سنة 1633 ميلادياً

سنة 1633 ميلادياً .. المدارس و الكليات في فلورنس بيتم تأجيلها لظروف جوية صعبة توقعتها الأرصاد 😅 . و طرق فلورنس الزراعية و الصحرااوية هي كمان بيتم قفلها و وضع كماين عليها زيادة عن المعتاد !! 😅😅 . و كل البرامج الحوارية و القنوات التيليفزيونية كانت مشغلة أغاني فلورينسية وطنية 😅😅😅 . السبب ؟! .. محاكمة المتهم المارق الخارق المهرطق هادم قيم الأسرة و المجتمع الفلورينسي : جاليليو جاليلي 😁 . … ده البوست الرابع في السلسلة اللي باتكلم فيها عن عصر النهضة في أوروبا .. و اللي بدأت بمحض الصدفة البحتة بسبب سؤال برئ عن ال : إبداع . . البوست الأول .. شرحت فيه تسلسل الأفكار اللي قاد إني أبدأ الحكاية دي . البوست التاني .. شرحت فيه قصة ( تاجر البندقية ) ل شكسبير .. و إزاي إني باعتبرها علامة مهمة في الحكاية . البوست التالت .. شرحت فيه تاريخ ال ( ربا = الإقتراض بالفائدة يعني) .. اللي هو السبب الرئيسي و الأكبر في إن عيلة ( ميديتشي ) تبقي من أغني عائلات أوروبا في الوقت ده .. و أقواهم . … البوستات دي أنا مش باكتبها ك مجرد ( سرد تاريخي ) إطلاقاً .. و لكن هي مجرد تعبير عن وجهة نظري .. اللي هي ببسااااااااااااطة خالص لو مكسل تقرا كل اللي باهري فيه ده .. كالتالي :

ما نظن إن هو إبداع و قيمة فنية و حضارية ضخمة جداً جداً جداً ( النتاج الفني و الثقافي و الحضاري ل عصر النهضة ) .. ماينفعش نسعي إليه أو نعظمه في أنفسنا أو نقدسه .. أو حتي يبقي هو ده مفهوم الإبداع في عقولنا .. إلا لما نفهم البيئة اللي هو تواجد فيها .. و تكوينها .. … أما عن سبب إني بابتدي البوست الرابع ده .. ب لحظة محاكمة ( جاليليو جاليلي ) .. ف لأنها لحظة حاسمة جداً في تاريخ عيلة ( ميديتشي ) .. … طيب .. هما مين عيلة ميديتشي دول أساساً ؟! .. بإختصار جداً جداً .. جداً .. التسلسل الزمني لهم كالتالي : الحكاية بتبتدي سنة 1397 ب ( جيوفاني دي ميديتشي ) .. كان تاجر صوف زي أهله .. و لكنه حب جو الشغل من الكافيهات و مؤتمرات ريادة الأعمال و الإيكوسيستم بتاع الستارت أبس 🤣 .. و قرر يدخل في ال ( fin tech 🤣 ) .. يعني يشتغل في الفلوس . . و زي ما شرحت في البوست اللي فات .. الوقت ده في أوروبا .. كان وقت حرج جداً لإقتصاد أوروبا بالكامل .. لأن الديانة المسيحية المٌسيطرة علي أوروباا في الوقت ده كانت بتحرّم الربا تحريم كامل علي المسيحيين .. و فنفس الوقت كانت بتحتقر اليهود اللي موجودين في أوروبا بشكل فظيع . و بتحرّم علي اليهود إنهم يشتغلوا فأى منصب رسمي في الدولة .. ف كان اليهود أغلبهم عايش زي ال ( غجر = Gypsies ) .. يعني مالهمش صفة رسمية في الحياة . . و اليهود .. منذ بداية إنحرافهم دينياً زي ما مشروح في القرآن .. كانوا عايشين ( و مازالوا ) .. بالربا .. و كانوا أساتذة و رؤساء أقسام فيه .. . فالوضع كالتالي : كل المجتمع الأوروبي بداية من الملك و بابا الكنيسة و الشعب لحد عمو صاحب محل البلايستيشن .. كلهم بلا إستثناء عايزين فلوس .. و لكن .. المسيحيين ماكنش عندهم أى حافز قوي يخليهم يسلفوا بعض .. بل إنهم كانوا عارفين إن أى عملية إقراض حتخسرهم فلوسهم . فكان كل أوروبا بتروح تستلف من اليهود المنبوذين .. و دي شكلها وحش .. خصوصاً لو إنت رتبتك عالية في المجتمع . . لحد ما دخل الحاج ( جيوفاني دي ميديتشي ) اللي كانت تجارته بتسمح له إنه يشتغل ب عملات مختلفة و شغل إستيراد و تصدير و الكلام ده .. و راح رايح عالراس الكبيرة في الوقت ده .. بابا الكنيسة .. و قال له .. أنا حاسلفك كل اللي نفسك فيه من فلوس … آمين ؟! و بعدين نزل عالراس اللي أصغر شوية ( العيلة الحاكمة ل فلورنس ) في الوقت ده .. و سلّفهم برضو .. . و قال لهم .. كل اللي عايزه في المقابل .. هو إنكوا تسمحوا ليا أسلّف الناس .. و لكن لما أسترد ديوني .. أستردها بقيمة تجارتي بالعملات الخارجية ( زي المثال اللي شرحته في البوست اللي فات ) . . و خد التمام من السٌلطتين الأساسيين دول في الوقت ده .. و فتح بنك ميديتشي .. . و بس يا حاج .. المكنة بتاعت عد الفلوس إشتغلت .. و فضلت تكررررررر لمدة 300 سنة تقريباً بعد كده … ( بس في خلال ال300 سنة دول .. حصلت قصص كتير جداً مهمة بقي ) . … جيوفاني مات .. و ورثه إبنه ( كوسيمو 🤣😅 دي ميديتشي .. آه والله هو إسمه كده أنا مابشتمش أبداً 🤣 Cosimo de’ Medici ) .. بل الإسم عجب العيلة جداً .. و مهم في تاريخهم .. لدرجة إن بعد 200 سنة تقريباً حيبقي الراجل ده هو إسمه ( كوسيمو الكبير 🤣🤣 Cosimo the Elder ) .. لأن حيبقي في واحد إسمه ( كوسيمو الصغنن 🤣🤣🤣 - Cosimo III de’ Medici ) . … المهم .. بدون الدخول في أعراض .. كوسيمو هو اللي حيوسّع الإمبراطورية اللي بدأها أبوه .. و هو اللي حيدخل في أول صراع سياسي .. يثبت فيه إن : الجنيه دائماً و أبداً بيغلب الكارنيه 🤣 . .. ببساطة .. العيلة الحاكمة في الوقت ده ( كان إسمهم باتزي - Pazzi ) .. بتبدأ تاخد بالها إن (كوسيمو ) بيكبر و يتوسع كل يوم 🤣 .. ف بيحبسوه و يقرروا يعدموه في ميدان عام .. و لكن كوسيمو يوم إعدامه بيصبح علي الحراس بتوعه و يطبق في جيب كل واحد منهم 200 جنيه فلورنسي .. و يهرب من الباب الخلفي . … و بعدين ؟! بيقفل الحنفية 😅 في الوقت ده .. كان بنك عيلة ميديتشي هو اللي بيصرف علي البلد ( فلورنس ) بالكامل تقريباً .. و كل الناس تقريباً كانوا متعودين علي إنهم يستلفوا منه . . ف لما هرب كوسيمو .. و عيلة ( باتزي ) الحاكمة طلعت إشاعة إنه ماهربش ولا حاجة .. ده إحنا اللي نفيناه بمزاجنا .. فجأة الناس لقوا المحلات مافيهاش بضاعة .. و البنزينات مافيهاش بنزين .. و الكهربا بتفصل .. و بدأ أعوان كوسيمو ينزلوا بوستات عالسوشيال ميديا .. إن كل الفقر ده بسبب سيطرة ( عيلة باتزي ) علي الحكم .. في حين إن ( كوسيمو ) أبو قلب طيب و حنين .. كان مطري الليلة علي الكل و بيصرف عليكم من جيبه 🤣 . .. ( مهم جداً جداً للتوضيح هنا .. إن السيناريو ده .. اللي هو خناقة الفلوس مع السٌلطة السياسية و العسكرية ) .. تقريباً هو أكتر سيناريو إتكرر في كل بلاد الأرض علي مدار التاريخ .. حتي في ( game of thrones 🤣 ) .. . و تقريباً برضو .. دائماً .. جموع الناس و العامة منهم اللي أكثرهم دائماً الأغبيااء و الحمقي .. بينسوا إن الفلوس الكتير أوي اللي عند ( كوسيمو ) دي .. هي عنده أساساً بسبب جشعهم و طمعهم . . و برضو بينسوا .. إن القوة السياسية و العسكرية الضخمة اللي عند عيلة زي عيلة ( باتزي ) .. برضو بسبب هبلهم و غبائهم .. . و لكن .. علي مدار التاريخ .. القاعدة الأساسية هي : كلما زاد عدد البشر .. كل ما كان السيطرة عليهم أسهل .. و كل ما كان وعيهم و غبائهم أعلي جداً جداً . … ف المهم .. الناس بتنزل في ميادين فلورنس .. و بيتمنوا رجوع كوسيمو .. و كوسيمو بيطلع لايف في السوشيال ميديا .. و بيعلن إنه حيرضخ لإرادة الجماهير .. و بيكوّن جيش … و بيدخل بكل سهولة يسيطر علي فلورنس .. و يدبّح أى حد يعايره بإسمه 🤣 . … و علي سنة : 1434 .. بيبقي هو تقريباً حاكم فلورنس ( مش الرسمي ) .. و لكن ال ( عرفي ) .. يعني .. هو ماخدش أى لقب ملكي .. ماتحطش صوره في المدارس و المؤسسات و الهيئات الحكومية الفلورينسية ك ملك البلد .. لكن كان الكل عارف .. من أصغر عيل ماشي في الشارع .. لحد أكبر راس … إن ال( big boss ) .. هو كوسيمو دي ميديتشي .. .. و كوسيمو .. ماسعاش إطلاقاً إنه يغير الموضوع ده .. و قرر يطبخ علي نار هاااااااديااااااااااااااااااة أوي … ليه ؟! لأنه كان لسة يفتقر لحاجة مهمة جداً جداً .. و هي : البرستيج ( الأصل يعني ). .. عيلة ( باتزي ) اللي كانت حاكمة ( عرفي و شرعي ) .. كانت عيلة قديمة في الحكم و مأصلة و لها تاريخ .. و الناس ( الأغلبية العامة الأغبيا كالمعتاد ) .. بيحترموا التاريخ و الأصل ده .. و كوسيمو فهم .. فهم إن سبب إن الناس معاه دلوقتي .. إنهم محتاجين للفلوس .. لكن لسة ماحدش إقتنع بيه ك ( تاريخ و أصل و برستيج ) .. الناس كانوا لسة شايفينه : شوال رز 🙂. … .. ف بييجي خليفته في الملاعب بعد كده .. ( لورينزو دي ميديتشي ) .. و علي سبعينات القرن الرابع عشر ( 1470 ) تقريباً .. بيبتدي العصر الحقيقي اللي بتتبني فيه عيلة ميديتشي .. كل ما له علاقة بالفنون و الإعلام و الألعاب الإلكترونية و السينيما و التليفيزيون 🤣🤣 .. . و بيبدأ عصر ال ( باترونات - patrons = يعني الرُعاة ) .. اللي هو إنت عايز تبدع ؟! .. ترسم ؟! .. تنحت ؟! .. تعمل إنفلونسر عالسوشيال ميديا ؟! .. يبقي إنت لازم تروح و تبوس إيدين عمو لورينزو .. . و ده هو العصر اللي ظهر فيه نجوم زي : ليوناردو دافنشي .. مايكل أنجلو بوتيتشيللي .. . و غيرهم كتيييييير أأوي … و بتستمر العلاقة دي .. بين فلوس عيلة ( ميديتشي ) و بين كل ما له علاقة بالفن و العلوم و الهندسة .. لحد اليوم اللي بدأت بيه البوست ده .. محاكمة جاليليو سنة 1633 .. و اللي فيه .. راحوا مكلمين ( كوسيمو التالت الصغنن ) اللي كان ماسك الحكم من عيلة ميديتشي وقتها .. و راحوا فاتحين السبيكر .. و سألوه ( تعرف حد إسمه جاليليو ؟! .. واقف قدامنا هنا في القسم و بيقول إنه ربّاك و علمك إنت و عيالك ) .. و كوسيمو بياخد وقته .. و يتنهد .. و بعدين يقول في السبيكر … ( ولا عمري سمعت الإسم ده يا باشا قبل كده 🥹 ) … كفاية لحد كده دلوقتي … و باقي تفاصيل الحكاية من أيام عمو لورينزو .. لحد يوم محاكمة جاليليو ده .. في بوست الجزء الخامس إن شاء الله . … … و الله أعلم .

*** الصورة .. صورة السٌحت بيه 😅 .. أعتقد واضح العلاقة و سبب إني بافتكرها لما أفتكر اللي كتبته ده .