رهاني هو : إنك تقدر تدمن أى شيء إنت عايز

رهاني هو : إنك تقدر تدمن أى شيء إنت عايز تدمنه .. مهما كان مٌعقد .. مهما كان صعب .. مهما كان يبدو إنه ممل .. مهما كان هو إيه .. لو إتعلمت تزرعه صح .. حتدمنه . … تزرعه ؟!!! .. إيه علاقة الزراعة بالإدمان ؟! العلاقة وثيقة جداً جداً جداً .. و تشرح لك و تحل لك أغلب ألغاز مٌعاناتك في زمننا الحالي ده . خليني أشرح : … الإنسان عجول ( يعني مستعجل ) طول الوقت .. دي حقيقة قرآنية ثابتة .. لكن لو مرجعيتك مش دينية .. تقدر تتأكد من نفس الحقيقة دي لو عملت بحث سريع عن طريقة إستيعاب الإنسان للزمن و إزاي بتكون مٌتغيرة خصوصاً لما بيبقي عايز حاجة .. أو خايف من حاجة . … يعني مثلاً .. عارف إزاي إن أطول ليلة كانت بتعدّي عليك و إنت طفل صغنن .. هي الليلة اللي قبل رحلة الملاهي اللي إنت بتحلم بيها بقالك شهور .. أو إن أطول ليلة بتعدّي عليك و إنت طفل كبير .. هي الليلة اللي قبل ليلة دٌخلتك .. و اللي بتحلم بيها بقالك سنين 🤣 .. .. نفس الشيء .. أسرع ليلة بتعدّي عليك و إنت طفل صغنن أو كبير .. هي الليلة اللي قبل ( إمتحان , إلتزام , رجوع للجيش 🥲 ) .. يعني أنا فاكر مثلاً إن أجازاتي من الجيش دي زمااااان .. كنت بابقي مش عايز أنام .. و آخر يوم في ال7 أيام .. كان بيعدّي في عطساية مثلاً 🤣 . … و عشان كده .. أى شيء ناوي ( تعمله , تتعلمه , تشتغل فيه أو عليه , … ) .. لو مالوش عائد و نتيجة واضحة و مباشرة و مساوية للمجهود اللي إنت بذلته .. لازم تعرف إنك ناااااااااااااااااااااااااااادراً .. ما حتحب الشيء ده .. مش بس مش حتعرف تدمنه .. لا .. إنت حتبقي بتكرهه . … الإدمان .. بيعمل العكس مٌباشرة .. الإدمان مش بس بيدّي لك نتيجة سريعة ( إذا كان إدمان كيميائي أو نفسي ) .. و لكنه كمان بيدّيها لك بزيادة .. أوي .. و ده هو اللي بيخلّيك تتعلّق بيه نفسياً .. إنك ضامن و متطمّن إن كل مرة حتعمل الحاجة دي .. حتحس بالشعور ده .. مش قلقان يعني إنك تنجح أو ماتنجحش في الحصول علي العائد المٌباشر من إدمانك . … و عشان كده .. الزراعة تشبيه مناسب جداً جداً جداً .. إنت بتحط البذرة في الأرض .. و ترويها .. و تاني أو تالت يوم .. تشوف نبتة صغننة خالص .. و النبتة الصغننة خالص دي ( النتيجة ) .. هي اللي بتشجعك ترويها تاني .. و تالت .. و عاشر .. و كل ما ترويها تكبر معاك .. و تشوف نتيجة مباشرة لمجهودك .. .. و لو إنت أساساً حد شرح لك قبل كده إن معدل النمو ده هو المٌتوقع للنبات ده .. حتبقي كل يوم و إنت بتشوف المٌعدل المتوقع .. بتطمّن زيادة .. و إطمئنانك ده كمان بيدّي لك عائد كيميائي و نفسي زيادة .. اللي هو إنت مش بس بتبقي شايف نتيجة مجهودك … لا .. إنت كمان متطمّن إنك صح .. و إنك نجحت في عمل شيء زي ما المفروض تعمله .. … دي هي الطريقة الطبيعية لإن الإنسان الحر يتعلّم أى شيء في الحياة … و دي هي الطريقة اللي طلّعت أجيال و أجيال من البشر .. بيحبّوا المجال بتاعهم .. بيحبّوا صنعتهم .. بيحبّوا شغلهم .. بيحس بقيمته من شغله .. بيحس بإشباع نفسي و كيميائي و عقلي .. من شغله . … كان التلميذ بيقعد جنب المٌعلّم .. و المٌعلّم بيراقب كل خطوة التلميذ بيقوم بيها .. التلميذ ماكنش بيحس إنه مش متشاف .. إنه غرقان وسط بحر من التلاميذ اللي مش متشافين زيه .. لا .. التلميذ كان بيحس ب ( فرديته , إستقلاليته , وجوده ) .. و أى عدد زيادة من التلاميذ كان بيبقي حواليه … كان بيبقي عدد كافي إن التلميذ يحس بالتنافس .. مش يحس إنه بيختفي .. .. في فرق ضخم لما تبقي تلميذ في فصل فيه 10 تلاميذ .. أو ففصل فيه 80 تلميذ . … و دول هُمّا الحاجتين .. اللي لو قدرت تلاقيهم فأى شيء و أى مجال مهما كان .. حتقدر تدمنه : 1- إنك تلاقي منهج و نظام مٌعتمد علي الزراعة ( يعني تشوف نتيجة مباشرة لكل خطوة صغيرة مهما كانت .. و لكل مجهود بتبذله ) .. و ماتحسش إنك قاعد بتذاكر معلومات مالهاش أى تطبيق عملي .. عشان تمتحن عليها بعد 5 شهور !!! . . 2- إنك تلاقي مٌجتمع حواليك من ناس شبهك .. زيّك .. تنافسهم و يتنافسوا معاك .. يطمنّوك إنك مش لوحدك .. تشوف مٌعاناتهم و تساعدهم .. و يشوفوا مٌعاناتك و يساعدوك .. مش تبقي واحد ضمن (آلاف ) تختفي فوسطهم .. أو تبقي تايه لوحدك فصحرا فاضية .. و مش عارف إنت صح ولّا غلط .. … المبدأين دول .. هٌما اللي بيتم إستخدامهم بكل براعة بقالهم سنين في كل عوالم ال ( ألعاب ) علي الكمبيوتر و الموبايل .. . أى لعبة إنتشرت و إتشهرت .. المبدأين دول .. هما عواميدها الأساسية . . ( المزرعة السعيدة , بابجي , ليج أوف ليجيندز , حتي كاندي كراش , … ) .. . اللعبة بتقدّم لك في البداية تحديات و مراحل سهلة .. سريعة .. تنفذها و تشوف عائد مباشر سريع لها .. تشوف نبتة بتطلع قٌدّامك في الأرض .. . و طول الوقت .. اللعبة بتحطّك في بيئة تنافسية مع عدد من الناس اللي شبهك .. فنفس مرحلتك .. تحس إنك عايز تغلبهم .. و بتتعلّم منهم .. … و دول هُمّا نفس المبدأين اللي بنيت عليهم نظام ( زالفول - zalfol ) . أياً كان المشروع اللي حتختاره من المشاريع ال 26 الموجودين حالياً .. أو من ( عشرات المشاريع اللي حيتم إضافتها خلال أيام إن شاء الله ) ..

إنت مش حتبقي تايه في صحرا لوحدك مش عارف تروح فين و تيجي منين ..

مش حتبقي بتفحت و تردم في إتجاهات و مش عارف هي المكنة مش بتطلّع قماش ليه ..

مش حتبقي قاعد شايف سلسلة من 40 فيديو علي يوتيوب كل واحد منهم مثلاً 4 ساعات .. و حاسس إنك كنت محتاج تبتدي المشروع ده أو المجال ده بعد تانية حضانة مباشرة عشان تلاقي وقت كفاية و فرصة إنك تشتغل بيه 🤣 ..

النظام اللي بنيت عليه ( زالفول ) .. هو النظام اللي أنا نفسي إتبعته مع نفسي عشان أتعلم كل حاجة إتعلمتها و إشتغلت بيها و عليها علي مدار ال 18 سنة اللي فاتوا .. حتي لما قررت إني أتعلم إزاي ( أبني ) تطبيقات .. عشان أبني ( زالفول ) .. إتعلمت بالطريقة دي ..

أنا قعدت سنين زماااااااااااااااااااااااااان أدرس ( gamification ) .. و أحاول أخلي المجالات المٌفيدة مادياً و بتجيب فلوس .. ممتعة بالنسبة ليا زي متعة اللعب اللي أنا أدمنته .. و كنت شايف إني لو قضّيت عٌشر الوقت اللي قضيته بالعب ليج أوف ليجيندز مثلاً .. في حاجة بتجيب فلوس … كنت حانافس جيف بيزوس و أشتري الجزيرة اللي جنبه 🤣 . . و بفضل الله وحده .. بعد ما قدرت فعلاً إني أحب و أدمن و أستمتع بمجالات مش ممتعة إطلاقاً .. و إشتغلت في تدريس المجالات دي سنين .. شٌفت مدي صعوبة إن حد يقدر يمشي الرحلة دي لوحده .. أو يصمم لنفسه نظم مٌعقدة بالورقة و القلم زي اللي كنت مصممهم لنفسي . . و علي مدار السنوات اللي فاتت .. كل مرة كنت باجاوب علي رسائل ( ناس عايز تغير كارير , تبدأ مجال شغل , تتعلم مجال , … ) كنت بالاقي صعوبة حقيقية في إني أجاوب إجابة قابلة للتنفيذ .. . لأن مهما كانت إجابتي طويلة .. أو كتبت بوست طوييييييييييييييييييييل .. التنفيذ كان بيبقي لازم له برنامج متابعة حقيقي .. و أنا وقتي دايماً محدود .. … … حالياً بفضل الله ( زالفول - zalfol ) وصل لمرحلة إنه بيحل المشاكل دي كلها .. حالياً تخطّينا 1050 مٌستخدم … منهم أكتر من 150 علي الخطة المدفوعة .. لكن إنت مش محتاج الخطة المدفوعة إطلاقاً عشان تحصل علي الإستفادة الكاملة منه .. الخطة المدفوعة بتٌتيح لك كل خدمات ال (ai ) .. و دي حاجة إنت مش محتاجها فمرحلة البداية إطلاقاً .. مش محتاجها فمرحلة النبتة الصغننة .. .. الخطة المدفوعة دي … للناس اللي أصبح عندهم بساتين و محتاجين فلاحين و فواعلية معاهم 🤣 .. و التطبيق بيدّيهم كل ده بفضل الله . … … خلال الأيام القادمة إن شاء الله .. مٌفاجأة حاحرقها دلوقتي 🤣🤣 .. تم التواصل مع عدد من رواد الأعمال اللي ليهم أسامي في السوق و معروفين .. عشان يبنوا مشاريع جوة زالفول .. و تبقي جاهزة إنك تمشي عليها خطوة بخطوة .. لحد ما توصل إن الشجرة تطلّع ثمارها .. يعني : ( فلان الفلاني ) المشهور .. اللي ما شاء الله لا قوة إلا بالله قدر بالفعل يمشي طريق و يثبت نجاح … حتشوف مشروع كامل من تصميمه … خطوات تفصيلية جداً .. كل خطوة بتحتاج 5 دقايق بس عشان تنفذها .. و كل تفاصيل المشروع بالكااااااااااااااااااااااااامل … حتلاقيها متوضحة .. و حتشوف مين بينافسك و مين وصل قبلك يساعدك .. و مين عطلان تساعده . … المشاريع دي منها اللي حيكون ب تمن .. حيحدده صاحب المشروع نفسه .. و منها اللي حيكون مجاناً .. و منها اللي حيكون مٌتاح ل عدد محدود فقط من الساعات .. و بعدين حيتشال .. و اللي يلحق بقي هو اللي حيكون وصل للحتّة دي في البوست و مازهقش من كلامي الكتير 🤣 … … لينك زالفول فأول كومنت 😎 … و الله أعلم .