عن زيارة أبو حنان للخليج .. و الإستثمارات اللي بالمليارات

عن زيارة أبو حنان للخليج .. و الإستثمارات اللي بالمليارات .. و هات أحوشهم لك . … زمااااااااااااااااااااان .. في المدرسة .. كان في لعبة رخمة بيلعبها العيال الغتتة .. و هي : كنت تلاقي عيّل رخم .. راح ضرب عيّل مسكين علي قفاه .. يقوم العيّل المسكين ده قايم عايز يتخانق مع العيّل الرخم .. يقوم العيّل الرخم مزعق و قايل للعيّل المسكين .. اللي بعتني أضربك هو العيّل الوحش اللي قاعد هناك ده .. و يشاور علي عيّل تالت قاعد بعيد .. .. و الحقيقة .. هو إن فعلاً الشرير الكبير في الموضوع .. بيكون هو العيّل التالت اللي قاعد بعيد .. و لكن هو ماضربش بإيده .. لكن لسبب ما .. كان دايماً بيبقي عنده قوة معينة و تأثير .. بيخليه يعرف يقوّم عركة في الفصل متي شاء … و غالباً دايماً كان بيبقي مستفيد . … في كتاب جميل أوي إسمه : Tower of Basel: The Shadowy History of the Secret Bank that Runs the World ترجمة العنوان بالعربي : برج بازل .. التاريخ الوسخ للبنك السرّي اللي بيتحكم في العالم . … الكتاب ده بيحكي تاريخ و تفاصيل بنك إسمه ( BIS - Bank of International Settlements ) . يعني : بنك التسويات الدولية . … البنك ده ببساطة هو : بنك البنوك .. .. يعني إيه ( بنك البنوك ) ؟! .. عشان تفهم ده .. لازم الأول تفهم يعني إيه ( بنك ) . .. البنك بإختصار شديد فحت هو مؤسسة وظيفتها : . 1- تعرف إنت عندك ثروة قد إيه ( مش فلوس قد إيه .. لا .. ثروة ) . 2- تحاول تخليك تحوش الثروة دي عندها ( زي أمك و العيدية بالظبط .. لما تقول لك هاتهم أحوشهم لك ) . 3- تديلك مقابل الثروة اللي عندك دي شوية ورق مكتوب فيهم قيمة الثروة بتاعتك ( الفلوس الورقية ) . . و الوظيفة الأهم علي الإطلاق هي : 4- لما تحب تستلف فلوس .. هي اللي تسلفك .. مش أى حد تاني . … علي مدار التاريخ .. البنوك تواجدت بأكتر من شكل و صورة .. لحد ما المسلمين في توسع الدولة الإسلامية .. جعلوا من بيت المال هيئة و مؤسسة بتحكم كل ما له علاقة بالفلوس و صك العملات و غيرها .. .. و بعدين جه الإيطاليين علي سنة 1200 تقريباً .. و بدأوا ريادة عالم ال ( بنوك ) بصورتها الحالية .. .. أحد أهم العائلات في المرحلة دي كانت عيلة إسمها ( ميديتشي - Medici ) .. و لو ليك في التاريخ .. العيلة دي إسم المفروض تدور وراه كتير .. و لو ليك في قصص شكسبير برضو .. حتلاقي العيلة دي مذكورة بأشكال كتير خلال قصصه . … المهم .. في المرحلة دي ( 1300 ل 1600 ) … البنوك خدت مفترق طرق واضح جداً .. البنوك الإسلامية ( علي هيئة بيت المال و غيرها ) .. و دي مفهوم إنها بتحرّم الربا تحريم مباشر و واضح و صريح . .. و البنوك الأوروبية .. و دي برضو حرّمت الربا .. تخيل 🤣 آه والله .. البنوك الأوروبية بأمر من الكنيسة .. كانت محرمة الربا بالكامل .. و بتعاقب أى حد يتعامل بيه .. .. و لكن .. الفرق هنا إيه ؟! .. إن في العالم الإسلامي .. الزكاة و الصدقة كانوا أركان أساسية من أركان الحضارة الإسلامية .. فبالتالي .. ماكنش في فجوة ضخمة بين الفقراء و الأغنياء .. .. لكن نفس الفجوة دي .. كانت موجودة في العالم الأوروبي .. و ماكنش في إلزامات إجبارية علي الأفراد ( زي الزكاة و الصدقة ) .. فبالتالي .. الفقراء لما كانوا بيحبوا يستلفوا .. يروحوا لمين ؟!! . … أصل المواطن الأوروبي المسيحي .. ماعندوش حافز يخليه يسلّفك .. مافيش في دينه إلزام مباشر ( فرض ) .. زي فرض الزكاة .. و مافيش حافز براجماتي يخليه يسلفك بالربا .. و إلا الكنيسة تشلوحه .. … مين بقي اللي طلع في النص و إصطاد في المياه العكرة ؟! .. الله ينور عليك .. . الجماعة إياهم .. ولاد العم .. .. إنتشروا إنتشار الدود في الرمم .. و بدأوا يشتغلوا أكتر شغلانة إشتغلوها علي مدار التاريخ : و هي : مسلفاتية .. … يسلفوا فلوس .. بالربا . .. و قصة ( تاجر البندقية ) نفسها .. عبارة عن رؤية شكسبير لإزاي العالم كان بيتحول بشكل سريع في الوقت ده إن : الجنيه يغلب الكارنيه 🤣😅 .. و إن الجماعة إياهم ولاد ستين في سبعين .. و لو ماتعرفش الرواية دي .. خد غطس سريع فأى فيديو يوتيوب يلخصها لك .. حتفهم حاجات كتير .. أوي . … المهم .. ما علينا .. .. علي مدار بقي فترة المخمضة الأوروبية من بعد ( عصر النهضة ) .. لحد بدايات 1900 .. الجماعة إياهم كانوا تفحلوا في قوتهم المادية بشكل فظيع .. لأنهم شغالين نهب في أموال و لحم البشر حرفياً علي مدار قرنين من الزمان .. ( زي في رواية تاجر البندقية .. لما كان اللي مسلّفك مايلاقيش معاك فلوس .. يطلب حقه جزء من لحمك يعني 🤣 ) .. .. بدأت أوروبا تحاول تتخلص من الطفيليات دي .. إزاي ؟! .. بإنها تتجمع مع بعضها .. و تنفض سجادها مع بعض من البلكونة تنفيضة غسيل يوم وقفة .. .. إلا إن الجماعة إياهم كان عندهم فكرة ظريفة .. و هي : طب ليه أوروبا تتجمع ؟! .. ما هو لو إتجمعوا .. حننكشف إحنا و ياخدونا علي سطح الواد حمادة .. لا .. إحنا نوقّع ما بينهم ( فاكر لعبة العيال الرخمة فأول البوست ) .. .. و بالفعل .. حصلت الحرب العالمية الأولي .. و علي مدار التاريخ .. الحروب كانت أحد أكتر الأسباب إن فئات معينة تغتني و توصل لثراء فاحش .. .. أوروبا تسكت ؟! .. أبداً … واد ألماني رسّام بشنب صغنن تحت مناخيره شاف اللي بيحصل … حلف يقوم ينفض سجاد أوروبا لوحده .. .. و لكن المرض ( الطفيليات دول ) في الوقت ده كان تغلغل في جسم أمريكا من زمان .. و أصبحوا بيتحكموا برضو فكل فلوس أمريكا حرفياً . … حصل إزاي الكلام ده ؟! .. إن بعد الحرب العالمية الأولي .. سنة 1930 بالظبط .. إتجمع كل الطفيليين إياهم اللي كانوا ماسكين بنوك دول أوروبا .. و راحوا قاعدين مع بعض قعدة في غرزة .. و قرروا ينشأوا ال : BIS . … عبارة عن بنك .. هدفه المُعلن هو : “تنظيم وتحويل التعويضات من ألمانيا للدول الدائنة، بشكل آمن ومنظم.” . في حين إن هدفه الحقيقي هو : “نخلق مؤسسة فوق الحكومات، تنسق مصالح النخب المالية وتخليهم دايمًا على اتصال، مهما حصل بين الدول.” … ليه الكلام ده ؟! لأنهم كانوا حسوا بالخطر … هما ك طفيليات .. وجودهم كان معتمد علي وجود الكيانات ( الدول ) اللي هما عايشين فيها .. فلما ولعوا الحرب العالمية الأولي .. قرروا إن لازم يبقي في كيان أكبر من الدول .. مستقل عن الدول .. و فنفس الوقت .. مسيطر علي الدول .. … شوية معلومات سريعة عن ال bis ده .. . 1- مافيش حد له سلطة عليه .. آه والله … مافيش شنب في الكرة الأرضية حالياً .. لا دولة ولا جيش ولا حتي الزعامة عادل شكل .. يقدر يقول لهم تلت التلاتة كام . … 2- أُمك ( ولامؤاخذة ) .. لا بجد .. هو بالظبط بيقوم بدور ( أُمك ) لكل البنوك اللي في العالم .. اللي هو ( هات أحوشهم لك ) .. بياخد الثروات اللي في البنوك دي بالكامل .. و يديهم مقابله كراميلة 🤣 .. و شوية ورق و سندات . … 3- ماحدش له إنه يسأله في أى شيء .. و أعضاءه و أفراده فوق أى قانون في أى مكان في العالم .. يعني مش بس لهم حصانة دبلوماسية مثلاً .. لا .. دول حصانتهم نفسها لها حصانة 🤣 … طيب .. إيه بقي علاقة كل الكلام الكتير ده .. بزيارة أبو حنان .. … أبو حنان .. هو العيل الرخم اللي بيروح يضرب العيل المسكين علي قفاه . أبو حنان لا يملك من أمره أى شيء علي الإطلاق .. أبو حنان حرفياً بيتمرمط عشان يقفل ميزانيته .. … الإستثمارات اللي إنت فاكر إنها طالعة من جيوب مُعينة .. دي إطلاقاً ماطلعتش من الجيوب دي .. … بص .. حاشرح لك .. عارف إنت لما أُمك ولامؤاخذة تنقط خالتك في فرح بنتها ؟! .. . تقوم خالتك تعمل إيه ؟! .. تروح واخدة الفلوس من الظرف .. و حاطاها هي هي بالظبط في ظرف جديد .. و تنقط بيها عمتك في فرح إبنها .. . تقوم عمتك عاملة إيه ؟! .. تروح واخدة الفلوس من الظرف .. و حاطاها هي هي بالظبط في ظرف جديد .. و تنقط بيها أُمك في فرحك إنت . . فهمت حاجة ؟! … طيب .. إنت بقي تعمل إيه في اللي بيحصل ده كله ؟!!! ك فرد عادي عايش و بيتعايش و أقصي مشاكله المالية هي حسابه المفتوح مع القهوجي علي أول الشارع .. .. الإجابة هي : ولا أى حاجة غير : المعرفة . … علي مدار ال100 سنة اللي فاتوا تقريباً .. منذ إنشاء الBIS ده .. و أغلب مجهودهم هو : إنهم يفضلوا مش معروفين .. .. في الكتاب الرائع ( Hitchhikers guide to the galaxy ) .. بيشرح إزاي إن رئيس المجرّة بالكامل .. و اللي يُعتبر أقوي حد بيتنفس في المجرة .. ما هو إلا طرطور .. أراجوز .. و وظيفته الحقيقية هي : إنه الضوء ينزل عليه هو .. عشان ال 6 اللي بيتحكموا في المجرة فعلاً .. ماحدش يشوفهم . … النهاردة الجمعة .. حاقرأ سورة الكهف كمان شوية إن شاء الله .. أنا حافظ السورة بفضل الله .. و باقرأها كل جمعة .. علي مدار ال20 سنة اللي فاتوا . … في سورة الكهف .. سيدنا موسي بيشوف سيدنا الخضر بيخرم السفينة .. عشان الملك الظالم مايحبش ياخدها . .. مرة كمان .. ركز معايا .. سيدنا الخضر .. و سيدنا موسي .. سيدنا الخضر .. اللي لا نعلم عنه سوي إن علمه من الله مباشرة .. و سيدنا موسي .. اللي فرق الله له البحر .. اللي كلّم الله .. اللي وكز واحد في شبابه .. قتله .. .. يعني .. الإتنين دول .. لو كانوا أرادوا ( بعد مشيئة الله طبعاً ) .. كانوا خلّوا الملك الظالم ده يشتغل صبي نجار باليومية .. و يشغلوه ينضف حمامات كل السفن مش سفينة واحدة بس 🤣😅 .. و مع ذلك .. سيدنا الخضر .. بيخرم السفينة .. و بعدين يشرح السبب لسيدنا موسي عند فراقهم .. و سيدنا موسي يقتنع . … الثمرة مش بتحصل فجأة .. الثمرة بتحصل نتيجة زراعة .. في تربة مؤهلة .. و نتيجة رعاية .. و بعدين حد بييجي يقطف الثمرة . … … لو شايف بظرميط بيحصل حواليك .. ماتدورش علي الثمرة .. دور علي الزرعة و إرعاها .. مالقيتهاش .. دور علي التربة و جهزها .. ماقدرتش .. علّم اللي بعدك … و الله أعلم .