آآآآآآآه .. السلام عليكم و رحمة الله أولاً

أما بعد 😅 .

AR 10 د

آآآآآآآه .. السلام عليكم و رحمة الله أولاً .. كيف الأخبار و الأحوال ثانياً .. كل عام و أنتم بخير و بألف صحة وسلامة و سعادة ثالثاً .. أما بعد 😅 . … الأيام اللي فاتت دي كانت مٌختلفة فعلاً .. أولاً .. طبعاً لأنها كانت العشر الأواخر من رمضان .. و ده بيكون معناه إنعزال أكبر عن العالم عموماً .. ثانياً .. لأنّي كنت با ( Limit test ) .. 😁 .. يعني بـ ( أجيب آخر ) ال أدوات المعروفة حالياً في مجالات ( ai ) مختلفة .. و علي رأسها كان ( claude code ) .. … بعد ما إتفاجئت إن الإمكانيات المٌتاحة حالياً قدرت تبني تطبيق كامل بناءاً علي خوارزمية ( سلسلة ) اللي كنت إتكلمت عنها من سنتين .. و بالفعل بفضل الله خلال 7 أيام تماماً .. و بعد ما وصلت ل99% من ال ( Quota ) اللي بيتيحها لك كلود ( برو ) خلال أسبوع . كان تم إنشاء و الإنتهاء من ( سلسلة - Cellcella ) .. ك شبكة تواصل إجتماعي كاملة .. و فيها ( سوق ) .. و فيها ( لعبة ميزان ) .. و إمكانيات تانية كتيييييييييير … ده فعلاً أضخم مما كنت أحلم إني أقدر أبنيه ( مع فريق متوسط الحجم ) .. حتي لو كنت حادفع للفريق متوسط الحجم ده ميزانية تقريبية ( 10 ألاف دولار مثلاً ) .. و ده بالمناسبة كان رقم قليل جداً جداً من سنتين مثلاً .. عشان تبني حاجة زي ( Cellcella ) .. و كنت حتحتاج علي أقل تقدير 3 شهور من شغل متواصل .. … فبالتالي .. بعد ما إتفاجئت ب ده .. قررت أجرّب بقي حاجة أصعب شوية .. و تم بناءها بالفعل بفضل الله أولاً و أخيراً .. و هو : ( زالفول = زي الفل يعني 🤣 = Zalfol ) . … إيه ده ؟! … أخوكم العبد لله جرّب تقريباً أغلب برامج إدارة المشاريع المشهورة و المغمورة من أيام ويندوز إكس بي 🤣 . من أول ( عوالم مايكروسوفت وان نوت و غيرها من أدوات مايكروسوفت … لحد آخر المتاح من نوشن و أوبسيديان و غيرهم ) .. أغلب برامج إدارة المشاريع ( الفردية ) و ال ( شركات ) .. و إدارة الحياة الشخصية .. و أغلب ما في عوالم ال ( Productivity ) و برامج زيادة و إدارة الإنتاجية . .. و كان علي مدار حياتي .. المشكلة الأكبر هي : إن البرامج دي متصممة لناس ( عادية = Neurotypical ) .. مش ( ADHD ) . و دي كانت مشكلة ضخمة جداً .. … تدخل التطبيق من دول .. تلاقي نفسك دخلت مثلاً كابينة قيادة طيارة .. زراير و جداول و حاجات تتملي في كل مكان .. أتشتت .. و أيأس .. و أكره نفسي .. و أحس إني فاشل .. و بعدين لما تيجي عليا لحظة فايق فيها كده و شارب كباية قهوة تقيلة .. أروح داخل في التطبيق ب كتفي .. و أقعد لمدة ساعتين تلاتة أملي كل حاجة .. و أظبط كل حاجة .. و أجهز كل حاجة .. و بعد الساعتين دول .. أكون تعبت و تم إستهلاكي بالكامل .. أروح ألعب حاجة أو أتفرج علي حاجة .. أرجع .. ألاقي نفسي نسيت كل حاجة بالكامل .. و لما أحتاج أعدل حاجة .. أكتشف إني بقيت مضطر أبذل مجهود نص ساعة عشان أدير تاسكاية محتاجة 5 دقايق 🤣 … أو العكس تماماً .. تدخل التطبيق ( زي نوشن -Notion ) لو حتستخدمه لأول مرة مثلاً .. تحس إنك غبي !! اللي هو أروح فين و آجي منين ؟! .. التطبيق حرفياً محتاج كورس يوتيوب ساعتين عشان يعلمك إزاي تستخدمه بشكل مفيد .. … غير طبعاً المشكلة الأزلية بتاعت : اللي حلو عالديسكتوب .. زبالة عالموبايل .. و اللي حلو عالموبايل .. زبالة عالديسكتوب .. و اللي حلو عالإتنين .. محتاج تدفع إشتراك شهري غالي فحت عشان تحصل علي الميزة الجبارة دي . … و علي مدار فترة ال3 شهور اللي فاتوا .. كل الناس اللي إشتركوا في ( ASP = Accountability Sponsorship Program ) كنت باخليهم يشتغلوا بالورقة و القلم حرفياً .. يتعلموا يديروا مشاريعهم و حياتهم بإستخدام أسلوب ( OKR = objectives and key results ) الشهير .. بالورقة و القلم .. . يتعلموا يديروا مشاعرهم بإستخدام أدوات ( بلوتشيك = plutchik’s wheel of emotions ) .. بالورقة و القلم . . و غيرها من الحاجات اللي كانوا بيتعلموها في ( ASP ) .. و علي رأسهم ( أسلوب ال 6 صناديق ) اللي طورته أنا بنفسي .. كل ده كان : بالورقة و القلم .. .. و السبب : عشان مايكونش في أى تحميل ذهني زيادة علي دماغهم اللي أساساً بتعاني من التشتت و عدم الإتزان العاطفي . … فبالتالي : من 5 أيام بالظبط .. عملت زي (توني ستارك ) قبل كل مرة كان بيبني فيها حاجة جديدة 🤣 .. و لغيت أغلب إلتزاماتي .. و فضيت جدولي .. و صممت خوارزميات : زالفول . . التطبيق اللي أنا أقدر أعتمد عليه لنفسي في إدارة مشاريعي الخاصة الحياتية و العملية … و كمان إدارة العواطف و المشاعر . . اللي قرأ بوستاتي عن نظام ال ( صناديق ال6 ) .. حيفهم التطبيق مباشرة من أول ما يستخدمه . . و اللي ماقرأهمش برضو .. و ماقرأش أى حاجة ليا عموماً .. و مايعرفش حتي أى حاجة عن يعني إيه مثلاً ( ADHD ) .. أو معاناته في إنه كان دايماً مٌتهم بالكسل و التقصير فكل شيء .. في حين إنه فعلاً كيميائياً و عضوياً مختلف .. . برضو حيكتشف إنه قادر يستخدم التطبيق بإذن الله . … 5 أيام متتاليين .. كنت بنام 4 ساعات يومياً بالظبط .. و 20 ساعة التانيين .. غير عبادات ال10 الأواخر بفضل الله .. كانوا تصميم ( زالفول ) . … الهدف كان إني ألحق أنتهي منه النهاردة … عشان أقول للي محتاجه : كل سنة و إنت طيب … آدي الهدية و العيدية 🤣 … التطبيق .. في أبسط صورة له .. هو الصورة الأساسية دي .. إن الإنسان علي مدار اليوم .. بين 3 حالات أساسيين :

عند الإنسان العادي .. الحالة دي شغالة جزء من الوقت .. و برضو ب شدة ضعيفة . لكن عند الإنسان ال (adhd ) .. بتبقي شغالة أغلب الوقت .. و بنطلع منها بصعوووووووووووبة جداً . .