إمبارح بعد ما كتبت البوست الطويل فحت اللي فات (

إمبارح بعد ما كتبت البوست الطويل فحت اللي فات ( بتاع أوضة الفئران ) .. و اللي كان أثاره فعقلي بعض مقاطع الدكتور التريند حالياً ( اللي بيقول بلاش تاكل أى خضار ولا مانجا ولا بطيخ 🤣 ) .. . حسّيت إني ممكن أكون مش فاهم الصورة بالكامل .. ففتحت لقاء حديث له مدته ساعة و 35 دقيقة .. و تقريباً ده كان أحد أفضل الأفلام الكوميدية اللي إتفرجت عليها خلال آخر كام شهر . . زمااااااااااااااااان .. من أول ما بدأ وعينا يتكون .. و أمي و أبويا ربنا يحفظهم و يحميهم و يبارك فيهم .. علمونا أنا و إخواتي قصة .. حقاً غااااااااااية في الأهمية .. و هي : راجل دخل علي مجموعة من البشر .. و قال لهم أنا عدّيت النجوم بالكامل .. و عددهم 4 مليار و 32 مليون و 580 ألف و 11 . 🤣 ف الناس قالوا له : إثبت لنا الكلام اللي بتقوله ده .. رد عليهم بكل ثقة و عنجهية : إثبتوا ليا إنتوا إن كلامي ده غلط .. و اللي بيشكك فيا … يروح يعد هو . . فهمت ؟! . المبدأ ده .. تقدر تطبقّه علي أى حاجة في الحياة تقريباً .. عشان تعرف اللي بيتكلّم ده ( هجّاص ) .. ولا لا . . النصاب بالإنجليزي إسمه ( Con Man = Confidence Man = يعني من الثقة ) .. الثقة اللي إنت بتتكلم بيها .. قادرة علي وهم و كلفتة أغلب البشر .. و نسبة كبيرة جداً من الناس حيتبّعوك لمجرد إنك بتشاور بكل ثقة فأى حتة و تقول بصوت عالي ( هناك ) . و كنت شرحت ده في بوستات كتير قبل كده … و إن السبب هو إن الحالة الطبيعية للإنسان طول الوقت هي ( الشك و التوهان ) . ف مع أمراض مزمنة زي ( جهل و كسل و عدم رغبة في البحث ) … بيكون الإنسان فريسة سهلة جداً جداً جداً … لأى حد واثق فنفسه أوي بالمنظر ده . . هل ده ممكن يختلف لو طلع فريق طبّي متخصص لنقاشه ؟! أكاد أقسم إن مافيش حاجة حتختلف إطلاقاً .. و في قصة السامري .. عبرة … و الله أعلم .