علي مدار ال72 ساعة اللي فاتوا .. كانوا شغل متواصل
فبالتالي .. قضّيت ال3 أيام اللي فاتوا حرفياً باتأكد إن كل شيء في ( زالفول -Zalfol ) يكون قابل للتحويل الكامل للعربية بناءاً علي رغبة المٌستخدم .
علي مدار ال72 ساعة اللي فاتوا .. كانوا شغل متواصل علي ( زالفول - Zalfol ) بفضل الله عشان : … أولاً و أهم شيء : العربي . أغلب التطبيقات اللي إشتغلت عليها بنفسي علي مدار السنين اللي فاتت .. و اللي كنت بابنيها لنفسي خصوصاً .. كنت باشتغل كله إنجليزي في إنجليزي .. و ده كان بيسهّل ليا الشغل بشكل ضخم .. و لكن .. كان بيبقي في فجوة ضخمة قدّام أى حد مش متقن للإنجليزي . . فبالتالي .. قضّيت ال3 أيام اللي فاتوا حرفياً باتأكد إن كل شيء في ( زالفول -Zalfol ) يكون قابل للتحويل الكامل للعربية بناءاً علي رغبة المٌستخدم . لحد أدق أدق التفاصيل في المشاريع أياً كانت هي إيه .. … ثانياً : المٌستقبل . .. زالفول أول ما بدأت في بناءه يوم 25 رمضان اللي فات .. كان الهدف منه إنه يكون تطبيق مٌساعد ليا في شغلي في ( ASP ) فقط .. و إنه مش حيكون منشور للعامة إطلاقاً … و لكن حيكون منصة باقدمها للمشتركين في ( ASP ) عشان تساعدهم علي تطبيق الحاجات اللي باشرحها زي : نظم إدارة المشاريع ( OKR, SIX BOX MODEL , … ) , نظم إدارة المشاعر , … نظم إدارة الإدمان , … .. و لكن .. بمجرد عمل تجربة إستخدام في نطاق ضيّق مع بعض الأصدقاء .. إتضّح إنه بيحل مشاكل كتير جداً موجودة في كل تطبيقات الإنتاجية زي ما شرحت في اول بوست عنه يوم 28 رمضان تقريباً . .. فبالتالي .. من 3 أيام .. و بعد ما كان وصل التطبيق ل ( 14 ألف سطر كود 🙂😂🤣) .. و هذا شيء لو تعلمون .. مررررررررررررررعب .. .. خصوصاً إن إن من 3 أيام كان وصل عدد المستخدمين ل 400 مستخدم . و دلوقتي أثناء كتابة البوست ده .. وصلوا 900 مستخدم بفضل الله .. منهم 130 حتي الآن علي النسخة المدفوعة . .. فبالتالي .. كان لازم إن أقف مع نفسي و مع التطبيق وقفة ملحمية مرحلية خزعبلية .. يتعمل فيها مهمة أسطورية .. و هي ال ( refactoring = تقطيع و تشفية الدبيحة 🤣 ) . .. ال ( ريفاكتورينج ) ده للناس اللي مش صنايعية كود .. أفضل تشبيه أقدر أشرحه بيه .. هو زي ما قلت ( الدبيحة ) .. . عارف الدبيحة في العيد الكبير ؟! .. إتخيل كده لو خدت الدبيحة زي ما هي .. و رحت حاطتها في التلاجة في بيتكم .. و كل ما تحب تطبخ حاجة مثلاً .. تاخد الدبيحة كلها تحطها عالنار 🤣 تدور علي حلة تاخدها بالكامل ( خروف أو عجل ضخم مثلاً ) .. .. مهما كان بقي الحاجة اللي إنت محتاجها صغننة .. يعني حتي لو عايز سناك صغنن كده تصبيرة .. حتلاقي نفسك مضطر تاخد كل الدبيحة من التلاجة .. تطبخها بالكاااااااااامل .. و في الآخر تاكل لقمة صغننة .. و ترجعها التلاجة تاني 🤣🤣 . … أحد أكبر مشاكل التطبيقات اللي بتتبني بال ( فايب كودنج = vibe coding ) .. هي إنك مش بتعرف تعمل ريفاكتورنج إمتي و إزاي و ليه .. .. اللي هو إمتي تقطّع الدبيحة .. و تشفيها .. و تكيسها في أطباق صغننة .. و تطبخ منها إيه و ماتطبخش منها إيه .. بحيث اللي يبقي جاهز عالطبخ يبقي واضح .. و اللي يبقي جاهز عالتسخين بس يبقي واضح .. و ماتحتجش تبذل مجهود ضخم علي الدبيحة كل مرة . … علي مدار ال 3 أيام اللي فاتوا بقي .. و من غير ( كلود أوباس -claude opus ) والله العظيم … و إلا كنت حاضطر أدفع مبلغ و قدره ( لأني شغال علي 5 مشاريع أخري محتاجهم فيه ) .. … تم عمل ريفاكتورنج كامل بفضل الله .. للتطبيق .. أثناء ما هو حي 🤣 .. عشان خلال الأيام القادمة … أقدر أضيف باقي المزايا اللي وعدت بيها … من غير ما أقلق إن الدبيحة ترفّس مثلاً 🤣 … … و الله أعلم .