الدفتر

القيد 12 من 20

قصة مارتين لوثر 9 دقيقة قراءة

إمتي بالظبط الدنيا باظت مع ( صلاح نجم - الشخصية اللي بيقوم ب دورها محمد فراج ) ؟!

الصورة التي نشرها إسلام مع هذا المنشور
652تفاعل 88تعليق 148مشاركة المنشور الأصلي على فيسبوك

لو معاه نفس آلة الزمن اللي أنا قاعد بأجّرها بالساعة بقالي كام بوست دي 🤣 .. حيرجع لأنهي لحظة بالظبط في المسلسل .. أو فحياته عموماً .. و يتصرف بشكل مختلف ؟!

هل مش حيحضر البرنامج في أول حلقة ؟!

أو ... هل بعد ما يحضر البرنامج و يساعد المذيعة تسترد بنتها .. لما تيجي المذيعة دي تجري عليه عشان تحضنه .. حيعمل مناورة تفادي زي أجدع مٌصارع مثلاً ... و بعدين ياخدها سوبليكس خلفي يجيب أجلها و ينهي المسلسل بدري بدري 🤣 ؟!

ولّا ...

ولّا حيفكر في حياته قبل كده ؟! .. قبل أساساً ما أحداث المسلسل تبتدي ؟! .. في طفولته مثلاً ؟! ..

ولّا حيفكر في وضع المجتمع اللي أدّي إنه أهله يطلعوا بالشكل اللي هو كان بيكرهه .. و يرجع 200 أو 300 سنة ل ورا مثلاً .. و يحاول يشوف جد جد جد جد جده .. ضيّع فلوسه علي إيه 🤣🤣

بص .. أقول لك ؟! .. فكك ..

لمّا ييجي ( صلاح نجم ) يسأل آلة الزمن فاضية ولا حد مأجرها .. قول له إني واخدها ( مفتوح 🤣) .. عشان موضوع أهم ..

و طالع بيها رحلة ل سنة ( 1500 ميلادياً تقريباً ) .. و حتأخّر هناك شوية ..

رحلة .. في آخر لقطة فيها .. فوجهة نظري بتجاوب علي أسئلة كتير .. زي مثلاً :

لماذا الرجل البرتقالي اللي فضايحه من كل نوع ( جنسي و غير جنسي 🤣) لا تنتهي .. ما زال يمتلك قوة تمكنه يتحكم فحاجات كتير أوي في العالم .

طيب .. إيه اللي بيحصل سنة 1504 ميلادياً بالظبط ؟!

ببساطة .. الدنيا كانت بتمطّر 😅 .. و أثناء ما كانت بتمطّر .. حصل رعد و برق ..

و بالظبط زي ما ( غالباً يعني ) عمود برق كسر الزجاج البانوراما بتاع سقف عربيتي من أسبوعين تقريباً ..

عمود برق بيضرب الأرض برضو .. بس مش بيكسر إزاز عربيات .. لا .. ده بيتسبب إن شاب في مقتبل عشرينياته إسمه ( مارتن لوثر ) .. بيتخض ..

و يستخبي تحت شجرة ..

و يدعي و يقول :

" يا أيتها القديسة آن .. إحميني من البرق .. و حاوهب نفسي للدير و أبقي راهب "

و لما العاصفة تهدي .. و الدنيا تبطّل تبرق و ترعد .. ( مارتن لوثر ) بيقول شكراً .. فهمت الرسالة و العلامة ..

و بيقرر يسيب المدرسة ( كان بيدرس حقوق عشان يبقي محامي ) .. و يبيع اللي وراه و اللي قٌدّامه .. و يدخل الدير عشان يبقي راهب .

و نتيجة ل الحظة دي ..

التاريخ الحديث بالكاااااااااامل تقريباً .. بيتغير ..

بل إنك تقدر تقول إن بسبب عمود البرق ده ....

أمريكا ذات نفسها ( بصورتها الحديثة .. و مايكل جاكسون .. و مايكل جوردان .. و بهجت 🤣 ) بتتولد بعد كده

إزاي ؟!

لو إنت متابعني بقالك شهرين تقريباً .. فأكيد شفتني كتبت سلسلة من البوستات الطويلة أوي .. عن : عصر النهضة في أوروبا بالحلمنتيشي ..

البوست ده تقدر تعتبره ضمن السلسلة ( هو و البوست اللي من يومين بتاع إختراع الطباعة علي إيد الحاج يوهانس جوتنبرج ) .

ليه ؟!

لأن .. السبب إني بدأت الكتابة عن الموضوع ده من الأساس ( عصر النهضة بالحلمنتيشي ) .. كان سؤال برئ عن :

( هو مش ليوناردو دافنشي نقدر نتعلم منه الإبداع ؟! ) ..

و السؤال إستفذّني أوي .. لأن الإجابة عمرها ما كانت بالبساطة دي ..

و بدأت شرح سلسلة توضّح عالم دافنشي ( بتاع عصر النهضة ) كان عامل إزاي ..

و إن أحد أكبر الأسامي في عالم دافنشي ده .. هو إسم ( عيلة ميديتشي ) .. اللي إتربّي في حضنها ( مجازيا و حرفياً 😉🤣 ) ليوناردو دافنشي .

و شرحت إن العيلة دي .. شغلها الأول و الدائم و المستمر كان ( الربا ) .. و ده اللي أدّي إنهم يوصلوا لأكبر مناصب القوة في أوروبا ..

زي :

منصب بابا الكنيسة الكاثوليكية .

اللي كان في الوقت ده بيٌعتبر بقوة منصب ( إمبراطور أوروبا بالكامل ) .. إن لم يكن أقوي .

و سنة 1513 ميلادياً .. و بعد 150 سنة تقريباً من التخطيط و الشغل المستمر ..

جيوفاني .. إبن لورينزو ( الجامد زوحليقة = the magnificent ) الميديتشي ..

بيمسك منصب ( بابا الكنيسة الكاثوليكية ) .

و يطلع في بلكونة أكبر قلعة .. و يشغّل كهارب و يعلي الصاب 🤣😁 .. و بأعلي صوت في روما يقول :

ولععععععععععععععععععععععت ياباااااااااااااااااااااا .. و مسكنا الحكم يابااااااااااااااااااااااا .. حنخربها ياباااااااااااااااااااااا .

و بعت لكل اللي يقدر يبعت لهم .. جواب أرستقراطي أنيق رسمي بيقول :

( إحضر حالاً .. عليك مواصلاتك .. و علينا إنبساطك ) 🤣😅 .

أو اللي هو الترجمة الحلمنتيشية للمقولة الشهيرة بتاعته :

"Since God has been pleased to give us the papacy, let us enjoy it"

عصر باباوية جيوفاني ميديتشي ... أو بعد ما سمّي نفسه ( ليو إكس - leo x ) .. كان عصر ( آسف في اللفظ ) .. مليطة ..

اللي هو كل يوم حفلات لحد الصبح .. وجبات و ولائم من كل شكل و لون .. كل ما تتخيله من مٌتع ( كل ما تتخيله 😎 ) .. كان مٌتاح و شغّال 23 ساعة ( لأن في الساعة ال24 كان بيحصل حاجة تانية ) .. 🤣 ..

إيه هي ؟!

ببساطة .. لازم هنا تسأل سؤالين مهمين أوي .. و بيجاوبوا علي بعض :

1- هي الكنيسة الكاثوليكية ( و أعلي منصب لها ) فجأة إتحولت بين يوم و ليلة و بقت زي أجدعها ديسكو ؟ .. ولّا ده حصل إزاي ؟!

و السؤال التاني :

2- هي الكنيسة الكاثوليكية .. كانت بتصرف منين عموماً ؟! .. أكل و شرب و مرتبات رسامين و نحاتين ؟!

و بالظبط كده .. السؤالين فعلاً بيجاوبوا علي بعض ( خصوصاً لما ترجع لنقطة إن شغل عيلة ميديتشي الأساسي و الدائم كان ال " بنوك الرباوية " ) .

فببساطة .. أغلب توجهات الكنيسة الكاثوليكية علي مدار فترة تواجدها .. تقدر تفسرها بالكامل من خلال الفلوس و القوي الإقتصادية المٌسيطرة علي العالم .. ( حتي يومنا هذا بالمناسبة ) .

و ده السبب .. إن علي مدار فترة 140 سنة تقريباً ( قبل ما جيوفاني يمسك الباباوية ) .. كانت الكنيسة الكاثوليكية تم إنتشار مرض الخضوع لسلطة الجنيه .. بالظبط زي إنتشار السرطان ..

و تدريجياً كانت أى محاولة ل تحرير الكنيسة الكاثوليكية من سيطرة الفلوس .. بيتم إعتبارها محاولة ل " زعزعة " إستقرار نظام الحكم الأوروبي ..

لأن الفلوس كانت مٌسيطرة برضو علي أغلب السياسيين ( بنفس الطريقة ) .

و كان بيتم عقاب اللي بيحاول يقتل أى حد من عيلة ميديتشي .. بأشد الطرق الممكنة ..

( حرفياً علّقهم علي باب المدينة و ساب الطير ياكل من أجسامهم .. و جاب رسّامين رسموا الصورة دي ) .

ف لما وصل ( جيوفاني إبن لورينزو ( الجامد زوحليقة - the magnificent ) ) للحكم .. ماحدش قدر يعترض ..

و الكل قال خلاص .. حياخد مدته و يموت و يغور ف ستّين إحم .. و نشوف نبقي ننتخب مين بعده ( الباباوية كانت بالإنتخاب ) .

لكن .. اللي ماحدش كان متوقعه ..

إن جيوفاني إبن لورينزو الجامد زوحليقة .. فضل يصرف علي الحفلات و الولائم ..

و كمان يصرف علي أهله ( ماتنساش إنهم بتوع بنوك من الأساس ) ..

لحد ما خزائن الكنيسة الكاثوليكية بالكاااااااااااااااااامل .. فضيت 🤣 ..

( ده كإني دلوقتي باقول لك إن خزائن سويسرا مثلاً مابقاش فيها فلوس تكفّي حجز كورة يوم الخميس اللي جاي ) ..

و دي مٌصيبة ضخمة .. جداً ..

ليه ؟!

لأن الجزء الأضخم و الأكبر من قوة الكنيسة الكاثوليكية علي مدار تاريخها كان : مظهر القوة .

اللحظة اللي كان أى خصم سياسي حياخد باله إن الكنيسة ماتقدرش تأجّر جيش أو تصرف عليه عشان يحميها .. كان حيأجر أول ميكروباص و يملاه رجّالة من البلد و يطلع يحتل الكنيسة .

و زي ما وضحت .. الكنيسة كانت أحد أكبر القوي السياسية في أوروبا بالكامل .

فبالتالي .. حفلة يوم الخميس الجاية ميعادها قرّب .. و مافيش فلوس نجيب رقّاصات .. ولا نشتري تانج حتي و نبلّه عصير للضيوف ..

نعمل إيه ؟!

جيوفاني ( إبن لورينزو الجامد زوحليقة ) .. شد نفس عميق .. و بص للي حواليه .. و قال لهم :

هو مش أنا بابا ياض ؟!

قالوا له : بابا و أجدع بابا كمان .

قال لهم : بس .. و بما إني بابا .. و مافيش بابا غيري .. يبقي أنا اللي أحدد مين يدخل الجنة و مين مايدخلش .. صح ؟!

قالوا له : تمام سيادتك .. إنت أعلي سلطة دينية فعلاً .. و ماحدش حيقدر يعارضك ..

خصووووووووووووووووووووووووووووووصاً .. إن الإنجيل غااااااااااااااالي أوي ( لأنه بيتكتب ب خط الإيد ) .. و ماحدش بيقراه .. و ماحدش أساساً بيعرف يقرا .

فبالتالي .. لو إنت قلت ( قال الإنجيل ) .. إذن كل الناس حتقول ( آآآآآمين ) .

قال لهم : آآآآآمين .. أنا بقي حنغنغكم ..

إزاي ؟!

و راح جايب ورقة .. و كتب عليها :

( بإسم البابا .. دي ورقة .. تمنها بعد الخصم و عشان البلاك فرايداي .. 299 جنيه فلورنسي بس .. لفترة محدودة .. تشتريها .. تضمن لك مكان في الجنة )

أو ما يٌسمّي ب :

صك الغفران .

و بسرعة إنتشار النار في الهشيم ..

إنتشرت صكوك الغفران في أوروبا ..

صك .. تشتريه .. و بعدين تروح تعمل كل الموبقات اللي ممكن أى حد يتخيلها أو مايتخيلهاش ..

و لو أى حد قال لك أثناء ما إنت بتسرقه أو ت **إحم** ه ( إتقي ربّك يا جدع ) ..

ترد عليه إنت بكل ورع و تقوي :

أتقي ربّي ؟! .. إنت عارف أنا دافع كام في ده ؟! ( و تروح مطلع له صك الغفران من .. إحم .. جيبك ) .

يقوم اللي إنت بتسرقه .. أو ت*إحم*ه ..عينيه تدمّع .. و يقول لك ( أم التقوي يا جدع ) .

أخبار كل ده ... ضمن حاجات تانية كتييييييييييييييييييييييييييييييير ..

كانت بتوصل ل :

مارتن لوثر .. ( لسة فاكره من أول البوست ؟! )

مارتن لوثر .. يسمع الأخبار دي .. و يفتح الإنجيل .. يدور علي أى صفحة مكتوب فيها إن بابا الكنيسة الكاثوليكية له حق إنه يعمل كده .. مايلاقيش !!

يسأل اللي جنبه مثلاً .. هل الإنجيل اللي معاه مقطوع منه صفحات ؟! .. نزل له أبديت مثلاً و هو لسّه ماحملهوش ؟!!!

يكتشف إن لا ..

ف يتنرفذ مارتن لوثر .. و يقول :

طالما الهري ده كله مش موجود في الإنجيل ... بل إن الإنجيل نفسه بيقول إن عكس كل الفساد و الهري ده كله هو اللي المفروض يحصل ..

أمال الناس قابلة و ساكتة و ماحدش راضي يفتح بٌقّه ليه ؟!!!!!!!!

و بما إن البوست ده طوّل كالمعتاد .. و الناس بتكسّل كالمعتاد ..

يبقي في البوست اللي جاي إن شاء الله .. نكمّل ..

مارتن لوثر بيقرر يعمل إيه ..

و الله أعلم .

** الصورة اللي علي اللمين ل ( pope leo x )

تمّ القيد 12

ردود إسلام في التعليقات

ما كتبه إسلام تحت هذا المنشور، مع التعليق الذي ردّ عليه.

  1. آيـــة مُحمد 3 تفاعل

    أنت عارف لو تسجل اللي بتكتبه شريحة كبيرة من الناس هتهتم و تسمع خاصة إن أسلوبك شيق ف لو اتحط عليه تغير نبرة الصوت مع المفاجأة أو خفت الصوت مع حاجة تستدعي كدا، دا أسهل بكتير من القراية يعني أنا أوقات أقرأ النص و منين ما تظهر صفحتك تاني أدور على النص اللي باقي، لإن شكلها في الكتابة طويل لكن لما تتسمع مش هتاخد ثواني

    إسلام أسامه الجويلي 3 تفاعل

    آيـــة مُحمد 1- ده طلب متكرر فعلاً 😅 .. و فعلاً حاولت و بحاول إني أحوّل بوستات كتير ل محتوي ( فيديو ) .. و لكن : للأسف أنا مش دائماً بيبقي عندي الوقت الكافي لعمل ده بشكل أرتضيه ..

    الكتابة بالنسبة ليا نشاط ساهل .. و البوست اللي زي ده مثلاً باكتبه سريعاً في 10 دقائق و بعدين أكمّل باقي تفاصيل يومي اللي في المعتاد مش بتسيب ليا أكتر من 10 دقايق فاضيين 🥹 .

    2- الكتابة و القراءة نفسهم بالنسبة ليا ( أمتع فأحيان كتير جداً من المحتوي المرئي ) ..

    أنا من الجيل العجوز اللي كان و ما زال بيستمتع بقراءة روايات سريعة زي ( رجل المستحيل و ملف المستقبل .. و ما وراء الطبيعة مثلاً ) في طفولته .. لدرجة إننا مانقدرش إطلاقاً نستمتع بنفس الدرجة بأى محاولة لتحويل الأعمال دي لمسلسلات أو فيديوهات أو أفلام .

    فبالتالي .. أى محاولة برضو إني أحوّل حاجة مكتوبة ( حتي لو أنا اللي كاتبها ) .. لفيديو .. ده معناه بالنسبة ليا بذل مجهود زيادة .. لإنتاج حاجة ممتعة بشكل أقل 🥹 .

    3- تناول المحتوي المكتوب نفسه ( في وجهة نظري ) بيسمح ب قدرة أعلي علي الإستفادة منه ( ك فهم ) و ليس ك ( إستمتاع فقط ) .

    يعني .. كل ما كان تناول المحتوي أبطأ .. ده بيسمح بإن الإنسان يسأل نفسه أكتر .. عقله ( يتلمّظ ) المعاني مدة أطول .

    لكن حالياً (و في عصر التيكتوك ) .. في تٌخمة في المعلومات .. و أنيميا في الفهم ... لأن الناس (آسف في اللفظ .. بتظلط المعلومات 😅 ) .

    4- و كل ما سبق مش معناه إطلاقاً إني بالغي الفكرة أو إني مش حاسعي لتطبيقها .. إطلاقاً ..

    و لكن .. متي توافر الوقت الكافي و القٌدرة الكافية إن شاء الله .. غالباً حيكون في سلسلة فيديوهات كاملة بال :

    حلمنتيشي 😅 .

    و الله أعلم .

    Ahmed Ashraf Nabhan

    Eslam Osama El-Gwaily القراءة ممتعة بكثير .. استمر يا هندسة 🥰🌹🌹

    Reman Alsherbeny

    آيـــة مُحمد دا تطبيل اقسم بلله

من تعليقات القرّاء

88 تعليقاً على فيسبوك، كما تظهر هناك للعامة.

  1. Abdelhamid Mohamed 18 تفاعل

    اكتب عادي .. كلامك كويس .. ومعلومات قيّمة .. بس سيبك من الكوميديا او الاستظراف بمعني اصح ..

    Reman Alsherbeny

    Abdelhamid Mohamed والله لسه كاتبه له كدا وقلت اقرا التعليقات اشوف الناس رايها ايه مكملتش اول سطرين للاسف

  2. محمد أبوجبل 7 تفاعل

    لو شرحت عادي منغير ما تحاول تستظرف هيبقي احسن بكتير بحاول يكون نقدي بناء بس بجد الاستظراف بيقفلني من اني اكمل قرايه برغم ان افكارك حلوة جدا

  3. DaLia MahmOud 6 تفاعل

    الحاجه الأغرب من صك الغفران أن سردك الحلمنتيشى مهما طوول بكمله ودى معجزه🙃

    أ.الشيماء إبراهيم همام 1 تفاعل

    DaLia MahmOud كلنا هذا الشخص

  4. DrMarwa Alashmoney 6 تفاعل

    أسلوب الكتابة مرهق جداً للي بيقرأه . من البداية مهتمة اعرف نهاية البوست واستخلص امتى صلاح كان ممكن يرجع وكنت متقبلة الانتقال بين المواقف والازمنة لكن تعبت من زحمة الافيهات والكلام اللي ممكن يتقال واحنا بنتكلم لكن ميتكتبش مش هيتقرء بنفس الحماسة اللي بيتسمع بيها

  5. Walid Khalifah 4 تفاعل

    نصيحه. اختصر. وقلل كوميديا. تكون البوست افضل

كل التعليقات المحفوظة (88)
  1. DaLia MahmOud 6 تفاعل

    الحاجه الأغرب من صك الغفران أن سردك الحلمنتيشى مهما طوول بكمله ودى معجزه🙃

    أ.الشيماء إبراهيم همام 1 تفاعل

    DaLia MahmOud كلنا هذا الشخص

  2. آيـــة مُحمد 3 تفاعل

    أنت عارف لو تسجل اللي بتكتبه شريحة كبيرة من الناس هتهتم و تسمع خاصة إن أسلوبك شيق ف لو اتحط عليه تغير نبرة الصوت مع المفاجأة أو خفت الصوت مع حاجة تستدعي كدا، دا أسهل بكتير من القراية يعني أنا أوقات أقرأ النص و منين ما تظهر صفحتك تاني أدور على النص اللي باقي، لإن شكلها في الكتابة طويل لكن لما تتسمع مش هتاخد ثواني

    إسلام أسامه الجويلي 3 تفاعل

    آيـــة مُحمد 1- ده طلب متكرر فعلاً 😅 .. و فعلاً حاولت و بحاول إني أحوّل بوستات كتير ل محتوي ( فيديو ) .. و لكن : للأسف أنا مش دائماً بيبقي عندي الوقت الكافي لعمل ده بشكل أرتضيه ..

    الكتابة بالنسبة ليا نشاط ساهل .. و البوست اللي زي ده مثلاً باكتبه سريعاً في 10 دقائق و بعدين أكمّل باقي تفاصيل يومي اللي في المعتاد مش بتسيب ليا أكتر من 10 دقايق فاضيين 🥹 .

    2- الكتابة و القراءة نفسهم بالنسبة ليا ( أمتع فأحيان كتير جداً من المحتوي المرئي ) ..

    أنا من الجيل العجوز اللي كان و ما زال بيستمتع بقراءة روايات سريعة زي ( رجل المستحيل و ملف المستقبل .. و ما وراء الطبيعة مثلاً ) في طفولته .. لدرجة إننا مانقدرش إطلاقاً نستمتع بنفس الدرجة بأى محاولة لتحويل الأعمال دي لمسلسلات أو فيديوهات أو أفلام .

    فبالتالي .. أى محاولة برضو إني أحوّل حاجة مكتوبة ( حتي لو أنا اللي كاتبها ) .. لفيديو .. ده معناه بالنسبة ليا بذل مجهود زيادة .. لإنتاج حاجة ممتعة بشكل أقل 🥹 .

    3- تناول المحتوي المكتوب نفسه ( في وجهة نظري ) بيسمح ب قدرة أعلي علي الإستفادة منه ( ك فهم ) و ليس ك ( إستمتاع فقط ) .

    يعني .. كل ما كان تناول المحتوي أبطأ .. ده بيسمح بإن الإنسان يسأل نفسه أكتر .. عقله ( يتلمّظ ) المعاني مدة أطول .

    لكن حالياً (و في عصر التيكتوك ) .. في تٌخمة في المعلومات .. و أنيميا في الفهم ... لأن الناس (آسف في اللفظ .. بتظلط المعلومات 😅 ) .

    4- و كل ما سبق مش معناه إطلاقاً إني بالغي الفكرة أو إني مش حاسعي لتطبيقها .. إطلاقاً ..

    و لكن .. متي توافر الوقت الكافي و القٌدرة الكافية إن شاء الله .. غالباً حيكون في سلسلة فيديوهات كاملة بال :

    حلمنتيشي 😅 .

    و الله أعلم .

    Ahmed Ashraf Nabhan

    Eslam Osama El-Gwaily القراءة ممتعة بكثير .. استمر يا هندسة 🥰🌹🌹

    Reman Alsherbeny

    آيـــة مُحمد دا تطبيل اقسم بلله

  3. Mahmoud AbdelHamed Khalil

    Butterfly Effect

  4. Nill

    لا احنا بنحب البوستات الطويلة ملكش دعوة 😂

  5. Hossam Mohammed 2 تفاعل

    ايه البوست القصير ده، ما تكمل يا عم الحاج 😂

    Reman Alsherbeny 1 تفاعل

    Hossam Mohammed اراهنك انك مقراتش اصلا

    Hossam Mohammed

    Reman Alsherbeny هقولك انتي صح واريح دماغي 😂

    Reman Alsherbeny

    Hossam Mohammed انت ارخم من للي كاتب البوست

    Hossam Mohammed

    Reman Alsherbeny

    مرفق مع التعليق: صورة

  6. شهد علي 1 تفاعل

    تعرف في مكان بجنوب العراق اسمه الاهوار يعني بيوت مبنية على. الماء بطريقة قديمة صارلهم قرون تاجر من التجار انتبه التجارة وقفت ؟ سأل ليش الناس مشتري حتى أكل ولا لبس ؟ في شخص غريب ادعى انه من اهل البيت و أخبرهم انه يقدر يبيعلهم مكان بالجنة ... لكن بذكاء التجار أعلن انه اشترى الجنة و و سوف يوزعها مجانا للناس😁

  7. Mai Bassiouny

    كمل بليز 😂

  8. د. أحمد تركي

    يُتبع 😁

  9. أسماء أحمد عبدالله

    انا توهت ليه

  10. Fadia Sharara

    كمل

  11. Ahmad Sayed 3 تفاعل

    طيب انا معرفتش ايه لازمة محمد فراج

  12. Soso Soso 3 تفاعل

    اتفه منشور بشوفه بحياتي ... ومن تفاهته ما كملت ربعه ... كله تخبيص

    مرفق مع التعليق: صورة

  13. Abdelhamid Mohamed 18 تفاعل

    اكتب عادي .. كلامك كويس .. ومعلومات قيّمة .. بس سيبك من الكوميديا او الاستظراف بمعني اصح ..

    Reman Alsherbeny

    Abdelhamid Mohamed والله لسه كاتبه له كدا وقلت اقرا التعليقات اشوف الناس رايها ايه مكملتش اول سطرين للاسف

  14. Tam Venomfx 1 تفاعل

    هو الة الزمن ليه مبترجعش ١٤٥٠ سنة فى شبه الجزيرة العربية؟!!

    Ehsan Ibrahim 1 تفاعل

    Tam Venomfx محدش يقول للغولة عينك حمرا .. ودول بيعرفوا يقروا عربى .. عايزة قدر كبير من الشجاعة

  15. محمد أبوجبل 7 تفاعل

    لو شرحت عادي منغير ما تحاول تستظرف هيبقي احسن بكتير بحاول يكون نقدي بناء بس بجد الاستظراف بيقفلني من اني اكمل قرايه برغم ان افكارك حلوة جدا

  16. Magda Galal

    طب ماتعملنا فيديو بنفس ذات الحلمنتيشية

  17. Nesma Sharrouv

    ليه الفصلان بقي دلوقتي 😅 ما تكمل

  18. Bachtoula Hadjer

    مرفق مع التعليق: صورة

  19. حامد الغريب

    تعرف إن الواحد سئل نفسه السؤال دا فعلاً لو الواحد يقدر يرجع بالزمن يرجع لإمتى ويعمل ايه عشان يصلح الي باظ بس كل ما نرجع لنقطة معينة نكتشف أن في حاجات برضه قبلها كانت عايزة تتصلح لحد ما الواحد وصل لنقطة البداية خالص من ساعة ما جينا الدنيا دي اصلا 🤦🏻😂😂

  20. Lena Moustafa 3 تفاعل

    البوست طويل اوي بجد صعب حد يكمله جبت الطاقه دي منين

  21. Dina Elnagar 1 تفاعل

    لأ انا هاعمل save للبوست واقراه بكرة ع رواقة عشان انا عايزة أنام دلوقتي والموضوع شدني 😂

  22. Nadia Y Fahham

    حدا يعملي تاغ ع البوست التاني بس ينزل 🫠👀

  23. Nada Salah El-Din 2 تفاعل

    طب دلوقتي ايه علاقة عصور اوروبا الوسطي بصلاح وام شيماء عشان دماغي لفت🙄

    أ.الشيماء إبراهيم همام 1 تفاعل

    Nada Salah El-Din أعتقد لما يكمل ،الحكمة والرابط بينهم هيظهر،اتقلي تخدي حكمة حلوة😹.

    Nada Salah El-Din

    أ.الشيماء إبراهيم همام حاضر 🤦‍♀️

    أ.الشيماء إبراهيم همام

    Nada Salah El-Din يحضر لك الخير يا طيبة🤍🌷💘

  24. Ahmed Morsy

    خد بالك يا إسلام البابا داه هو للي يوسف بك وهبي عمل عليه مسرحية وفيلم كرسي الاعتراف

  25. Neama Essam

    الحمد لله على نعمة الاسلام

  26. Ma Ňdolin HB 1 تفاعل

    استحاله اقرا. كل ده بس عاوزه حاجهينفع نرجع لاحداث سنه 2014 از 2011 او اي 2000 ومنلبسش اللبسه السوده دي

  27. Heba Wageh

    سؤال محورى

  28. Tamer Moustafa Shalaby

    Follow

  29. Rasha Mohamed Adiel

    رائع

  30. Ahmed Hafez

    ماتعمله فيديو وصباح الفل

  31. Ahmed Moustafa 3 تفاعل

    نصيحه ما تكتبش تاني. محدش ممكن يقرأ كل ده

  32. Wafaa G Elnagory

    كل دة بوست

  33. Nelly Zafer 3 تفاعل

    اقسم بالله ما فهمت حاجة... ايه جاب القلعة للبحر؟

    Hope Dent

    Nelly Zafer قلعت علشان تنزل تسبح في البحر ، بسيطة أهي

    Nelly Zafer

    Hanan Batan فين العلاقة بالمسلسل ؟

  34. علياء عون

    فين الباقي بقى😁

  35. Walid Khalifah 4 تفاعل

    نصيحه. اختصر. وقلل كوميديا. تكون البوست افضل

  36. Mohamed Sameh

    ممل

  37. ĎŕĀmł Féķřÿ 1 تفاعل

    يا عم ركز بقي شوية حرام عليك سحلتنا وراك انت والآلة بتاعتك

  38. مريم الهلالي

    هو بوست يسحل بس حلو .. سرد حلمنتيشى للتاريخ ولا اروع

  39. DrMarwa Alashmoney 6 تفاعل

    أسلوب الكتابة مرهق جداً للي بيقرأه . من البداية مهتمة اعرف نهاية البوست واستخلص امتى صلاح كان ممكن يرجع وكنت متقبلة الانتقال بين المواقف والازمنة لكن تعبت من زحمة الافيهات والكلام اللي ممكن يتقال واحنا بنتكلم لكن ميتكتبش مش هيتقرء بنفس الحماسة اللي بيتسمع بيها

  40. Loen Sammy

    بما انها اول مره اقرر اعمل كومنت ... المنشور اكتر من رائع و شرح لطيف و مبسط لصعود جيوفاني ( سليل الفرسان) للقوة المطلقه و بدايات حرب القوه الدينيه بأوروبا اللي لسا اثرها لحد دلوقتي. و متشوق لمتابعه باقي المنشورات و استمر

  41. Zuzu Chan

    عشان كده الأوروبيين بيكرهوا اي شي عندو علاقة بالدين طبيعي من الحصل لهم

  42. Gehan Bekhet Fikry

    نعم

  43. Ghada Abd Elmohsen 1 تفاعل

    يعنى قرات للاخر عشان معرفش مارتن عمل ايه 😒😒😒 ومين بهجت ياعم انت 😌😌 وصلاح طيب 🙄🙄 انا ايه سحلنى هنا 😒😒

  44. غادة يوسف يوسف

    انا علي انتظار تكمل ايه حصل

  45. Iman Abdel Rahman

    بغض النظر عن الحقائق التاريخية اسلوبك القصصى للسرد حلو كمل

  46. Doaa Wagdy

    لسه حستني كنت عايزه اعرف 😂😂

  47. Asmaa Elkut

    مرفق مع التعليق: صورة

  48. Doaa Kamal Khalil

    انا توهت بس تمام 😅 أول مرة أقراأ لك وإن شاء الله مش آخر مرة 😊 الصورة اللي ع اليمين .. صلاح في لبس الإعدام 🤔

  49. Roro El Hawary

    الملخص ايه بس عشان ماقدرش اقرا كل ده معلش😄😄

    Mariam Youssef

    Roro El Hawary والله وانا لقيتنى عماله اسكرول والمقال مابيخلص قولت ادخل هنا يمكن حد ملخص

  50. Shaymaa Mohammed 1 تفاعل

    مجهودك محترم بجد بس الصوت اسرع للفهم افضل ليك بتوصيل الفكره افيد لينا للتركيز اعمل سلسله بس مسموعه جدا حتفرق

  51. Mona Talaat Abo Halema

    ياعم بقى😂 👊🏻 دانا كنت اندمجت ومصدقت فهمت وجمعت الخيوط تقول بوست تانى 😭

  52. Heba Ahmed

    تخيل قرأت كل ده

  53. Nermin Ahmed

    انطق يابني جبت صورة عمك مرتضي منصور دي ازاى

  54. Eman Muhammad 2 تفاعل

    اسلوبك كويس في السرد بس متخرجش اوي عن السياق انت توهتنا وبعدت اوي بعد كلمة ازاي ؟!!!

  55. Hams Møđê

    لايك عشان ارجع تانى

  56. Mahmoud Mowiena

    كان برصاصه خلص علي حسين ورماه في نفس الحفرة ولا كان حيبقي فيه كل الزيطه دي ..

  57. Om Hamza

    لا انا تهت هو البوست بيتكلم علي ايه ولاهو في ايه

  58. Samaah Zohair

    أمتع بوستات الواحد يقراها😂😂😂😂😂💖

  59. أ.الشيماء إبراهيم همام

    والله ع قدر طوله، امبسطنا فعلا، بانتظار الكمالة.

  60. Amany Rabie

    استفزني بحرف ال (ز) وحاول تقصر البوستات شوية وتقسمها ع كذا بوست لو حابب تكتب كل الكلام وكل بوست يحمل فكرة عشان القارىء البادىء مايتوهش منك

  61. Elsyda Elola

    احسنت

  62. Haytham H. Abbas

    انا كل فهمته من الموضوع أن عندك عربيه سقفها بانوراما و كمان اتكسر ،، ؟؟ اكيد عين متشغلش بالك 🤣🤣

  63. Lilya Chennoufi Rahli

    يخرب بيت رغيك

  64. نور ابراهيم

    يتبع

  65. Rehab Tahir

    إيه كل ده

  66. Semsema Tag Elden

    انا كنت عارفه موضوع صك الغفران دا بس اول مرة ايه سببه .برافو على مجهودك الرائع

  67. Akram Kadous

    انا دماغي لفت

  68. Saria Abdalgader

    اسلوب حلمنتيشي رااائع والله 🤣🤣

  69. Omar Omar

    اناتوهت والله

  70. Elham Abdelbary

    جيوفاني كان ابن جيوفاني اخو لورنزو دي ميديتشي يعني جيوفاني كان ربيب لورنزو مش ابنه

  71. Reman Alsherbeny

    ممكن حضرتك تخف كميه الهزار والقفشات للي ملهاش لزمة ف الكلام حقيقي ممكن تكون بتقول معلومات قيمة بس بتفقد معناها من طول المقال للاسف طويل جداا وكميه هزارك تقفل اي حد انه يقرأه عشان بس مترجعش تسال نفسك هو انا ليه مش بحقق ريتش ادينى قلتلك السر

  72. ليلي شحاته

    مقال نص متر