في جدل إنتشر بشكل سريع جداً عن موضوع أبليكيشن (

في جدل إنتشر بشكل سريع جداً عن موضوع أبليكيشن ( عُمرة البدل ) اللي أعلن عنه ( أمير منير ) .. أنا لأول وهلة أول ما شُفت البوست المنتشر اللي بيهاجمه .. حسيت إني المفروض أتضايق .. أو إني المفروض أحس إن في حاجة غلط في الموضوع .. لكن ماكنتش قادر أحس بده .. بل جزء كبير جوايا كان بيميل لفكرة إن ( مافيش مشكلة إطلاقاً في حاجة زي كده ) .. و إن ( اللي بيهاجم هو اللي غلطان ) . بس ماكنتش فاهم ليه !! .. أو بمعني أصح .. ماكنتش لسة رتبت أفكاري عن الموضوع . .. دلوقتي .. و بعد شوية تفكير .. و بحث .. باميل أكتر لإتجاه إني ( مش شايف أمير منير غلط ) .. .. فعلاً عايز أسمع و أقرأ أفكار عن الموضوع ده .. رجاء لو عندك رأي .. وضحه ليا في تعليق .. … لو قدرت أرتب أفكاري بشكل منسق عن الموضوع لاحقاً إن شاء الله .. حاكتب بوست ( غالباً طويل فحت ) يعبر عن وجهة نظري .

---

تعديل :

همممممم .. طيب .. أنا ححاول أكتب شوية من الأفكار السريعة ال ( نيئة و غير طازجة ) اللي فنافوخي عن الموضوع : … 1- العالم حالياً و أكتر من أى وقت سبق في التاريخ … أصبح مادي بشكل يعجز ناس كتير جداً فيه عن تخيل الحياة بأى شكل غير معتمد علي المادة و الفلوس . … 2- مفهوم القيمة مُختل و مضروب بالنار عند ناس كتير جداً .. و ممكن يكون قدامه شيء قيمته الحقيقية تساوي مليارات .. و لكن لأنه مش فاهم القيمة دي ( أو مش عارفها ) .. يختار حاجة تساوي بضع جنيهات في مقابلها . ( و بالمناسبة .. المفهوم ده هو التفسير للآية اللي تم تفسيرها بشكل خاطئ في البوست اللي بيهاجم أمير منير ) .

♦ ( الوجيز في تفسير الكتاب العزيز للواحدي: ﴿ اشْتَرَوْا بِآيَاتِ اللَّهِ ثَمَنًا قَلِيلا ﴾ استبدلوا بالقرآن متاع الدُّنيا ﴿ فَصَدُّوا عَنْ سَبِيلِهِ ﴾ فأعرضوا عن طاعته ﴿ إنهم ساء ﴾ بئس ﴿ مَا كَانُوا يَعْمَلُونَ ﴾ من اشترائهم الكفر بالإِيمان.

♦ تفسير البغوي “معالم التنزيل”: ﴿ اشْتَرَوْا بِآياتِ اللَّهِ ثَمَناً قَلِيلًا ﴾، وَذَلِكَ أَنَّهُمْ نَقَضُوا الْعَهْدَ الَّذِي بَيْنَهُمْ وَبَيْنَ رَسُولِ اللَّهِ صَلَّى اللَّهُ عَلَيْهِ وَسَلَّمَ بِأَكْلَةٍ أطعمهم إيّاها أبو سفيان. وقَالَ مُجَاهِدٌ: أَطْعَمَ أَبُو سُفْيَانَ حُلَفَاءَهُ، ﴿ فَصَدُّوا عَنْ سَبِيلِهِ ﴾، فَمَنَعُوا النَّاسَ مِنَ الدُّخُولِ فِي دِينِ اللَّهِ. وَقَالَ ابْنُ عَبَّاسٍ رَضِيَ الله عنه: أَنَّ أَهْلَ الطَّائِفِ أَمَدُّوهُمْ بِالْأَمْوَالِ لِيُقَوُّوهُمْ عَلَى حَرْبِ رَسُولِ اللَّهِ صَلَّى اللَّهُ عَلَيْهِ وَسَلَّمَ، ﴿ إِنَّهُمْ ساءَ ﴾ بِئْسَ ﴿ مَا كانُوا يَعْمَلُونَ ﴾.

… 3- كيانات كتير جداً .. بالفعل بتتكسب ( و مبالغ ضخمة ) من الشعائر الدينية .. بشكل مركزي .. مش حاناقش هل ده صح أو غلط .. أو حلال أو حرام .. و لكن ده أصبح موجود و قائم من عشرات السنين .. و بيزداد للأسف .. و مركزية الربحية .. دي فيها مسائل فكرية كتير ده مش وقت مناقشتها .. و لكن ( decentralizing = لا مركزية ) الربحية .. فأحيان كتير بيكون حل كويس لمشاكل بتسببها مركزية الربحية دي . … 4- الفكرة اللي قائم عليها الأبليكيشن موجودة بالفعل و قائمة من سنين .. بل إن مسلسل ( رامي ) الأمريكي المشهور ناقشها بشكل هزلي و حقيقي فحلقة من حلقاته من سنة أو سنتين تقريباً .. يمكن لم تكن مشهورة أو معروفة بما يكفي في المجتمع المصري خصوصاً .. و لكنها للأسف معروفة في المجتمع الغربي المسلم .. و في أفكار تانية كتير جداً عن الإسلام عموماً .. منتشرة في المجتمع الغربي المسلم .. و لكنها غير معروفة إطلاقاً في مجتمعنا المصري .. و فوجهة نظري : أحد أفضل الوسائل لهدم الجدران الثقافية الوهمية اللي بتبنيها ثقافات المجمتعات من تقاليد و أعراف بيتم الخلط بينها و بين الدين الحقيقي .. هو التعرف علي أفكار المجتمعات المختلفة عن نفس الدين اللي كلنا مؤمنين بيه . … 5- طالب العلم .. ياكل منين ؟ في عالم بيزداد تعداده بشكل ضخم .. و مهما وصلت كفاءة الأنظمة الإدارية برضو مستحيل تقدر توصل إنك ككيان مركزي تقدر تعتني مادياً بأفراد بينتموا للكيان بتاعك .. فبتكون النتيجة إندثار و فقر و ضعف أنشطة و مهام كتير جداً .. مهمة جداً للكيان ككل .. و لكنها غير مُجدية مادياً بشكل مباشر للقائم عليها … .. و الدين .. مهمة صعبة و تقيلة .. و علم واسع .. مش حاجة تقدر تعملها ( جنب شغلانتك الأساسية ) بكفاءة .. و لو إعتمدت علي الدولة فقط في الإعتناء بعلماء الدين و طلاب العلم ده .. يبقي إنت بتخلق ( حواجز ) حوالين شيء ربنا خلقه بدون حواجز .. لأن مرة تانية أكرر .. ( مافيش أى نظام مركزي كامل الكفاءة ) .. مستحيل .. .. فبالتالي .. طالب العلم لابد له من التكسب بالعلم ده .. و دي ( أستغفر الله ) مش تجارة بآيات الله .. و لكنه ( تكسب مشروع ) .. التجارة بآيات الله ( و العياذ بالله ) هي تفصيل و تأييف الفتاوي لتتماشي مع أغراض فردية بمقابل مادي .. و في عالم قليل فيه علماء الدين .. و ضعيف فيه جداً العلم الديني ( نتيجة إنه غير مربح مادياً ) .. بيكون في بيئة خصبة جداً إن المنافقين من ( تجار الدين ) يتكاثروا .. .. لكن لو كان مافيش المفاهيم الخاطئة دي عن ( مشروعية التكسب بالدين خصوصاً و العلم عموماً ) .. كان ناس كتير حيبقي عندها بدائل للتعلم .. و العلم حينتشر . … 6- تتخيل ليه ( الطب و الصيدلة و الهندسة ) هما كليات القمة اللي بيتصرف من أجلهم مئات آلاف الجنيهات عشان يدخلها الطلبة ؟ ببساطة لأن مستقبلهم مضمون مادياً ( أو يتوهم الناس بكده ) .. فبالتالي .. السوق غرقان بخريجي الطب و الصيدلة و الهندسة .. في حين إن السوق في أمس الحاجة لأشخاص حرفيين و مهنيين .. و لكن مافيش كافي .. … 7- تخيل لو إن ( طالب علم معتمر محترف ) ده أصبح مسمي وظيفي مثلاً ؟ و إن صاحب الوظيفة دي بيتكسب مبلغ محترم شهرياً .. و لكن عشان يؤدي الوظيفة دي بشكل سليم .. لازم يكون حافظ عدد محترم من الأدعية .. و الأحاديث الصحيحة .. و القرآن .. و يكون علي علم صحيح بكيفية الوضوء صح .. و الصلاة صح .. و إن صاحب الوظيفة دي بيتم الإحتفاء به .. و بيتم التنافس عليه بمبالغ قيمة و التزايد عليه عشان يعمل عمرة .. .. متخيل طفل عنده 10 سنين لما تسأله عايز تطلع إيه يا حبيبي لما تكبر .. مش الأفضل يقول ( طالب علم معتمر محترف ) .. بدل ما يقول لاعب كورة ؟! . …