلاق ؟! … لاااااااااااا .. ده جريمة فحق كل الأطراف .. و عيب و غلط .. … طب راجل له علاقات نسائية متعددة و فاتح زراير قميصه و مقضيها .. بس صوته حلو و وسيم و بيغني .. ده روش طحن نجم فنان نصقف له و نستضيفه و نسمع آرائه فكل شيء .. صح ؟ … … كل نقطة من النقط اللي فاتت دول .. و غيرهم .. له أصل واضح و صريح و مباشر في القصص و الروايات و المسلسلات و الأفلام اللي إتعملت و تم زرعها فعقول البشر علي مدار ال100 سنة اللي فاتوا و مئات من السنين قبل كده .. .. وعي مختل بالكامل تم تكوينه و طبخه علي نار هادية جداً جداً .. .. نتيجته : إنسان تفكيره ضحل مختل .. مش قادر يتقبل أو يفهم حكمة الله في خلقه .. أفكاره كلها مكونها من شوية أفلام و قصص .. بيعاني و بيسبب معاناة غيره معاه . … … الإنسان ده .. عبد لإنسان غيره .. بشر بيعبدوا بعض .. خايفين من بعض .. بيشتروا رضا بعض بأغلي ما عندهم .. … … الحر .. عبد الله … حتي لو ماكنش علي دين الإسلام ( لأنه لم يتعلم عنه صح ) .. بيقدر يشوف الصح و الحقيقة بوضوح في خلافات زي اللي بتحصل حالياً دي .. .. العبد .. عبد الإنسان ..بيعاني حتي لو كان علي دين الإسلام .. حتي لو إتعلم في صغره آيات و أحاديث تشرح له الحقيقة فين و الصح فين .. بس تفكيره و وعيه تم تكوينه و طبخه علي نار هادية لمدة سنين و سنين .. بيواجه صعوبة ضخمة فإنه يحدد مشاعره أو أفكاره في ظروف زي الحالية للأسف . … … أكبر مساعدة تقدر تقدمها لو ماتقدرش تقدم حاجة غيرها هي : .. إنقل الوعي لغيرك من اللي لسة تفكيره و وعيه بيتكون .