عايزك تتخيل إنك حاولت تشغّل التيليفزيون بتاعكم .. لقيته مش

عايزك تتخيل إنك حاولت تشغّل التيليفزيون بتاعكم .. لقيته مش شغّال 🤔.. بتضغط علي زراير الريموت .. مافيش حاجة بتطلع .. الشاشة .. سودا .. بالكامل .. رحت إنت عامل إيه ؟! رحت ماسك شبشب .. و بدأت تلطّش في التيليفزيون .. دخل عليك إصحابك بيسألوك في إيه ؟! .. قلت لهم إن التيليفزيون إبن ال@^$إ تيت تيييت تيييييييييت .. مش شغّال .. و رحت موزّع علي كل واحد فيهم فردة شبشب هما كمان .. و نزلتوا كلكوا ضرب فيه .. .. إيه رأيك في الصورة الذهنية الهزلية اللي فاتت دي ؟! … الصورة الهزلية دي .. ماتختلفش إطلاقاً فوجهة نظري .. عن الصورة الهزلية اللي في البوست ده .. … أى حد عاقل .. لما تقول له ( التيليفزيون بتاعك مش شغّال ) .. حيقول لك : العيب فين ؟! هل العيب في التيليفزيون نفسه ؟! ولّا في الكابلات اللي متوصّل بيها ؟! ولّا في طبق الدش و الريسيفر ؟! حدد ليا العيب فين .. عشان أتعامل معاه . … و لو أخدت التيليفزيون بتاعك ( اللي مش شغّال ده ) .. و رحت بيه للصيانة .. و وصّله عنده .. و إشتغل عادي زي الفل و طلّع صوت و صورة .. يبقي المشكلة مش في التيليفزيون يا حاج .. غالباً المشكلة في طبق الدش و الريسيفر عندك إنت .. يعني ( نظام الإرسال و الإستقبال ) عندك إنت .. … إنك تلاقي إنسان .. فطرته سليمة .. قلبه رحيم بالحيوانات .. بيحاول قدر إستطاعته و علمه إنه يعمل ( اللي هو إتعلم إنه الصح ) .. تقوم إنت داخل عليه ب (كراهية و غضب ) .. و تعلّم نفسك و إصحابك و عيالك إنهم يشوفوه ( شيطان ) .. . أنا آسف .. و لكن ده ( غلط كبير جداً جداً جداً ) .. و مش بس غلط .. و لكن إنت كده بتعمل بالظبط زي ما الشيطان الحقيقي عايز . … الإنسان اللي فطرته سليمة .. قلبه رحيم بالحيوانات .. و بيحاول يعمل الصح قدر علمه و إستطاعته .. لو هو مش علي ( دينك ) .. يبقي دورك إنك تسأل ( ليه ؟! ) .. مش تغضب منه و تكرهه .. دورك تدور علي ( نظام الإرسال عندك إنت ) .. . لأن هو ( نظام إستقباله ) .. شغّال كويس جداً .. و فطرته زي ما قلنا سليمة .. لكن : في حد منع عنه شوية معلومات مهمة جداً .. و شرح له معلومات تانية بشكل غلط جداً جداً .. و جه لك إنت .. و بوّظ عندك نظام الإرسال بتاعك .. و الصورة دي .. جزء أساسي من جهود تدمير جهاز الإرسال عندك .. … الصورة دي غلط جداً جداً .. بل أكاد أٌشك إنها ضمن جهود الفرق الضخمة اللي تم دعمها و تمويلها خلال آخر سنة من ( ولاد ال@##% الزرق ) .. عشان تصلّح صورتهم قٌدّام العالم و تحاول تخلّي الأجيال الجديدة تتعاطف معاهم شوية . و ده .. لأن في الحقيقة أعداد كتييييييييييييييييييييييير جداً من الأجيال الجٌداد دول .. لما شافوا كل أخبار السنتين اللي فاتوا .. فضولهم دفعهم إنهم يتساءلوا عن المسلمين و الإسلام .. . و اللي وصلوا له بالجهود الذاتية خالص .. و بسبب بعض المسلمين اللي ربنا إستخدمهم بفضله .. كتير منهم ( أوروبيين و غربيين و أمريكان ) دخل الإسلام .. و أصبح من أشد المناصرين بفضل الله . … و بدأوا يشرحوا .. بدأوا يشرحوا حقيقة إن عمليات أخذ القرار الغربي .. مش ديموقراطية إطلاقاً .. بالعكس .. عمليات أخذ القرار الغربي .. أسيرة ديكتاتوريات الرأسمالية بشكل مافيش فيه أى وسيلة للشعوب إنها تختار .. .. و عشان تفضل الديكتاتوريات الرأسمالية دي مٌسيطرة ( الشركات المليارية اللي مالهاش دين ولا ملّة .. غير الفلوس فقط ) .. لازم تفضل مستخبية .. و بتستخبّي ورا شعوبها .. و تستخدمهم ك حائط صد و تشيطنهم في عين شعوبنا إحنا . … فاهم ؟! … شعوبنا .. و شعوب الغرب .. و شعوب العالم كله .. في الحقيقة إحنا كلنا بشر … لا فضل ل عربي علي أعجمي إلا بالتقوي .. و كلنا في الحقيقة المفروض في جانب واحد .. ضد عدو واحد … لما تشوف صورة بالمنظر ده .. رجاااااااااء إفهم صح .. الإرسال عندك إنت اللي محتاج تشتغل عليه عشان تكون إشارته أقوي .. أوضح .. مش متشوشر عليها .. و مش ملعوب فيها .. . و الكراهية .. و الغضب .. أكتر حاجة تخلي أى إنسان يرفض يستقبل منك أى شيء .. مهما كان صح .. … و الله أعلم .