انت اكيد ماتقدرش تغير واقع ال ١٩ بنت الله يرحمهم

انت اكيد ماتقدرش تغير واقع ال ١٩ بنت الله يرحمهم و يصبر اهلهم . انت غالباً مش دورك .. ولا فقدرتك انك تحاسب المسئول عن سبب اللي حصل. انت غالباً برضو ماتقدرش تغير واقع ملايين.. مش بس آلاف عايشين نفس حياة ال ١٩ بنت دول .. إن لم يكن اصعب. بس انت اكيد مش معدوم القدرة بالكامل إنك تساعد فرد واحد علي الاقل.. دور علي فرد واحد علي الاقل.. عامل دليفري.. عامل في محل باليومية … عاملة في محل ملابس.. دور علي اي حد تعرف توصل له في محيطك… و شوف ممكن تساعده ازاي .. ولو كان بإنك تشترى له علبة عصير. اعمل اي حاجة .. غير انك تعيط في بوستات و كومنتات بس .. اعملها ..و احتسب النية ك صدقة جارية علي أرواح ال ١٩ بنت دول .. و الاهم من إنك تعملها مرة واحدة.. و بعدين تستني الكارثة اللي جاية عشان تكررها.. حاول تكررها يومياً.. أو اسبوعيا .. أو شهرياً.. … و حتي لو ماعندكش قدرة تساعد بابسط ما يكون … ساعد بتذكير غيرك .. الله أعلم مين ممكن يوصل له تذكيرك.. و يكون قدرته اعلي منك .. الله أعلم.. و احكم و أرحم