الدفتر

القيد 7 من 20

عيلة ميديتشي 8 دقيقة قراءة

= صباح الخير يا هندسة .

الصورة التي نشرها إسلام مع هذا المنشور
133تفاعل 13تعليق 34مشاركة المنشور الأصلي على فيسبوك

- صباح العسل ..

= معاك أستاذ ( ***** ) , رئيس مجلس إدارة مجموعة شركات ( ***** ) , و العضو المنتدب لمجموعة شركات ( **** ) , و عضو مجلس إدارة نادي ال( **** ) , و مقسّط عربية بانزل أشتغل عليها أوبر بعد الضهر , و مشارك في كشك سجاير علي أول شارعنا .

- 🙂🙂 ... معاك .. أقدر أساعدك إزاي ؟! .

= الواد إبني عنده 8 سنين .. و حاسس فيه بوادر عبقرية .. و غالباً حيطلع حاجة كبيرة أوي .. و عايز أعرف أخليه ياخد كورسات إيه عشان أنمّي فيه العبقرية دي ؟!

اللي فات ده تقريباً ..

تلخيص ل رٌبع الرسايل اللي عندي في الأنبوكس و الothers 😅 علي مدار 10 سنين تقريباً ..

و علي مدار ال 10 سنين دول .. إجابتي كانت دايماً بتبتدي ب :

تنهيدة طويلة أوي ... هممممممممممممممممممم ...

طيب .. إنت عندك وقت و طاقة قد إيه تسمع ؟! .

ده هو البوست السادس في سلسلة ( عصر النهضة بالحلمنتيشي ) ..

البوستات السابقة ( من 1 ل 5 ) حتلاقيهم قبله مباشرة ...

في البوست اللي فات .. كنا وصلنا إن الحاج أبو ليوناردو .. خد الواد ليوناردو الصغير و ركب أول ميكروباص طالع من ( فينشي ) .. و نزل بندر ( فلورنس ) عشان يودّيه يعيش هناك .

و زي ما شرحت .. لأن الحاج أبو ليوناردو ( بييرو ) ماكنش كاتب علي أم ليوناردو ( كاترينا ) 🤣 .. ف ليوناردو بقي إسمه ( ليوناردو ال فنشي ) .. نسبة لبلده يعني .. مش لأبوه .

ما علينا .. بدون الدخول في أعراض ( لأن غالباً حندخل فيها لاحقاً 🤣 ) ..

ليوناردو .. عشان هو كان إبن حرام 🤣 .. ماكنش ينفع يشتغل شغلانة أبوه الشريفة العفيفة ( أبوه كان موظف في الشهر العقاري - Notary ) ..

فبالتالي .. ماكنش ينفع برضو يتعلم تعليم حكومي ( يعني حضانة و مدارس .. حاجات زي ألف أرنب .. ب بطة 🤣 ) ..

ف طالما مش حتتعلم و تدخل مدارس .. يبقي تمسك صنعة ..

و زي ما شرحت في البوست اللي فات ... أى حد في الوقت ده .. كان يتمني إن إبنه يكون بيعرف يرسم ..

( زي ما دلوقتي .. أى حد يتمني إن إبنه يكون بيعرف يلعب كورة 🙂 ) .

و فعلاً .. ليوناردو الصغنن بيروح فلورنس مع أبوه .. و بيدخل ( ورشة فيروكيو ) ..

إيه بقي ( ورشة فيروكيو - Verrocchio’s bottega ) دي ؟!

زمااااااااااااااااااااااااااااااااااااااااااااان .. ( و لو إنت متابعني من سنين .. قد تكون قرأت بوستات كتير شرحت فيها تفصيلياً عن الموضوع ده قبل كده ) .. نظام التعليم كان مختلف عن دلوقتي .

نظام التعليم كان عبارة عن :

( معلّم - Master ) .. و ( تلميذ - disciple ) ..

طب إيه الفرق ؟! .. ما دلوقتي برضو في ( معلم و تلميذ ) ..

لاااااااااااا .. فرق كبير جداً جداً ..

دلوقتي .. ال ( معلّم إسمه - Teacher ) .. و التلميذ إسمه ( Student ) ..

برضو مش فاهم .. إيه الفرق ؟!! .

الفرق هو إن ال ( Master ) ده ماكنش عبارة عن مُدرس ل مادة واحدة .. أو مهارة واحدة ..

و لكن كان ( كل حاجة في حياة ال تلميذ ) .. كان بابا .. و ماما .. و أنور وجدي .

و التلميذ .. ماكنش مجرد عيّل ب مريلة بيروح لمدة كام ساعة يرازي في أستاذه و يكتب وراه في كراسة و خلاص ..

و لكن كان ( ملازم له = disciple ) .. اللي هي جه منها كلمة ( إلتزام = discipline ) ..

يعني .. كان بياكل مع مٌعلّمه .. يشرب معاه .. يخدمه .. يغسل له هدومه .. يبري له أقلامه .. يكنس له أوضته و ورشته ... يعيش معاه حياته بالكامل مٌلازم له ..

مٌلازم له بالكامل .. في حياته ... و شغله .

العبد أو الخادم .. كان بيعمل كل ده في البيت فقط .. لكن كان ممنوع يدخل الشغل .. أو حتي يتواجد في الورشة احياناً ..

كان ممنوع يشوف المٌعلّم في شغله و يعرف أسرار الصنعة ..

لكن ال ( تلميذ الملازم ) .. كان بيتواجد في البيت و الورشة .. تواجد كاااااااااامل ..

ليه بقي ؟!

لأن .. من زمااااااااااااااااااااااااااااااان ... من بداية تاريخ تواجد الإنسان علي الأرض .. و بداية إن الإنسان يفكر و يستخدم عقله ..

و الإنسان فهم ..

إن الأهم من النتيجة ..

هو السبب المٌسبب للنتيجة دي .

يعني ..

يعني إيه اللي خلّي (محمد صلاح) عنده المينتاليتي 🤣 اللي تخليه يستحمل قرف الرياضة في مصر .. و الواسطة ... و المحسوبية .. و الإحباطات .. و يفضل مٌلتزم ب روتين و تمرين و ينضبط ... لحد ما تيجي له فرصة السفر لأوروبا ؟!

يعني ..

إيه اللي خلّي ( محمد صلاح ) .. بمجرد وصوله لأوروبا و بداية نجاحه هناك بأى صورة .. إنه ماخدش أول شيك قبضه من أول نادي .. و طلع يشقط بنات من الخمّارة اللي جنب النادي ؟!! .

و لكن إلتزم .. و إتمرّن .. و إنضبط ..

؟!

يعني ..

إيه اللي خلّي ( محمد صلاح ) .. يستحمل نفخ المٌشجعين المصريين له .. و رغبتهم في تأليهه .. و مايتنفخش .. و مايتغرّش .. و فضل يتمرّن .. و يلتزم .. و ماطلعش في فيديوهات سوشيال ميديا ياخد ياخد شاور إعجاب تحت التلييف ده كله .

؟!

كل النتائج اللي إتكلمت عنها فوق دي ( فمثال محمد صلاح ) .. و أمثلة تانية كتييييييييير ل ( masters - أساتذة ) في مجالاتهم علي مدار التاريخ الحديث و القديم .

مهما حاولت إنك ( تدرّسها ) .. و ( تشرّبها ) .. و ( تلخصّها ) .. و ( تختصرها ) .. ل طلبة أو تلاميذ ..

نسبة الفشل فيهم بتكون عالية جداً ..

جداً ..

لأنك تجاهلت : السبب .

إيه هو بقي السبب ده ؟! ..

السبب هو : الحياة كلها .. أو تفصيلة صغيرة في روتين الحياة اليومي للأستاذ مثلاً .. بتؤدي إنه يبقي رائع في مجاله ..

و فأحيان كتير جداً .. بيكون ال ( Master - أستاذ ) نفسه .. مايعرفش يحدد بالظبط إيه في حياته بيؤدي إنه بيفكر بشكل معين .. أو عنده مهارة معينة .. و بالتالي .. بيكون ( مٌدرّس ) فاشل ..

هو رائع في المهارة أو المجال بتاعه .. و لكنه ماعندوش القدرة التحليلية اللي تساعده يفهم الأسباب اللي بياخد بيها في حياته .. ب تؤدي بيه للنتيجة الرائعة دي .

و ( معلّمين - Masters ) كتير جداً .. علي مدار التاريخ .. تلامذتهم هما اللي قدروا يحللوا حياتهم و الأسباب اللي أدّت إنهم يبقوا رائعين بالمنظر ده ..

و بتكون نتيجة حاجة زي كده .. إن في أحيان كتير .. شهرة ال( تلميذ ) بتفوق شهرة ال( معلّم ) بتاعه ..

و مش معني كلامي إطلااااااااقاً إن بالتالي لازم التلميذ ياخد حياة أستاذه ك نسخة طبق الأصل .. و يحاول ينسخ الأسباب اللي فحياته عشان يوصل لنفس النتائج ..

بالعكس ..

اللي الطالب بيتعلمه .. هو :

إزاي يستخدم أسبابه الخاصة .. تفاصيل حياته الخاصة .. ذكرياته و مشاعره هو نفسه .. عشان : يٌبدع .

البيئة بتاعت ال ( مدرسة ) بصورتها الحالية .. بيئة لا تؤدي للإبداع إطلااااااااااااااااااااااااااقاً ..

البيئة اللي فيها تشتت مستمر بين عدد كبير من المٌدرسين ..

البيئة اللي فيها تقييم مستمر ب معيار مٌختل زي معيار الدرجات ..

البيئة اللي مافيش فيها أى علاقة مٌباشرة بين الطالب و الأستاذ ..

دي بيئة قاتلة بكل المقاييس لأى نوع من أنواع الإبداع البنّاء ( يعني الإبداع القائم علي تعلّم مهارة من أستاذ ) .

و أى إبداع بينتج في بيئة ال ( مدرسة ) .. بيبقي زي الزهرة اللي بتنبت وسط أسفلت .. أو للتعبير الأدق ( رغماً عن الأسفلت ) .

طيب .. هل معني الكلام ده .. هو إن الأب اللي في أول البوست يدور علي ورشة معلّم .. و يودّي إبنه يعيش هناك ؟! .

للأسف .. عالمنا الحالي ( عالم المدينة ).. صعب فيه جداً النصيحة ب حاجة زي كده ..

عالم المدينة اللي هو عبارة عن علب كبريت صغيرة ( شٌقق يعني ) .. جنب بعضها ..

و كل شقة مايعرفش حاجة إطلاقاً عن الشقة اللي جنبه ..

و كل طفل بيتربّي في مساحة أمتار بسيطة جداً .. و أى حرية يأمل في الحصول عليها .. بتكون لمدة بضع ساعات أسبوعياً في النادي ..

ده عالم ( مٌختل ) .. و ماينفعش فيه الأب يدور علي صورة تاريخية ل ورشة زي ورشة ( فيروكيو ) ..

طب إيه الحل ؟!

الإبن اللي عنده بوادر عبقرية ده .. و اللي ممكن يكبر و يبقي الناس بتقول عليه ( حمادة الفنشي 🤣 .. أو حمادة دافنشي ) .. يروح فين ؟!

ببساطة ...

زماااااااااااااان .. كان أولاد الملوك و الناس الأغنيا جداً برضو .. ماينفعش يروحوا يعيشوا في الورشة ..

كان الأهالي .. بيجيبوا ( المٌدرّس - المٌعلّم ) هو اللي يعيش وسطهم و في القصر ..

و من أكبر الأمثلة ( اللي حنشرحها في القصة ) .. هو جاليليو جاليليي ...

الراجل ده .. كان هو المٌعلّم اللي عايش في القصر عشان يلازم الأولاد و يعلمهم .

و قبل ما ألاقي الرسائل في ال( Others ) فيها ناس بتدعوني أروح أعيش معاهم 🤣🤣 ..

نصيحتي هي :

إنت ( يا أب ) .. و ( يا أم ) .. اللي لازم تكون المٌعلّم بتاع إبنك .

إنت اللي لازم تتعلم تبدع ..

إنت اللي لازم تتعلم يعني إيه خيال .. يعني إيه فضول .. يعني إيه حرية ..

لأن :

المٌلازمة ... أحد أهم شروط التلمذة .

و الله أعلم .

البوست ده ماكنش بيحكي .. قد ما كان بيشرح مبادئ أساسية .. كانت هي اللي مٌحيطة ب أعضاء ورشة فيروكيو .. و اللي في البوست الجاي .. حنكمّل قصصهم إن شاء الله .

تمّ القيد 7

ردود إسلام في التعليقات

ما كتبه إسلام تحت هذا المنشور، مع التعليق الذي ردّ عليه.

  1. Amr Nawar

    أنا بنتظر بوست السلسلة بشغف كبير أحسنت في السياق لأقصى درجة

    Amr Nawar 1 تفاعل

    هو أنا علشان قولت بستنى البوستات تتأخر كده 😂

    إسلام أسامه الجويلي 1 تفاعل

    1- للأسف فعلاً السفر أحياناً بيدمر ال (momentum ) الفكري اللي باعتمد عليه فإني أفتكر هو أنا أساساً كنت باكتب إيه و ليه .

    2- كمية تريندات غير طبيعية حصلت الأسبوع اللي فات تقريباً .. و كلهم أثاروا فدماغي كم كبير جداً من الأفكار اللي لها علاقة بموضوع سلسلة البوستات دي .. زي :

    ( علاقة الإنسان بالحضارة و الثقافة و الفن عموماً , أنهي أهم ؟! .. رغيف عيش ولا لوحة فنية ؟! .. و المصالح المتضادة بين ( فردية الإنسان و نجاته الخاصة ) .. و بين ( مصلحة المجتمع و القيم اللي أعلي من مجرد الأكل و الشرب ... )

    3- و علي مدار الأسبوع اللي فات تقريباً .. تذكري للأحداث اللي باكتب عنها .. قادني إني آخد غطس أعمق عشان أفتكر تفاصيل معينة كنت نسيتها من سنين .. و دلوقتي لما باعيد التفكير فيها بناءاً علي معلومات جديدة .. لقيت إني محتاج أعرف أكتر ..

    يمكن من أحد المواضيع دي مثلاً ( هو الحالة الأخلاقية لمجتمع فلورنس .. و إن أشهر "عباقرته " في الفنون مثلاً .. زي دوناتيللو ( و دافنشي ) .. كانوا مشهور عنهم شذوذهم الجنسي ) .. و ده كان له تأثير كبير جداً في حياتهم ..

    و ده عشان أكتب عنه حالياً ( في مجتمعنا الحالي اللي بيستني كل فضيحة و تسريب و تريند ) .. لازم أكون حذر جداً .. جداً .. فإن مثلاً كلامي مايتفهمش ك علاقة ( سبب و نتيجة ) ... بين الإنحلال الأخلاقي .. وبين الإبداع .

    أو إزاي إن أى عراقيل بيضعها الإنسان ضد الفطرة الطبيعية بتؤدي لخلل فظيع في حياة الإنسان .. ( حياة المجتمع الفلورنسي القديم كان مشابه جداً جداً في التعامل مع عذرية الفتاة ك سلعة يُدفع فيها أغلي الأثمان .. زي دلوقتي ) .. فبالتالي .. كان الزواج صعب جداً .. لأن كل أسرة كانت بتتعامل مع بناتها ك سلعة و تذكرة للثراء ..

    فالنتيجة كانت إنتشار الشذوذ ب شكل ضخم جداً ( لدرجة إن أحد الإصطلاحات ل كلمة شاذ جنسياً .. كانت " فلارا " .. من فلورنسي يعني ) ..

    كل ده .. و تفاصيل تانية اكتر .. زائد موضوع سفري .. هو السبب في التأخير 🥹

    Amr Nawar

    Eslam Osama El-Gwaily خلاص لو عطلت بعد كده خليها ردود مدام هتبقى كده 😄

من تعليقات القرّاء

13 تعليقاً على فيسبوك، كما تظهر هناك للعامة.

  1. Ibrahim Yasser 2 تفاعل

    اسمحلي ادي مثال ازاي تكون ال Master لابنك 1. بطل تلقين وابدأ بنقل الفضول بلاش تعالى يا حبيبي أعلّمك عن الكواكب خليها (وإنتوا قاعدين) تصدق أنا لسه قارئ حاجة غريبة جدا بيقولوا إن المريخ ده كان عليه مية زينا.. تفتكر راحت فين؟ الهدف: إنت هنا مش مدرس بيدّي معلومة إنت أستاذ (Master) بيفكر بصوت عالي وبيستعرض فضوله هو بيتعلم منك إزاي يبقى فضولي مش بس بتقول معلومة عن المريخ خليه يشوفك وإنت بتبحث عن الإجابة على جوجل بنفسك. 2. ورّيه الكواليس مش "النتيجة" (نقل الانضباط والإبداع) بلاش تخبيه عن مشاكلك أو شغلك أو إحباطاتك. خليه يشوفك وإنت بتشتغل أنا مزنوق في الشغلانة دي ومحتاج أركز فيها ساعتين عشان أسلمها. (هيتعلم الانضباط والالتزام). الموضوع ده معقد ومش لاقيله حل.. تفتكر لو جربنا نعمله بالطريقة (كذا)؟ (هيتعلم حل المشكلات والإبداع). مثال محمد صلاح الناس شايفة الجوايز (النتيجة) بس التلميذ الحقيقي هو اللي شاف التمرين والعرق والروتين اليومي (السبب). خلي ابنك يشوف "السبب" بتاعك. 3. حوّله من طالب لـ "مساعد أستاذ" (نقل الحرية والمسئولية) بلاش: "روح ذاكر اعمل واجبك (أوامر). خليها: إيه ده إنت عندك واجب حساب؟ طب ما تيجي توريني كده، أصل أنا ضعيف أوي في القسمة فكّرني بتعملوها إزاي. (إنت بتحسسه إنه شريك مش عبد). بلاش: رتب أوضتك خليها: الأوضة دي مكركبة جدًا وإحنا الاتنين مش عارفين نلاقي حاجة.. إيه رأيك نعمل خطة سوا عشان نخليها أحسن؟ تحب نبدأ بإيه؟ (بتديله "حرية" في إطار "مسئولية" مشتركة). 4. اسمع بفضول الأستاذ مش بسلطة "الأب" لما ييجي يحكيلك عن لعبة فيديو (حتى لو تافهة في نظرك) بلاش تصده. خليها: "إيه ده؟ طب وريني.. إزاي عديت المرحلة دي؟ طب إيه لازمة السلاح ده؟ الهدف: إنت هنا بتمارس "الفضول" قدامه. بتوريله إزاي يهتم بالتفاصيل وإزاي يحلل حاجة بيحبها. الخلاصة: تكون الأستاذ معناه إنك تعيش حياتك بـ فضول و انضباط و إبداع قدامه. هو هيلقط ده بالـ ملازمة زي ما الإسفنجة بتمتص المية من غير ولا كلمة ذاكر أو اتعلم.

كل التعليقات المحفوظة (13)
  1. Osama ElMansy

    اجمد من البوست اللي فات واللي جاي اجمد من دا واديني ورا بوستاتك اللي للمرة القليلة في حياتي اقدر استمر في قراءة بوست طويل من غير ذرة ملل

  2. سيد جمال

    اتفق معاك جدا ومنشور موفق انا واقف عند نقطة ذهاب الولد.. الابن.. التلميذ .للمدرسة في ظل وجود إن أمكن ووجد المربي او المعلم الاب الملازم لابنه الماستر يروح واللا ميروحش

  3. Ibrahim Yasser 2 تفاعل

    اسمحلي ادي مثال ازاي تكون ال Master لابنك 1. بطل تلقين وابدأ بنقل الفضول بلاش تعالى يا حبيبي أعلّمك عن الكواكب خليها (وإنتوا قاعدين) تصدق أنا لسه قارئ حاجة غريبة جدا بيقولوا إن المريخ ده كان عليه مية زينا.. تفتكر راحت فين؟ الهدف: إنت هنا مش مدرس بيدّي معلومة إنت أستاذ (Master) بيفكر بصوت عالي وبيستعرض فضوله هو بيتعلم منك إزاي يبقى فضولي مش بس بتقول معلومة عن المريخ خليه يشوفك وإنت بتبحث عن الإجابة على جوجل بنفسك. 2. ورّيه الكواليس مش "النتيجة" (نقل الانضباط والإبداع) بلاش تخبيه عن مشاكلك أو شغلك أو إحباطاتك. خليه يشوفك وإنت بتشتغل أنا مزنوق في الشغلانة دي ومحتاج أركز فيها ساعتين عشان أسلمها. (هيتعلم الانضباط والالتزام). الموضوع ده معقد ومش لاقيله حل.. تفتكر لو جربنا نعمله بالطريقة (كذا)؟ (هيتعلم حل المشكلات والإبداع). مثال محمد صلاح الناس شايفة الجوايز (النتيجة) بس التلميذ الحقيقي هو اللي شاف التمرين والعرق والروتين اليومي (السبب). خلي ابنك يشوف "السبب" بتاعك. 3. حوّله من طالب لـ "مساعد أستاذ" (نقل الحرية والمسئولية) بلاش: "روح ذاكر اعمل واجبك (أوامر). خليها: إيه ده إنت عندك واجب حساب؟ طب ما تيجي توريني كده، أصل أنا ضعيف أوي في القسمة فكّرني بتعملوها إزاي. (إنت بتحسسه إنه شريك مش عبد). بلاش: رتب أوضتك خليها: الأوضة دي مكركبة جدًا وإحنا الاتنين مش عارفين نلاقي حاجة.. إيه رأيك نعمل خطة سوا عشان نخليها أحسن؟ تحب نبدأ بإيه؟ (بتديله "حرية" في إطار "مسئولية" مشتركة). 4. اسمع بفضول الأستاذ مش بسلطة "الأب" لما ييجي يحكيلك عن لعبة فيديو (حتى لو تافهة في نظرك) بلاش تصده. خليها: "إيه ده؟ طب وريني.. إزاي عديت المرحلة دي؟ طب إيه لازمة السلاح ده؟ الهدف: إنت هنا بتمارس "الفضول" قدامه. بتوريله إزاي يهتم بالتفاصيل وإزاي يحلل حاجة بيحبها. الخلاصة: تكون الأستاذ معناه إنك تعيش حياتك بـ فضول و انضباط و إبداع قدامه. هو هيلقط ده بالـ ملازمة زي ما الإسفنجة بتمتص المية من غير ولا كلمة ذاكر أو اتعلم.

  4. Amany Ezzeldin

    خبراء التعليم والصحة والاقتصاد وهما بيطوروا المنظومة لحل الازمات ووضع خطة خمسينية تهدف لأجتثاث المشكلة من جذورها 🤝😃

    مرفق مع التعليق: صورة

  5. Ashraf Salah

    بص أنا أول ما قرأت قلت أشوف ورا المقدمه دي إيه ، ولكن بمجرد ما لقيت إسقاط علي محمد صلاح لاعب الكره، جت في بالي علطول المقولة العظيمه لسعد زغلول مفيش فايده

  6. Pono Pono

    مبدع

  7. Amr Nawar

    أنا بنتظر بوست السلسلة بشغف كبير أحسنت في السياق لأقصى درجة

    Amr Nawar 1 تفاعل

    هو أنا علشان قولت بستنى البوستات تتأخر كده 😂

    إسلام أسامه الجويلي 1 تفاعل

    1- للأسف فعلاً السفر أحياناً بيدمر ال (momentum ) الفكري اللي باعتمد عليه فإني أفتكر هو أنا أساساً كنت باكتب إيه و ليه .

    2- كمية تريندات غير طبيعية حصلت الأسبوع اللي فات تقريباً .. و كلهم أثاروا فدماغي كم كبير جداً من الأفكار اللي لها علاقة بموضوع سلسلة البوستات دي .. زي :

    ( علاقة الإنسان بالحضارة و الثقافة و الفن عموماً , أنهي أهم ؟! .. رغيف عيش ولا لوحة فنية ؟! .. و المصالح المتضادة بين ( فردية الإنسان و نجاته الخاصة ) .. و بين ( مصلحة المجتمع و القيم اللي أعلي من مجرد الأكل و الشرب ... )

    3- و علي مدار الأسبوع اللي فات تقريباً .. تذكري للأحداث اللي باكتب عنها .. قادني إني آخد غطس أعمق عشان أفتكر تفاصيل معينة كنت نسيتها من سنين .. و دلوقتي لما باعيد التفكير فيها بناءاً علي معلومات جديدة .. لقيت إني محتاج أعرف أكتر ..

    يمكن من أحد المواضيع دي مثلاً ( هو الحالة الأخلاقية لمجتمع فلورنس .. و إن أشهر "عباقرته " في الفنون مثلاً .. زي دوناتيللو ( و دافنشي ) .. كانوا مشهور عنهم شذوذهم الجنسي ) .. و ده كان له تأثير كبير جداً في حياتهم ..

    و ده عشان أكتب عنه حالياً ( في مجتمعنا الحالي اللي بيستني كل فضيحة و تسريب و تريند ) .. لازم أكون حذر جداً .. جداً .. فإن مثلاً كلامي مايتفهمش ك علاقة ( سبب و نتيجة ) ... بين الإنحلال الأخلاقي .. وبين الإبداع .

    أو إزاي إن أى عراقيل بيضعها الإنسان ضد الفطرة الطبيعية بتؤدي لخلل فظيع في حياة الإنسان .. ( حياة المجتمع الفلورنسي القديم كان مشابه جداً جداً في التعامل مع عذرية الفتاة ك سلعة يُدفع فيها أغلي الأثمان .. زي دلوقتي ) .. فبالتالي .. كان الزواج صعب جداً .. لأن كل أسرة كانت بتتعامل مع بناتها ك سلعة و تذكرة للثراء ..

    فالنتيجة كانت إنتشار الشذوذ ب شكل ضخم جداً ( لدرجة إن أحد الإصطلاحات ل كلمة شاذ جنسياً .. كانت " فلارا " .. من فلورنسي يعني ) ..

    كل ده .. و تفاصيل تانية اكتر .. زائد موضوع سفري .. هو السبب في التأخير 🥹

    Amr Nawar

    Eslam Osama El-Gwaily خلاص لو عطلت بعد كده خليها ردود مدام هتبقى كده 😄

  8. Wael Mohamed

    بس لازم الماستر يكون ثقة بدل ما ياخد الطفل يحيكو واحنا مش داريانين

  9. سيد عبد ربه

    عزيزى المبدع حضرتك نسيت او تناسيت البيئه المحيطه وتاثيرها على الطفل البيئه الصغرى وهو البيت والام والاخوه والبيئه الكبرى الاقران والزملاء والمجتمع بكل مؤثراته ممكن تكون هذه المؤثرات معول هدم اقوى من اى بناء تدريجى للطفل وايضا ليس كل المؤثرات متشابهه فى التاثير كما وكيفا حسب الزمان بتعبير اخر لا يمكن ان تطبق هذه الحاله هذه الايام فى مجتمع اخر مع اختلاف العصر مجرد وجهه نظر

  10. ابو احمد للطب البديل

    مرفق مع التعليق: صورة