1- تمضي علي القايمة و تثق فيها ؟! .. ولا

1- تمضي علي القايمة و تثق فيها ؟! .. ولا ترفض إنك تمضي و تطلب منها تثق فيك ؟! . . 2- تقف في صف المالك اللي شايف شقته اللي مكتوبة بإسمه .. و لكنها بيتم توريثها من المستأجر لعياله .. و بيترمي له في آخر كل شهر ملاليم ؟! .. . ولا تقف في صف الغلبان اللي عاش سنين عمره كلها في شقة إيجار قديم .. و جيرانه و أصحابه و منطقته كلها عارفينه .. و دلوقتي فجأة أصبح مطلوب منه يدور علي شقة بملايين . . 3- ترفض وظيفة البنك الإستثماري اللي حتدخل لك مرتب كبير يسمح لك تعيش و تعلّم عيالك و تمتلك موارد في عالمنا المادي الرأسمالي الحالي .. عشان شبهة إن البنك بيتعامل بالربا ؟! .. . ولا تقبل الوظيفة .. و تحاول تستخدم المرتب الكبير ده في تنمية قدراتك و مواردك و تستخدمها في سبيل الله ؟! . … ال 3 أسئلة دول مش مختلفين إطلاقاً .. في عقلي .. شايف إن ال3 أسئلة دول متشابهين جداً .. مرتبطين جداً .. كلهم بيوصلوا لبعض .. … و لكن .. ده يقودني لسؤال رابع . 4- هل أكتب بوست طويييييييييل بشكل أسطوري ؟ .. أشرح فيه : الإختلاف بين المعايير الأخلاقية .. و المعايير العاطفية .. و المعايير القانونية . و فقه الفرد .. و فقه المجتمع .. و الإقتصاد العالمي الحالي و نظامه البنكي .. و النتائج السياسية للإقتصاد الحالي ده .. و النتائج المجتمعية . … ولّا .. أكتفي بإني أسأل .. هل حد غيري شايف العلاقة بين التلات أسئلة ؟! … ولّا لا ؟! .