الدفتر

القيد 13 من 20

قصة مارتين لوثر 9 دقيقة قراءة

سنة 1960 تقريباً .. بتطلع أغنية ( باحلم بيك أنا باحلم بيك ) ل عبد الحليم حافظ ..

الصورة التي نشرها إسلام مع هذا المنشور
3.4 ألفتفاعل 353تعليق 274مشاركة المنشور الأصلي على فيسبوك

سنة 1960 تقريباً .. بتطلع أغنية ( باحلم بيك أنا باحلم بيك ) ل عبد الحليم حافظ .. و بتبقي تريند السوشيال ميديا العالمي و المحلي ..

و بعد 3 سنين بس .. بيطلع راجل طيب أمريكاني أسود البشرة علي المسرح .. و فأحد أشهر الخٌطب في التاريخ بيقول :

( أنا عندي حلم - I have a dream ) ..

و الخطبة بتاعته دي بتفضل عايشة و تريند لحد يومنا هذا ..

صٌدفة 😅 ؟! ..

هل كان يقصد الراجل الطيب ده إنه يقتبس من أغنية عبد الحليم حافظ 🤣؟! ..

هل هو سمع أغنية عبد الحليم و قرر يستغلها في بداية البوست .. إحم .. الخطبة بتاعته عشان يجيب مشاهدات 🤣🤣🤣؟! ..

ماعرفش ..

بس الأكيد .. و اللي مش صٌدفة .. هو إن سبب تسمية الراجل الطيب أسود البشرة ده : ( مارتين لوثر كينج ) ..

هو إن أبوه سمّاه علي إسم ( مارتين لوثر ) الحقيقي اللي إتكلمت عنه في البوست اللي فات .

حاجة كدة زي ( كريستيانو رونالدو .. و رونالدينيهو ) الإتنين إسمهم كده بسبب ( رونالدو الظاهرة ) 🤣 .

و ده يقودنا للتساؤل الأهم :

هو مارتين لوثر الحقيقي ده .. عمل إيه بالظبط ؟!

و الإجابة ببساطة : ( هو إنت المفروض تسأل .. هو ماعملش إيه 🤣؟! .. الراجل ده كل ما أتعلّم أكتر عن نتائج أفعاله .. بقيت مش حاستغرب لو إكتشفت إن مني زكي هي اللي حتمثّل أم كلثوم بسبب أفعاله دي ) .

طب إزاي ؟!

زي ما شرحت في البوست اللي فات .. هو كان شاب عنده 21 سنة بيدرس حقوق في ألمانيا ( أو ما هو معروف بإسم ألمانيا حالياً ) ..

و بعد ما صاعقة برق بتضرب الأرض جنبه .. و يدعي إنه لو نجا و عاش حيروح الدير و يبقي راهب ... و قد كان بالفعل .

بعد كده .. إيه اللي بيحصل ؟!

لو دخلت الجيش .. أو تعرف حد دخل الجيش .. ف أكيد في مرة سمعت جٌملة مشهورة بتقول ( اللي طبّق الميري علي نفسه 100% .. مات 😅 ) .

يعني إيه ؟!

الحياة الميري في الجيش .. عبارة عن كم ضخم جداً من الأوامر و النواهي .. اللي من الصعب جداً .. بل من المستحيل إن أى رٌتبة مهما كانت تطبّقها علي نفسها 100% ..

اللي هو يكون كل لبسك ميري ( حتي هدومك الداخلية ) .. يكون شعرك طول الوقت محلوق ميري .. يكون سريرك ميري .. تكون حتي مشيتك العادية ميري 🤣 ..

و أى عسكري جديد بيكون ( دماغه ترباس ) بيحاول ينفذ كل حاجة 100% ميري زي ما الكتاب بيقول .. بييجي له عسكري قديم و يشرح له الجملة الأثيرة الأسطورية دي ... ( يابني .. اللي طبّق الميري علي نفسه 100% .. مات ) ..

و يشرح له إن الحياة الميري المقصود بيها بشكل أكبر هو :

تعليم الإلتزام .. مش كسر الروح .

( مارتين لوثر ) بقي ... كان من النوعية دي ( اللي عايز يطبّق الميري علي نفسه 100% ) .

شاب في بدايات عشرينياته .. ماعندوش تفاهم 🤣 ..

اللي هو الديانة بتقول إنه لازم يعترف لو عمل حاجة غلط .. صح ؟! .. تمام ..

في الأول مثلاً لازم تفهم إن :

( الإعتراف في الديانة المسيحية الكاثوليكية = Confession ..

اللي هو الإنسان يقعد في كابينة .. و في كابينة جنبه يقعد القسيس .. و بينهم شباك .. و يبتدي بإنه يقول خطاياه ..

ده مش حاجة موجودة من أيام بداية الديانة المسيحية عموماً .. و لكنها تطورت علي مدار 1500 سنة ..

في أول 300 سنة تقريباً .. ماكنش في أى نوع إعتراف ..

بعد كده لمدة 300 سنة تانيين تقريباً .. كان بيبقي إعترافات علنية .. اللي هو تطلع علي المسرح و تقول قٌدام كل الناس ( أنا عملت الذنوب دي 🤣 ) ..

و بعد 300 سنة تانيين .. و بعد ما إتضّح إن موضوع الإعترافات العلنية دي بيجيب مصايب ..

أصبحت الإعترافات ( one to one - لعيب ل لعيب يعني ) .

و بعد 1000 سنة كاملين .. أصبحت ( قانون ) .. اللي هو لو إنت مسيحي كاثوليكي .. لازم تعترف علي الأقل مرة في السنة .

مارتين لوثر ؟! ... كان بيعترف 5 مرّات يومياً تقريباً 🤣🤣🤣

مش لأنه كان ماشي يرتكب ذنوب و موبقات طول الوقت ... لا ..

ده كان بيعترف حاجات زي :

- أنا من 10 دقايق و أنا باصلي .. ماخشعتش بما فيه الكفاية 🥹

- أنا من نص ساعة أٌعجبت ب نفسي إني متواضع أوي 🥹🥹

- أنا و أنا بادعي و باصلّي من ساعة .. سرحت في عصفورة طايرة لمدة ثواني 🥹🥹🥹

و هكذا ..

و كل مرة كان بيعترف .. كان بيحتاج ال (قسيس ) اللي يعترف له يفضّي نفسه .. و يدخل الكابينة .. و يقعد يسمع الكلام ده كله ..

لدرجة إن القسيس اللي كان بيسمع منه الإعترافات دي .. بعد كده بقي بيمشيه .. و قال له حرفياً :

( إرجع لما تبقي تعمل ذنب يستحق إنك تعترف يا جدع ) 🤣

باقي حياة لوثر لمدة سنتين تقريباً في الدير .. كانت جحيم بالنسبة لكل اللي حواليه بنفس الطريقة ..

ماكنش بينام تقريباً ... عشان كل شوية يقوم يدعي و يصلي ..

كان بيصوم من غير ما يفطر لحد ما يفقد الوعي و يفضلوا يفوقوا فيه ..

كان بيعاقب نفسه علي كل خطاياه الفظيعة المٌريعة ( زي إنه يسرح فعصفورة و هو بيصلي 😅 ) ..

فبالتالي .. القسيسين لما شافوه بالمنظر ده .. قالوا له :

( بٌص يا مارتين .. شايف الإنجيل الكبير اللي هناك ده ؟! .. أيون .. اللي مكتوب باللاتيني اللي ماحدش بيقراه ده ؟! .. أيون .. خٌده .. و إتعلّم لاتيني .. و إقراه .. و إبقي تعالي بقي لما تخلّص ) 🤣

و ده لأن الإنجيل زي ما شرحت كان مكتوب باللاتيني .. فقط ..

و ماكنش في أناجيل مٌترجمة ألماني ( هو مارتين اللي حيعمل ده بعد كده بالمناسبة ) ..

و ماكنش كتير أساساً ( حتي من الرٌهبان ) بيقروا الإنجيل أو يعرفوا هو فيه إيه .. و لكن كانوا بيعملوا اللي بيتقال لهم و خلاص .

ف مارتين بيبص لهم .. و يبص للإنجيل .. و يبص لهم .. و يبص للإنجيل .. و يروح واخد بعضه و رايح متعلّم لاتيني .. و راجع قاري الإنجيل .. خلال شهرين تلاتة تقريباً 🤣🤣 .

مارتين لوثر ماكنش غبي إطلاقاً .. أو ماكنش ( عنده توحد ) يعني بالصورة الكاريكاتورية بتاعت الشخصية اللي بتعمل حاجات زي دي ( زي فورست جامب مثلاً ) ..

و لكنه كان ماعندوش ( نص نص ) .. ماكنش بيعمل أى شيء في حياته ( half assed 🤣 ) ..

الراجل ده كان لما بيقرر يعمل حاجة .. بيعملها بالكااااامل ..

ف لما بدأ يتعلم الإنجيل فعلاً .. بدأ يكتشف إن تقريباً أغلب مشاهد الحياة حواليه ( وقتها ) .. كانت ضد اللي الإنجيل بيقوله ..

حتي موضوع الإعتراف ده نفسه .. إكتشف إن الإنجيل مكتوب فيه إنك مش محتاج وسيط بينك و بين الرب إطلاقاً ..

و بما إن في الوقت ده .. دماغ مارتين لوثر أصبحت عبارة عن كتلة أسئلة متحركة ..

و القساوسة اللي معاه في الدير خلاص تعبوا منه .. و صدّعوا ..

قرروا يبعتوه بعثة ل : روما ..

ل معقل الديانة المسيحية الكاثوليكية في الوقت ده ..

ل قلعة البابا ..

و قالوا له : هناك .. حتلاقي كل اللي يجاوبك علي أسئلتك .. بالكااااااااامل .

و بما إن ( مارتين لوثر ) زي ما قلنا .. كان واضح أوي إن عنده عرق صعيدي ..

و مابيعملش حاجة نص نص ..

ف قرر إنه ( يحج ) ل روما 🤣..

الحج ( Pilgrimage ) مفهوم ديني قديم جداً .. و جزء أساسي فيه في معظم الثقافات البشرية .. إنه لازم يكون عبارة عن ( مٌعاناة جسدية ) بالشكل الأول .. و بالتالي .. لو حتروح ( تحج ) ... لازم تروح المشوار ده .. مشي 🤣 .

** بالمناسبة .. في رواية رائعة جداً ل باولو كويلو ( اللي كتب الخيميائي ) .. إسمها ( الحج - the pilgrimage ) قرأتها من 11 سنة تقريباً .. و ما زلت باستخدم بعض أفكارها حتي الآن في حياتي .

المهم .. باشمهندس ( مارتين ) .. بياخد المسافة لحد روما .. مشي 😅 .

1000 كيلومتر تقريباً ..

اللي هو زي المشوار من إسكندرية للقاهرة الزراعي .. رايح جاي .. و بعدين رايح تاني .. علي رجله 🤣🤣 ..

ليه ؟! .. عشان ينقّي نفسه من الذنوب .. و يتطهّر .. و يوصل ل حد روما نضيييييييييف .

و لما بيوصل لحد روما .. مش بيريح بقي ..

مش بيقعد في ماستر شيل أوت يشرب واحد إسبريسو تمنه غالي زيادة عن اللزوم عشان يفوّق ..

لا .. لاااااااااااا ..

ده بيطلع سلالم ال ( سكالا سانكتا - Scala Sancta ) ماشي علي رٌكبه .. زي ما القصص بتقول إن سيدنا عيسي عمل زمان في فلسطين ( جزء من قصة سيدنا عيسي ) ..

و بعد كده .. إمبراطورة مش فاكر إسمها إيه دلوقتي .. إستوردت السلالم دي من فلسطين .. و ركبتها في روما .. عشان تثبّت روما في أذهان العالم ك مركز الديانة المسيحية ..

المهم ..

أثناء ما باشمهندس ( مارتين ) طالع سلالم السكالا سانكتا علي رٌكبه .. بعد مشوار 1000 كيلو مشي علي رجليه ..

و كل ده .. و هو قاعد بيعيط و يتذكر نفس العصفورة اللي سرح فيها و هو بيصلي من كام سنة 🤣🤣 .

بص حواليه ..

شاف بيوت دعارة بيديرها موظفين كنيسة رٌتبهم عالية 🙂

شاف قساوسة ماشيين في الشارع سكرانين 🙂🙂

شاف قساوسة بتقول الخٌطبة ( mass) كإنها ستاند أب كوميدي .. حرفياً بالمناسبة مش مجازياً ..

اللي هو الخطبة كانت عبارة عن تريقة كاملة علي كل ما له علاقة بالديانة المسيحية !!!!!..

و بص فوق ل بلكونة القلعة بتاعت بابا الكنيسة .. لقاه حاطط سجارة فبقه .. و واحدة تانية فوق ودنه .. و شغال ماستر عال ( دي جي ) 🤣🤣 .. و حواليه بنات بترقص سكرانين بياخدوا سيلفي ( فعلاً الرسّامين و النحاتين كانوا قاعدين يرسموا عن الفترة دي بالكامل بالمناسبة 🤣 ) .

و عند اللحظة دي .. مارتين لوثر بيقرر ي ( تمرّد - Protest ) ..

و بيتولد جواه أول ( متمرد - protestant - بروتستانت ) ..

و فنفس اللحظة دي دلوقتي ..

أنا باكتشف إن البوست طوّل جداً ..

و مش حينفع إطلاقاً أبتدي في الجزء اللي جاي ( أهم جزء في حياة مارتين ) دلوقتي ..

الجزء اللي بيتحول فيه ( مارتين لوثر ) لأول : إنفلونسر بيستغل السوشيال ميديا .. في التاريخ 😅 .

و الله أعلم .

تمّ القيد 13

من تعليقات القرّاء

353 تعليقاً على فيسبوك، كما تظهر هناك للعامة.

  1. Dina Abd Elrazik 38 تفاعل

    إنت عندك flight of ideas 😄 كمية معلومات رهيبة في دماغك كل كلمة بتنور معلومة جديدة فتكتبها فاللي بيقرأ تلاقي مخه رايح جاي بين تاريخ قديم وحديث وروماني ويوناني محتاج تفلتر البوست قبل ما تنزله عشان المعلومات الجانبية دي بتشتت القارئ

    Ola Mohamed 2 تفاعل

    Dina Abd Elrazik وممكن يكون قاصد يعمل كدة كطريقة مختلفة فى طرح الأفكار

    Ibrahem Meslma

    Ola Mohamed تقريباً بس عايز يوصل ايه ؟

    مرفق مع التعليق: صورة

    Tarek Osman 1 تفاعل

    Ibrahem Meslma انك تلف حوالين نفسك وتروح تشوف اي قرصين للصداع وتلاقي الوقت اتاكل في شحن فراغ هو دا مربط الفرس اي كلام منمق والنتيجة تتلهي عن حياتك وناسك وتفضل ممقق عينك لحد مل تروح لدكتور يقولك عندك جفاف في عينك تقوم تروح تشتري دوا بالشئ الفلاني وتصرفلك شقلة علي عينك والصداع والضغط من ورا بوست مالوش اي تلاتين لازمة..ببساطة ليه جاب عبد الحليم مع مارتن لوثر ..عشان تعرف قد ايه بيلعبوا بينا دماغيا فتسيب حياتك ومشاكلك وتدور تفكيرك في حلقة مفرغة وبالتالي ادفع فواتير النت والتليفون والحباشتكنات اللي كلها استهلاك واستنزاف وفلوس طايره منك وهو دا اللي النوعية دي من اللجان تبعهم عوزاه.. والطمي يا نشراح علي اللي راح و دمتم

    Esraa Zakzok 1 تفاعل

    Dina Abd Elrazik بالعكس يا ريت يكمل كدا ونسأل وكل سؤال يكتب بوست للإجابة وجهه نظره وطرحه مختلف حتى لو المعلومات قديمة

    ياسين الشيخ 1 تفاعل

    Dina Abd Elrazik فعلا حتى يُكمل الفكرة من المنشور فمثلا في هذا المنشور -بسبب المعلومات الجانبية- لم تكتمل الفكرة و لم نصل للب الموضوع لطول المنشور -باعتراف الكاتب- طب حضرتك مطولو بمعلومات جانبية ليه!

    Morgana Morgan 4 تفاعل

    انا مش شايفه اى معلومات جانبيه انا شايفه تفاصيل بتعمق احداث البوست وبتخلى القارئ يعيش بخياله مع الأحداث حتى وان طال البوست لانه اتحول لحكايه مش مجرد بوست بيقدم معلومه و بس

    Mohanad Elmonofy 3 تفاعل

    Dina Abd Elrazik بالعكس. الأفكار الجانبية دي بتوضح الفكرة الاصليه

    Abeer Hashad 1 تفاعل

    Dina Abd Elrazik بالعكس الطريقه دى تشدك اكتر وتخليك بتجرى وانت لتقرأ وراء الاحداث

    Abeer Hashad 1 تفاعل

    ماشاء الله ربنا يزيدك من علمه اجدعن نزل البوست التانى بسرعه لياقة القصه

    Amir Baha

    Dina Abd Elrazik كده ممكن يحدث خلط بين مارتن لوثر مؤسس البروتساتتية ومارتن لوثر كينج المدافع عن حقوق السود وخاصه انك مش حاطط صوره لمارتن مؤسس البروتستانتيه

    Ahmed Rashwan

    Amir Baha ممكن؟ دا جايب حتة من دا على حتة من دا و عامل البوست انا لحد دلوقتي مش فاهم هو يبتكلم على انهي واحد لانه فعليا جايب معلومات عن الاتنين

  2. Mohammad Ali 18 تفاعل

    البوست جميل ومتعوب عليه تسلم إيدك بس طبعا مارتن لوثر اللي فالصورة غير مارتن لوثر صاحب توجه تصحيح الكنيسة الكاثوليكية للتوجه البروتستنتي وإن شاء الله منتظر اللي بعده 😊💪

    Mohammed Fathey Dard 1 تفاعل

    Mohammad Ali حقيقى حقيقى فاجأتني 🤔

    مرفق مع التعليق: صورة

    Mohammad Ali 2 تفاعل

    Mohammed Fathey Dard إنت كمان فاجئتني إنك تفاجئت 😄

    Osman Musmar

    Mohammad Ali ده انت هه اوي🤣

    Hosny Ismail 3 تفاعل

    Mohammad Ali اكيد مارتن لوثر كينج اللي في الصوره هوالناشط السياسي الأمريكي وهو من الشخصيات الأمريكية التي ناضلت ضد التميز العنصري في أمريكا فترة الستينات وقد فاز بجائزة نوبل للسلام ١٩٦٤ وللأسف اغتيل ١٩٦٨

    Abd El-Aziz Shaaban 1 تفاعل

    Mohammad Ali هو قال كده في البوست ان التاني ده اتسمي علي اسم مارتين لوثر اللي بعد كده ابتدي يحكي قصته

  3. طارق كمال 17 تفاعل

    اول مرة أقرالك موضوع تاريخي عجبني ومعلومات قيمة بس حاسس بإستظراف زيادة عن اللزوم إنك بدأت بأغنية لحليم وربطتها بمقولة مارتن لوثر كينج اللي ربطته بباقي القصة التاريخية اللي معرفش إيه علاقتهم بباقي البوست نفس البوست اللي قبل ده ربطت مسلسل وأخدت تقريبا نص البوست وكملت البوست ب جيوفاني ابن الجامد زوحليقة ( تكرارها معجبنيش ) واتمني تقبل نقدي

    مازن اسماعيل. المحامى 1 تفاعل

    طارق كمال كنت عايز اقول كده ... بس بصراحه محرج اسلوب العرض مستفز جدا

    طارق كمال 1 تفاعل

    مازن اسماعيل. المحامى حضرتك هو بيكتب لمتابعين مش رأي شخصي يعني سرد تاريخي لجمهور ف المتابع عنده حرية النقد إلا لو هو مش حابب النقد ويكتب ف بداية كل بوست ممنوع النقد وهنا مش بهاجمه أنا أعجبت بالبوستين اللي قريتهم ليه بس مقدرتش اتخطي نص البوست الاولاني اللي ملهوش علاقة بباقي بالبوست

  4. Ghada El Remely 16 تفاعل

    تقريبا كان عنده كمالية عصبية ولو كان كمل على كده كان OCD واللي حصله ده طلع الثائر اللي جواه.. وفي الدين الاسلامي عندنا كره للغلاة ليه بقى لأن أقصى اليمين هو في ذاته هو أقصى اليسار علشان كده خير الأمور الوسط . ولأن قد تنظر إلى الأمور إلى أنها خطية وهي في الحقيقة دائرية .. البحث عن المتشدد حتلاقي ده كله ماسك الانفلات شديد وعلشان كده برده لا رهبنة في الاسلام علشان كل ما حتروح أقصى اليمين حتلاقي نفسك في أقصى اليسار .. علم النفس والفيزياء بيقولوا كده .. زي كده butter fly effect .. نظرية فيزيائية ولكن طبقت في الاجتماع .. وده تقريبا اللي حتلاقيه هنا. . اللي هو مجرد مشهد شافاه راهب قد يؤدي إلى حركة كبيرة ومذهب ديني

  5. Aya Abdelmenem 12 تفاعل

    هو تبسيط الكلام جميل لكن أما الريت بيزيد بيعمل فصلان في القراية، كمان دخلة البوست اللي بتحاول تعمل ربط غير منطقي عشان يكون كاتشي مبتكملش مظبوطة يعني بتفُك فجأة مبتوصلش للنقطة اللي بعدها فبتفصل بردو

    Ibrahem Meslma

    Aya Abdelmenem دا دخل من عبدالحليم واغنيته مارتن لوثر كينج للكاثوليكية ... للبروتوستنت

    Tarek Salama 1 تفاعل

    Aya Abdelmenem أظن ربط الموضوع بالمقدمه لسه ما جاااش يعني هو بدأ بالخطبه اللي هي عندي حلم ...لما يوصل بقي في السرد التاريخي لهذه الخطبه حنعرف سر الربط بين المقدمه و الموضوع

كل التعليقات المحفوظة (343)
  1. Hossam Mohammed

    اللي بعده ♥️😂😂

  2. Döàã Ãbď Êĺ Hãďî

    مرفق مع التعليق: صورة

  3. نعمة الله عيسى

    مرفق مع التعليق: صورة

  4. Khaled Abouzaid

    روعة.. في انتظار الجزء التالي

  5. هبه الله ابوزيد 3 تفاعل

    مستنيه الي بعده

    مرفق مع التعليق: صورة

  6. Osama ElMansy 1 تفاعل

    ابعت

  7. Kamal Hamdy Abdel Fattah

    يلا بينا اللي بعده

  8. هبه الله سيد

    Waiting

  9. شهد علي

    كوبرنيكوس الدين

    Ibrahem Meslma

    شهد علي يعنى ايه ؟

    مرفق مع التعليق: صورة

  10. Zuzu Chan

    ياريت تكتب مقال عن فروست جامب

  11. Nour Ali Alamodi 2 تفاعل

    مقالاتك تفتح النفس على القراءة والله منتظرين التكملة..

  12. Zakaria Bouabi 11 تفاعل

    هو السرد خطير مفيش كلام.. بس تريقة لأ.. لو فكرت كده كويس بغض النظر عن دينه مارتن ده كان واخد مسألة مراقبة الله بشكل جدي و دي حاجة مش ينفع أبدا نتريق عليها.. عصفورة ولا مش عصفورة.. عيب 😉... البوسط رهيب عفكرة 🙏🏻

  13. Mohamed G Nassar

    جامد

  14. Mary Halem

    اب

  15. هشام محمد متولي

    اشتريت

  16. Fatmaa Mahmoud

    كمل

  17. محمود شيبه

    اين الباقي يا اخي

  18. Mohammad Ali 18 تفاعل

    البوست جميل ومتعوب عليه تسلم إيدك بس طبعا مارتن لوثر اللي فالصورة غير مارتن لوثر صاحب توجه تصحيح الكنيسة الكاثوليكية للتوجه البروتستنتي وإن شاء الله منتظر اللي بعده 😊💪

    Mohammed Fathey Dard 1 تفاعل

    Mohammad Ali حقيقى حقيقى فاجأتني 🤔

    مرفق مع التعليق: صورة

    Mohammad Ali 2 تفاعل

    Mohammed Fathey Dard إنت كمان فاجئتني إنك تفاجئت 😄

    Osman Musmar

    Mohammad Ali ده انت هه اوي🤣

    Hosny Ismail 3 تفاعل

    Mohammad Ali اكيد مارتن لوثر كينج اللي في الصوره هوالناشط السياسي الأمريكي وهو من الشخصيات الأمريكية التي ناضلت ضد التميز العنصري في أمريكا فترة الستينات وقد فاز بجائزة نوبل للسلام ١٩٦٤ وللأسف اغتيل ١٩٦٨

    Abd El-Aziz Shaaban 1 تفاعل

    Mohammad Ali هو قال كده في البوست ان التاني ده اتسمي علي اسم مارتين لوثر اللي بعد كده ابتدي يحكي قصته

  19. Halim Esmail

    فين الباقي

  20. عبير ابوالعلا 2 تفاعل

    Mohamed Ramadan

    انا حاسس وأنا بقرأ البوست ان اللي كاتبه الفنان سامي مغاوري ف اعلان جبنة أفانتي🙄

  21. Fady El Gendy 2 تفاعل

    Eslam Osama El-Gwaily ممكن المراجع بعد اذنك؟ لانه واضح أنه فيه هبد صريح؟

  22. منارحسين عبدالوهاب

    تم

  23. منارحسين عبدالوهاب

    تم

  24. منارحسين عبدالوهاب

    تم

  25. Dina Abdallah

    مرفق مع التعليق: صورة

  26. Karma Stark

    جميييل

  27. Aya Abdelmenem 12 تفاعل

    هو تبسيط الكلام جميل لكن أما الريت بيزيد بيعمل فصلان في القراية، كمان دخلة البوست اللي بتحاول تعمل ربط غير منطقي عشان يكون كاتشي مبتكملش مظبوطة يعني بتفُك فجأة مبتوصلش للنقطة اللي بعدها فبتفصل بردو

    Ibrahem Meslma

    Aya Abdelmenem دا دخل من عبدالحليم واغنيته مارتن لوثر كينج للكاثوليكية ... للبروتوستنت

    Tarek Salama 1 تفاعل

    Aya Abdelmenem أظن ربط الموضوع بالمقدمه لسه ما جاااش يعني هو بدأ بالخطبه اللي هي عندي حلم ...لما يوصل بقي في السرد التاريخي لهذه الخطبه حنعرف سر الربط بين المقدمه و الموضوع

  28. Dina Abd Elrazik 38 تفاعل

    إنت عندك flight of ideas 😄 كمية معلومات رهيبة في دماغك كل كلمة بتنور معلومة جديدة فتكتبها فاللي بيقرأ تلاقي مخه رايح جاي بين تاريخ قديم وحديث وروماني ويوناني محتاج تفلتر البوست قبل ما تنزله عشان المعلومات الجانبية دي بتشتت القارئ

    Ola Mohamed 2 تفاعل

    Dina Abd Elrazik وممكن يكون قاصد يعمل كدة كطريقة مختلفة فى طرح الأفكار

    Ibrahem Meslma

    Ola Mohamed تقريباً بس عايز يوصل ايه ؟

    مرفق مع التعليق: صورة

    Tarek Osman 1 تفاعل

    Ibrahem Meslma انك تلف حوالين نفسك وتروح تشوف اي قرصين للصداع وتلاقي الوقت اتاكل في شحن فراغ هو دا مربط الفرس اي كلام منمق والنتيجة تتلهي عن حياتك وناسك وتفضل ممقق عينك لحد مل تروح لدكتور يقولك عندك جفاف في عينك تقوم تروح تشتري دوا بالشئ الفلاني وتصرفلك شقلة علي عينك والصداع والضغط من ورا بوست مالوش اي تلاتين لازمة..ببساطة ليه جاب عبد الحليم مع مارتن لوثر ..عشان تعرف قد ايه بيلعبوا بينا دماغيا فتسيب حياتك ومشاكلك وتدور تفكيرك في حلقة مفرغة وبالتالي ادفع فواتير النت والتليفون والحباشتكنات اللي كلها استهلاك واستنزاف وفلوس طايره منك وهو دا اللي النوعية دي من اللجان تبعهم عوزاه.. والطمي يا نشراح علي اللي راح و دمتم

    Esraa Zakzok 1 تفاعل

    Dina Abd Elrazik بالعكس يا ريت يكمل كدا ونسأل وكل سؤال يكتب بوست للإجابة وجهه نظره وطرحه مختلف حتى لو المعلومات قديمة

    ياسين الشيخ 1 تفاعل

    Dina Abd Elrazik فعلا حتى يُكمل الفكرة من المنشور فمثلا في هذا المنشور -بسبب المعلومات الجانبية- لم تكتمل الفكرة و لم نصل للب الموضوع لطول المنشور -باعتراف الكاتب- طب حضرتك مطولو بمعلومات جانبية ليه!

    Morgana Morgan 4 تفاعل

    انا مش شايفه اى معلومات جانبيه انا شايفه تفاصيل بتعمق احداث البوست وبتخلى القارئ يعيش بخياله مع الأحداث حتى وان طال البوست لانه اتحول لحكايه مش مجرد بوست بيقدم معلومه و بس

    Mohanad Elmonofy 3 تفاعل

    Dina Abd Elrazik بالعكس. الأفكار الجانبية دي بتوضح الفكرة الاصليه

    Abeer Hashad 1 تفاعل

    Dina Abd Elrazik بالعكس الطريقه دى تشدك اكتر وتخليك بتجرى وانت لتقرأ وراء الاحداث

    Abeer Hashad 1 تفاعل

    ماشاء الله ربنا يزيدك من علمه اجدعن نزل البوست التانى بسرعه لياقة القصه

    Amir Baha

    Dina Abd Elrazik كده ممكن يحدث خلط بين مارتن لوثر مؤسس البروتساتتية ومارتن لوثر كينج المدافع عن حقوق السود وخاصه انك مش حاطط صوره لمارتن مؤسس البروتستانتيه

    Ahmed Rashwan

    Amir Baha ممكن؟ دا جايب حتة من دا على حتة من دا و عامل البوست انا لحد دلوقتي مش فاهم هو يبتكلم على انهي واحد لانه فعليا جايب معلومات عن الاتنين

  29. Ramy R Mhasp

    تمام

  30. عمك لوكا

    يكسر ايدك

    Ibrahem Meslma

    عمك لوكا ليه كده ؟

    Ghada Dawod

    عمك لوكا ده مدح والا ذم

  31. صبري سلام 1 تفاعل

    ما شاءالله. ماشاءالله. ماشاءالله كلام وأسلوب جميل جدا ممتع. كنت أقرأ رجل المستحيل زمان وانسى الدنيا حوليا الان بحس منشوراتك ممتعة أكثر خصوصا انها محتوى تاريخي مهم. شكرا ليك

  32. Amany Saleh

    جميل جدا

  33. Amal Elemary

    رائع

  34. محمود جمعة

    عايز ال بعده وخائف انسى البوست

  35. Hany Abdallah 2 تفاعل

    غير الهبد ...البوست طويل جداااا وتشتيت بلا فائدة

  36. على منسى منسى

    روعه

    مرفق مع التعليق: صورة

  37. آيه الساعي

    ...

  38. موفق ابو علي

    معلومات متداخله تشوش الذهن ذكرتني بفيلم ل جون ترافولتا

  39. م.محمد القطب

    متابع

  40. Elsayed El Louta

    انت لخبطت اللاواثر على بعضها يابرنس

    Ibrahem Meslma 1 تفاعل

    Elsayed El Louta دخل مارتن لوثر كينغ فى كيلفن فى مارتن لوثر فى عبدالحكيم حافظ

  41. Ibrahim Helaly

    ابو شكلك

  42. Ashraf Maslouh Mohammed

    مرفق مع التعليق: صورة

  43. Radwa Shirazy 2 تفاعل

    أوحش حاجة في البوست انه خلص كمل بجد تحفة

  44. Ibrahem Meslma

    الكاثوليك والارثوذكس بيلعنوا فيك وكمان البروتوسطنت ما تحترم عقائد الناس وسيبهم فى حالهم يا اخى . اتقى الله

  45. تامر الحلوس

    ياعم انت مدخل 100 موضوع في بعض وبتضحك كل شويه على ايه مش فاهم

  46. طارق كمال 17 تفاعل

    اول مرة أقرالك موضوع تاريخي عجبني ومعلومات قيمة بس حاسس بإستظراف زيادة عن اللزوم إنك بدأت بأغنية لحليم وربطتها بمقولة مارتن لوثر كينج اللي ربطته بباقي القصة التاريخية اللي معرفش إيه علاقتهم بباقي البوست نفس البوست اللي قبل ده ربطت مسلسل وأخدت تقريبا نص البوست وكملت البوست ب جيوفاني ابن الجامد زوحليقة ( تكرارها معجبنيش ) واتمني تقبل نقدي

    مازن اسماعيل. المحامى 1 تفاعل

    طارق كمال كنت عايز اقول كده ... بس بصراحه محرج اسلوب العرض مستفز جدا

    طارق كمال 1 تفاعل

    مازن اسماعيل. المحامى حضرتك هو بيكتب لمتابعين مش رأي شخصي يعني سرد تاريخي لجمهور ف المتابع عنده حرية النقد إلا لو هو مش حابب النقد ويكتب ف بداية كل بوست ممنوع النقد وهنا مش بهاجمه أنا أعجبت بالبوستين اللي قريتهم ليه بس مقدرتش اتخطي نص البوست الاولاني اللي ملهوش علاقة بباقي بالبوست

  47. Mohamed Abd-Elrashid

    انت ممل بصراحة

  48. Abd El Rahman Atef

    اعملى منشن على الجزء التانى

  49. Ňỗ Ğã

    إلى بعده

  50. Salwa Mohammed

    م

  51. Layali Qaiss 3 تفاعل

    انت عبقري

  52. محمد اشرف 1 تفاعل

    مارتن لوثر الاصلي الذى ترجم الانجيل للالمانية وبدأ المذهب اليروتستاتنتي كان المانيا ولا صلة له بصورة مارتن لوثر كينج الامريكي الموجودة بالبوست والذى كان داعية وزعيم في تجمع الامريكيين السود.

  53. Eman Ali Ali

    رهيب

  54. Kyrillos MetRy

    الف مبروك تستحق جايزة اكبر كمية هبد في بوست واحد ما شاء الله...

  55. Wael Ali Hassan Aboayana 2 تفاعل

    لوثر كينج الالمانى غير مارتن لوثر كينج الامريكى ال سيادتك حاطط صورته

  56. Samir Awad 1 تفاعل

    بغض النظر عن اسلوبك اللى فيه سخريه سمجه تدل على جهلك . معظم المعلومات الوارده عن الاعتراف وعن مارتن لوثر غلط .

  57. Ghada El Remely 16 تفاعل

    تقريبا كان عنده كمالية عصبية ولو كان كمل على كده كان OCD واللي حصله ده طلع الثائر اللي جواه.. وفي الدين الاسلامي عندنا كره للغلاة ليه بقى لأن أقصى اليمين هو في ذاته هو أقصى اليسار علشان كده خير الأمور الوسط . ولأن قد تنظر إلى الأمور إلى أنها خطية وهي في الحقيقة دائرية .. البحث عن المتشدد حتلاقي ده كله ماسك الانفلات شديد وعلشان كده برده لا رهبنة في الاسلام علشان كل ما حتروح أقصى اليمين حتلاقي نفسك في أقصى اليسار .. علم النفس والفيزياء بيقولوا كده .. زي كده butter fly effect .. نظرية فيزيائية ولكن طبقت في الاجتماع .. وده تقريبا اللي حتلاقيه هنا. . اللي هو مجرد مشهد شافاه راهب قد يؤدي إلى حركة كبيرة ومذهب ديني

  58. عمر أبو رضوى 1 تفاعل

    مرفق مع التعليق: صورة

  59. Designermoh Arts 1 تفاعل

    اسلوبك حلو وممتع ، وبعيد جدا عن الملل ،

  60. رجائى المنياوي

    انت كنت متعاطى ايه وقت كتابة البوست ده

  61. بهاء محمد حربي

    ا

  62. Hamdy Eisa

    مرفق مع التعليق: صورة

  63. Khaled Salem

    طريقه حضرتك في السرد ممتعه ربنا يوفقك

  64. الشحات غنيم

    بوست ممتع

  65. عمر عبدالفتاح

    مرفق مع التعليق: صورة

  66. Hisham Kasem

    مرفق مع التعليق: صورة

  67. Israa Ayoub

    كمل وبعدين شو صار 🥰 الأسلوب ممتع جدا

    Tony Mamdouh Aioub

    Israa Ayoub وبعدين الاستلذ الراوي صحي من النوم وكان مش متغطي مويس من تحت وواخد برد علشان كده كانت الهرتله عنده عاليه

  68. Abdo Alshora

    فين باقي المعلومة

  69. Ahmed Emad Sho

    فين الجزء التاني

  70. فيصل بن حمد

    كونتونيو الله يبارك إلك

  71. Hussein ElGammal

    جميل

  72. الاستاذ هانى فتحى جمعه

    ينفع كده. تتخلى عننا فى وسط الطريق؟؟

  73. Ahmed Abdel Shaffy

    اناا استفدت ايه لما قريت عن ابو مارتن بتاعك ده غير انها قصه ومش لذيذة اكتب كلام كش تافه نضيع بيه وقت لو سمحت

  74. Mühammet Abdülhamit

    مارتن لوثر كينج إلي فالصورة ده أكبر نصاب أساسا

  75. محبه الرحمن

    تم

  76. Fathy Saber Abdelhalim 3 تفاعل

    اولا كريستيانو رونالدو مش متسمى تيمنا برونالدو الظاهرة كريستيانو مواليد 85 يعنى قبل ما رونالدو يلعب كورة انت بتهبد اى كلام

    Maged R. El Masry 1 تفاعل

    Fathy Saber Abdelhalim هبدة مزدوجة عابرة للقارات.. كريستيانو رونالدو اتسمي تيمنا برونالد ريجين وده هو اللي قاله بنفسه أما رونالدينيو فكان بيلعب في نفس جيل الظاهرة فإزاي اتسمي علي اسمه

  77. Marie Michel

    كم معلومات مغلوطة غير طبيعي

  78. Ola Obyd

    يعني ايه متكملش دا اتسحلت في القصة

  79. Abdelrahman Badrel-din

    أحييك ثقافة عالية جدا

  80. HA M DY 1 تفاعل

    واللي خلق الخلق انت بتألف الكلام ده من دماغك 😂

  81. Ephraim M. Taky

    الاسلوب عبقري!

  82. Reema Alashram

    تحفة

  83. حسن وائل

    مالها أغنية عبدالحليم بقا ها. مالها

  84. Namaat Maher Fayd 2 تفاعل

    تمام

  85. Maged Ali

    انا فصلت من الهررت الكتير والتشتيت مع اللي بتحكيه، الهري بتاع الصحاب على القهوة، مينفعش يبقى بوست مكتوب، الكتابة لها اصول.

  86. Mona ElTanahy

    تم

  87. Zizo Elshrkawy

    مرفق مع التعليق: صورة

  88. Shymaa Mohamed

    متابعه

  89. يحى سعد الدين

    تم

  90. Awatef Abdelmoaty

    عايزين الجزء التانى بسرعه

  91. Ramy Kamal

    البوست طويل فعلا من الالش اللى بين كل جمله وجمله .. البوست حلو بس لو تبطل الش وخروج بره الموضوع لانه بيفصل اللى بيقرأ

  92. Tareq Tahboub 5 تفاعل

    مارتن لوثر كينج كان أكبر داعر في البلد احضر فيلم Selma

    ياسين ويحيي

    دي حملة تشويه مش حقيقي

  93. Omar Ahmed

    اى هبد وخلاص

  94. NobLe AzZayat

    كريستيانو رونالدو متسمي على اسم رونالد ريجان رئيس امريكا ، انسف بقى كل اللي بنيته على المعلومة الغلط اللي انت كاتبها دي . وراجع كل التسلسل المعمول ده

  95. غفران سيد فودة

    مرفق مع التعليق: صورة

  96. Boshra Arbad

    مشوق ،، و سرد جميل.

  97. Mahmoud Abd El Bary

    مقال جميل وأسلوب رائع .. بس كان الاسهل وانت بتوصف المسافة من المانيا لروما تقول من اسوان للإسكندرية هى الف كيلو بالضبط .. لاننا تعبت من مشوار القاهرة اسكندرية رايح جاى رايح ولقيت نفسى فى اسكندرية مش عارف ارجع 😁😁

  98. Nehad Nabil

    مرفق مع التعليق: صورة

  99. Fawzi Alfi El Ghanami

    كمل فى انتظارك

  100. محمد على فرج

    كمل

  101. Mohamed Abood 4 تفاعل

    ممكن تتكلم كمان عن عظماء التاريخ الاسلامي عندنا تاريخ نتكلم عنه سنين

  102. رانيا شعبان 1 تفاعل

    مجهود مشكور ينم عن ثقافة واسعة

  103. أشرقت الشمس

    وبعدين

  104. كرمه كوكي

    تم

  105. Ibrahim Ramadan

    انت توهتنى

  106. Amr Abn Fared

    فين باقي الموضوع

  107. Majida Alfar

    معلومات قيمه وبعدين ايه الي حصل....

  108. نور راجى رحمته

    استاذنا الفاضل ...اهدى شويه على نفسك شعره بين الجنون والعبقريه ( شعره )

  109. ابو عمر الشاهينى

    اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد

  110. ابو يوسف المارشال 1 تفاعل

    هرتلة

  111. George Medhat 2 تفاعل

    كميه معلومات مغلوطة كتير جدا مش كل إلى انت كاتبه صح

    Tony Mamdouh Aioub 1 تفاعل

    George Medhat اهو هلفته وعاجبه ناس متعطشه للغلط والتاليف الباطل

    Mohammed Hegazy

    George Medhat استاذنك تصحح المعلومات الغلط في بوست منفصل وتحطه هنا كتعليق يكون افيدلنا جميعا وشكرا لحضرتك

    George Medhat

    Mohammed Hegazy من باب الزكر وليس الحصر للمعلومات المغلوطة بتاعه حضرتك ازاى رجل دين ينهيك عن الزنا و العهر و فعل الرزيله و بيحسك عن اتباع تعليم الله يكون بيدير بيت ضعاره

    Victor Oph

    George Medhat ايون فين المعلومه برضه . ده راي مش معلومه

  112. أبو چني

    هو عبد الحليم حافظ رسم انا بحلم بيك ليه

  113. Ayman Roushdy

    مين مع مين

  114. Mooro Mohamed

    ايه كل ده...اعمل فيديو اتكلم فيه احسن🫣

  115. Hamdy Khalifa

    مش دا .. مش دا القس مارتن لوثر .. مش هو مارتن لوثر بتاع ثوره العبيد

  116. أبو حمدي

    كلام فارغ وكذب ناتج من خيال انسان مريض

  117. Mostafa Hassan

    محتوى مفيد بأسلوب سردي مشوق لا تنقص منه العامية المختلطة بحس الدعابة وإن كان يحتاج لذكر المصادر

  118. Mina Milad

    كميه معلومات مغلوطة كتير👌 بس طريقتك جميلة بصراحة

  119. Elham Hussien

    هتكمل امتى

  120. Ahmed SooS

    الاغنية طلعت تريند سوشيال ميديا سنة 1960 ؟ يعنى سوشيال ميديا وتريند و1960 فى جملة واحدة 🙂🙂

  121. ام عبدالرحمن عبدالله

    مرفق مع التعليق: صورة

  122. Abeer Mohamed

    تم

  123. Ahmed Samy

    يعني الطاقة دي كلها متتحولش للإسلام

  124. بحب الاغاني تاني

    امتى باقى القصه دى من فضلك

  125. شيفو شيفو

    رائع يا بشمهندس

  126. Ayman Fares

    سبحان اللة بقيتوا علامة في اللي يخصكوا واللي ميخصكوش هري هري هري هو احنا كدا عالم تاللللللت

  127. Mahmoud Abdelrhman

    مؤيد لاسىرايل

    مرفق مع التعليق: صورة

  128. Abrahim Adel

    هما فين اخواتنا حد شاف حد منهم ولا مستخبيين

  129. Rasha Alaa

    .

  130. Ikram Maghraby

    ياريت نشوف الباقي

  131. Aboda HA

    كلامك ممل جدا في عك في السرد جامد وحشوني ملوش لازمه واديني اديتك تعليق مجانا

  132. أبو عبدالله أحمد عادل 1 تفاعل

    لأن تحريف الإنجيل جعل النصرانية دينا لا يقبله عقل

  133. May Abd El Aziz

    حلو اوى

  134. Amaal Mhmoud

    أحسنت

  135. ياسمين سليمان

    ابقى كمل عشان نعرف البقاقى ملحوظة الطريقة حلوة

  136. Mohamed Malek

    انت ملخبط بين شخصين مختلفين

  137. مس ايمان القديم

    تم

  138. د.أماني عبد المنعم الصياد

    كان لازم توضح انك بتتكلم عن شخصيتين مختلفتين تماما ، مش نفهم كده من التعليقات!

  139. Ahmed Elbaz

    تم

  140. Sherry De Jenerro

    Continue please your way is awesome

  141. Abdelhalim Behairy

    جميل

  142. Hassnin M Enab

    ماذا اقول واى شئ اقول بعد كل ما قيل حضرتك طلعتنا جبال ونزلتنا وديان ودخلنا كهوف ومنتجعات وفى الاخر ايه وجه الربط بين الأحداث والشخصيات دى كلها حقيقى مش عارف؟ لكن كل دا مع احترامى الكامل لحضرتك لكميه المعلومات التراثية اللى فى المقال

  143. انور الجميعي

    منتظرين

  144. Hesham Mohammed Refai

    مقال راءيع .. استمر انت موهوب فعلا

  145. كيميائي محمد حسن منصور 1 تفاعل

    والله انا تهت منك وما فهمت حاجه وزهقت اني اكمل بس الحاجه الوحيده اللي اقولها لك ان رونالدينيو ما تسماش على اسم رونالدو الظاهره لسبب بسيط ان هو كان زميل لرونالدو صحيح اصغر منه بس مش اصغر لدرجه انه تسمى على اسمه دول لعبوا مع بعض في كاس العالم 2002

    Om Sief 1 تفاعل

    كيميائي محمد حسن منصور انا قرأت شويه وزهقت زيك 😂

  146. ليلى نوران

    علشان كده البروتستانت أعقل وأقرب للصح من الأرثوذكس ،ولو إنهم على باطل كلهم،

    Karim N. Naguib

    ليلى نوران ايه هو الباطل ؟

    ليلى نوران

    Karim ElMashreki طيب، هو المثيرالسؤال عن قرب البروتستانت من الفطرة الطبيعية للإنسان لا السؤال عن الباطل الجامع مابينهم،ومعرفش حضرتك بتسأل لتعرف أو للسخرية(وهذا الأقرب) ،فالباطل بكل بساطة و دون لفلفة كتير هو عبادة المسيح نفسه وجعله شريكا مع اثنين آخرين،مع إنه لايوجد نص صريح وواضح لعبادة المسيح عليه السلام في كتبكم. ملحوظة.. لست هاوية، أنا الحمدلله متخصصة في مقارنة الأديان من أيام البالتوك

    Karim N. Naguib

    ليلى نوران ماهو المشكلة في جعله شريك مع اثنين اخرين .. ببساطة ده ايمان المسيحين بالثالوث.. حضرتك كأخت مسلمة غير مضطرة انك تؤمني بكده.. لكن عدم ايمانك مايدكيش الحكم بالباطل على ايمان غيرك… والسؤال مش للسخرية.. أنا مسيحي انجيلي مش فاهم لا يوجد نص واضح لعبادة المسيح حضرتك تقصدي بيها ايه ؟ تقصدي هو كان بيعبد مين ؟ ارجو التوضيح

    ليلى نوران

    Karim ElMashreki كويس إن حضرتك ذكرت بنفسك كلمة شريك مش أنا (إنه من يشرك بالله فقد حرم الله عليه الجنة ومأواه النار وماللظالمين من أنصار). طبعا الآية دي تلزمني أنا ولا عليك منها لأنها من القرآن. ما يلزمك أن تبحث عن دليل واحد من انجيلك يقر بعبادة الثالوث. أهلا بك

    Karim N. Naguib

    ليلى نوران على فكره .. حضرتك اللي ذكرتي كلمة شريكا في تعليقك الاول وانا بنيت ردي عليكي .. الجزئية اللي حضرتك مش قادرة توصليلها وما عليك بها ايضا لانها ايمان مسيحي هي اننا مش بنعبد ٣ .. هو واحد متحد.. ابحثي اكتر

  147. د.حنان الخليجي

    أنا قريت ده كله ازاي 😅ومنتظره الباقي

  148. طلعت بن حسن القيسي

    محاوله مش بطاله لجلب متابعين

  149. Mohamed Sobhy

    انا بصراحه مش عارف ايه المقصود من البوست كله والله اعلم

  150. Islam Abdulaziz Alnagar 1 تفاعل

    اغنية بحلم بيك طلعت ١٩٦٠ تريند في السوشيال ميديا وقتها. ممكن بس تقولنا ايه نوع السوشيال ميديا سنة ١٩٦٠.

  151. So Hier

    اسلوب سخيف في السرد

  152. الحور العين

    م

  153. Safouh Al-zaim

    فكرة الأعتراف طلعت من القساوسة حتى يطلعوا على أسرار و اخطاء رعاياهم ..... طبعأ و يتحولوا لأدوات مطيعة لهم و يتم الإبتزاز ......

  154. Saber Mohamed Gewelly

    جميل جدا يا سعادة الجويلي....سعدت بقراءة ما كتبت

  155. Mohamed Abdelmegid

    بصراحة سرد جميل

  156. ايمن الصواف

    رغى رغى رغى وملللللللللل!!!!!!!!😬

  157. محمود يوسف

    دا أنت فاقد يا جدع

    مرفق مع التعليق: صورة

  158. Sahar Fathy

    لو اى حد قرأ كل ده ف شابوه ليه بجد 👏🏻👏🏻👏🏻

  159. عمرو مناع

    المهم فى الآخر اسلم؟

  160. عمرو مناع 1 تفاعل

    فى وسط السطور عجبنى حته جامده قوى وياريت الاخوه المسيحيين ياخدوا بالهم منها. صوم مارتن كان عباره عن انقطاع الاكل والشرب زى صوم المسلمين صح ولا أنا فهمت غلط...؟ لكن للاسف حتى الصوم اتحرف هو كمان

  161. إيمان محمود

    متابعة

  162. منال فوزي

    هو أول من ترجم الإنجيل من اللاتينية إلي الألمانية ومنها تم ترجمته إلي جميع اللغات وطارده وحاربوه لولا أمير ساكسونيا أمن بي أفكاره وقعد عنده الفترة دي هي اللي ترجم الانجيل

  163. ابو عمرو خالد

    فين باقي القصه

  164. Amr El Attar

    وله مقوله لا اعلم مدي صحتها عن صكوك الغفران (انا اشتريت النار ولم يعد أحد يدخلها )

  165. محمد عبده

    ياسطى انا حبيت اقرئ الكلام الفارغ ده علشان دماغى فيها كمية مارتن كتير فحبيت اقرئ علشان افصل ويبقى عملتها رسترت

  166. Elden Alaa

    ينفع كدا طب وبعدين

  167. Walid Elhalwany 1 تفاعل

    يا ريت لما تكتب عن حاجة تاريخية أو واقعية وانت متفهمش حاجة لا في الرهبنة ويعني ايه رهينة تكون جايب المراجع اللي انت مقتبس منها ولا كل ده يبقي تهريج واسفاف يعني أنا مينفعش اعمل كده مثلا

    مرفق مع التعليق: صورة

  168. Medhat Mahros Kalil

    منتظر الباقي بس انا دوخت من كميه اامعلومات

  169. محمد كريم الدين

    ايه وجع الدماغ ده كله دش ف دش بلا قرف

  170. أمل يس الامين

    طريقه سرد لقصه ممتع

  171. Salah Fathy

    كمل من فضلك

  172. طارق هِندَاوى

    تم

  173. Karim N. Naguib

    لو مش هتعرف تتكلم عن الاصلاح وتاريخه ورفضه لصكوك الغفران وما شابه .. ماتدخلش في الموضوع لان الكلام بحساب

  174. Gege Samy

    تم

  175. Khaled Hammad

    منتظر البقيه

  176. عبدالرحمن سامي

    شكلك من فريق عمل الدحيح ، او متأثر بطريقته في التقديم

  177. عبدالرحمن سامي

    البوست اللي خلاني اتابعك

  178. Sameh Ramzy

    1. حضرتك كاتب بسخريه ملهاش اى لازمه 2. حضرتك تجهل تاريخ و تجهل كل المعلومات عن الرهبنه و لا عن الرهبان و علمهم و تجهل الحياه الاجتماعيه و عوائدها و للاسف بتصيغ الهرى ده كأنه حقيقيه فى شكل حكايه تعجب العوام

  179. أشرف المحمدي

    مش عارف والله ااقولك ايه احييك ولا ،،،،،،

  180. شكرى السعيد

    تم

  181. Alaa El Ebiary

    أسلوب سردي لطيف، يشد الانتباه و يقوم بتوصيل المضمون بسلاسة. براڤو بجد، في انتظار باقي الحلقات.

  182. عبيد القاضي 1 تفاعل

    كلام هايف

  183. ام محمد يوسف

    لو اسلم حسن اسلامه

  184. Habiba Gomaa 1 تفاعل

    طريقه متعبه جدا ايه السخريه دى عك يعك عك

  185. Yaso Jnidi

    انت خطير

  186. Nagllaa Hassan

    والله انا توهت منك وبعدين بقي

  187. محمد علي

    متابع

  188. Amna Sara Sameh

    🤨

  189. Yasmin Hany

    هل في جزء تاني بجد ؟؟؟؟؟؟

  190. نايف البخيتي

    اسهال ع الفاضي .. اقصد اسهاب ع الفاضي

  191. Youssef Al Sanhory

    وانت بترغي كتير بدون مضمون إيه علاقة اغنية عبدالحليم باللي انت قاعد تلف وتدور عليه ده

  192. Hanan Saleem

    مرفق مع التعليق: صورة

  193. Samia Abu-Elnasr

    كمل الحدوته من غير تعليقات كتير عايزين نتابع الحكايه لو انت عامل كظا علشان تبقي سلسله نتابعها فبلاش اكتب الموضوع كله و قول ان كل مره هنكتب عن حاجه انت هتحضرها ف ناس كتير هتابعك

  194. ناصر ابوالعمد العمدة

    مرفق مع التعليق: صورة

  195. Shaimaa Algharib

    تم

  196. Rouz N ALhemmaly

    ‏نايس

  197. الحجامة شفاء ودواء

    كمل يا سيدي

  198. Qais Al-Ani

    تقرير اكثر من رائع

  199. Mohamed Attia

    بوست ايه يا راجل .. دا يوميات خالتى بمبة حتى المعلومة ضيعتها وسط الرغى و الاستظراف اللى ملوش اخر ... نصيحة سيبك من الكتابة و اشتغل حلاق .. ع الاقل هتكسب كويس 😂😂

  200. Mervat Sdeek

    .

  201. Abdelshafie Mesafer

    تمام

  202. Ahmed Rashwan 1 تفاعل

    انت ما شاء الله عليك دخلت Martin Luther اللي اسس المذهب البروتستانتي في ألمانيا في سنة ١٥١٧ تقريبا وضربته في الخلاط مع Martin Luther King Jr. اللي كان عايش في امريكا في ١٩٦٠ و عملتلنا البوست دا 😂😂😂

  203. Mohamed Ahmed

    انت هجاص وبطنك فاضيه

  204. جميله جميله هشام 1 تفاعل

    تمام

  205. محمد عيسى 1 تفاعل

    سؤال بريء هل كان في سوشيل ميديا 1960 وهل تعرف كم المسافة من القاهرة الإسكندرية رايح جاي وبعدين رايح تاني

  206. Sherif Hassan Elwan

    👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏......تسلم إيدك على المجهود والتعب والسرد السيط والجندميل للأحظاث مع تاتش كوميديا...برافو عليك. منتظر الجزء الثانى بسرعة.

  207. Helpice George 1 تفاعل

    بوست مليان تريقه واستظراف وكمان معلومات مغلوطة

  208. Mervat Ghanem

    ٢سشص

  209. Tarek Salama

    الحمد لله على نعمة الاسلام قال النبي صلى الله عليه و سلم لما رأي الرجل الذي نذر الصيام و ألا يستظل قال مروه فاليفطر إن الله غني عن تعذيب هذا لنفسه جلد الذات مش عندنا عندنا التوبه الي الله لو عايز تتعذب و تجلد ذاتك خش النار عايز رحمة ربنا تب إليه و هو يرحمك سبحانه من عذاب الدنيا و الاخره ما فعله هذا جريمه في حق نفسه يحاسب عليها طه ما أنزلنا عليك الفرآن لتشقي

  210. Tarek Salama

    اظن مارتن لوثر دا بتاع كتاب الأمير

  211. Sayed Abdulfatah

    هل كان هناك سوشيال ميديا سنة ١٩٦٠؟!!!!!!!!!!!!!!!!!!!!!!

  212. Abo Bahr

    البوست دا تحس انه عايز يقولك بص العصفورة

  213. نور الشمس

    ماعلاقة جملة باحلم بيك بجملة انا عندي حلم الاؤلى بتتكلم عن حبيب بيحلم يتلاقى بحبيبه والثانية بتتكلم عن واحد عنده حلم ويسعى لتحقيق في الحياة 🤔🙃

  214. Mouhamed Salme

    تبا لك مفهمتش حاجة

  215. أحمد دراج

    انا متأكد بأنه لم يكن سامع باسم عبد الحليم

  216. محمد عبدالهادي 8 تفاعل

    هبد منظم من إنسان مثقف يعلم جيدا قيمة البطريق الجليدي في إنتظام دوران الأرض حول نهر النيل هو ده بالظبط اللي قاله رمسيس الثاني في إفتتاح المتحف المصري الكبير

  217. Samer Ahmad

    لم يقلل من استمتاعي بالسرد إلا الصورة الموجودة بين مارتين ،و عبد الحليم .. مين ده ؟؟!! 🤔😳

  218. Nagwa Hassan

    جزاك الله خيرا

  219. Youssf Al Asawe

    انا مش مصدق ازاي انا مش متبعك القصة دي احسن من اي رواية

  220. Madonna Youssef

    دخلت علشان اقرأ عن مارتن لكثر كينج ، لقيت البوست دا. استمر اكيد كينج مكنش بيسمع عبد الحليم علشان هو كان رجل دين 😀

  221. Kamal El Nakkady

    حلوة

  222. Hany El Emam 1 تفاعل

    بص هو انت بصراحه اسلوبك حلو فى الكتابه وعندك معلومات قيمه وبتعرف تستخدمها وتمحورها لحديثك ودا جميل جدا لدرجه ان مش من طبعى اقرء بوست اصلا بس انت عملت زى شيكابالا عندنا بيعمل كل حاجه فى الكوره ولعيب محترف عندو موهبه بس مبيجبش اجوان انا مفهمتش انت عاوز ايه من البوست عاوز توصلنى لنتيجه ايه

  223. Edmon Gad

    يعني عامل زي السلفي المسلم دلوقتي

  224. Mohamed H Abdelwahab

    انا بمل ومش بقرأ بوست طوله معدي الشاشه عندي قرأت ده محستش ب اي ملل وعايز الجزء التاني دلوقتي 😂😂😂

  225. Samer Murad

    أنا مفهمتش من البوست اي حاجة مدخل كل المواضيع فى بعضها

  226. سلوي إمام

    ولأن البوست مش ممل انا عايزه الجزء الثاني فورا

  227. Mathew Abdelmalek

    احلى فشر خخخخ وخاتمها بالله اعلم كل اللى انت كاتبه يامعلم تدليس بمعنى كلمة تدليس ولا تعرف حاجة عن المسيحية بتفتى وخلاص فاكر الناس مش فاهمة ثم بتتكلم عن مارتن لوثر ولا مارتن لوثر كينج خخخح واللى بتقوله فى لغبطة ولا عارف تفرق بين مارتن لوثر ومارثن لوثر كينج وجايبلى فى الخلفية الحاج صبري فواز فى فيلم كلمنى شكرا خخخح وعبدالحليم ولا ليهم علاقة دعاية fake ثم لما تحب تحتاج تتكلم عن المسيحية او اى حاجة لا تفقه فيها إما تقرأ عنها او برضوا تقرأ عنها خخحح وفى الاخر بتختم بالله اعلم دليل تدليسك خخخخ

  228. Sabir Brinis

    البوست طويل فعلا لكن و حط سطر تحت لكن الموضوع شيق جدا و طريقة القائك جميلة جدا متخليش الواحد يحس بطول الموضوع و عن نفسي اتمنيت انو البوست ما خلصش

  229. علي مر الزمان

    حلو كمل

  230. Toka El Nadeem

    البوست بيخلص ليه🙂🙂 فين الباقي؟؟

  231. Sahar Mahmoud

    رائع ربنا يحفظك

  232. Ragaee Taha

    تم

  233. امينه محمد سعد

    كمممممممممممممممملللللللللللل

  234. ايمان رضا

    تم

  235. Hakou Sellaimia

    ممتاز لكن ماعلاقة الصورة بما هو مكتوب ؟

  236. Rashad Fekry

    ابسط دليل لجهل حضرتك ان المسافه بين القاهره والاسكندريه الزراعي ١٠٠٠ كيلومتر. خيال وهبد كل مقالك فعلا . وكثر يقرأوا دون تفكير

  237. Alyaa Emad

    فين الباقى عايزين باقى الحكاية

  238. Remas Meso

    جميل

  239. Fatma Raaft

    م

  240. Ossama Abdulkhalek

    م

  241. Samir Kamal 11 تفاعل

    كمسيحي دارس بقول أن البوست ماليااان غلطات بتدل على أن اللي كاتبه مش فاهم فهم حقيقي تفاصيل اللي بيكتب فيه .. بس الاهم أنه بيحكي الحدوته غلط اصلاااا بيحكيها من منظور واحد مش فاهم زي كده ما واحد مسيحي يحاول يكتب كتاب يشرح فيه فقه اسلامي فا المسيحيين يقروه ويقولوله "الله عليك يا استاذ" بس يجي واحد مسلم يقراء فا يقول "ايه الهبل ده" 🙂

    Marina Zareef 2 تفاعل

    Samir Kamal طيب ما تكتب تفنيد كامل البوست بتاعه بمراجع و اعتقد صاحب البوست لو سيرتها معاه و في كومنت كمان مش حيرفض خصوصا أنه فعلا هو في مبالغات كتيره في كلامه و معموله بصيغه دراميه لشد الناس اولا هوعمره ما خلص حقوق ..كان طالب حقوق و ساب كليته هو اساسا بيعرف لاتيني مش اتعلمه شهرين الفساد صحيح كان في أوربا وقتها مالي الكنيسه ولكن مش بالوصف الهو زكره لان دا وصف مش موجود في أي مرجع بالاسلوب دا عمره ما كان الاعتراف في العلن كدا قدام الناس وحاجات تانيه اكتر اكيد حضرتك تقدر تفندها افضل مني

    Samir Kamal

    Marina Zareef كنت زمان بحاول استخدم الفيسبوك عشان افيد الناس على قد ماقدر لكني اكتشفت اني بضر نفسي .. فا اخدت قرار من زمان مادخلش حوارات على النت خصوصا مع الناس اللي ماعرفهمش معرفه شخصيه مع كامل احترامي للجميع

    Marina Zareef

    Samir Kamal كلامك مش منطقي ..لانك دخلت وقريت ورديت

    Samir Kamal

    Marina Zareef علقت لان إعجاب الناس بالبوست في التعليقات استفذني 🙂

  242. Bushra Metawea

    تم

  243. ليالي الشتا

    فين الباقي؟ ؟

  244. Rouaa Hatem 1 تفاعل

    طريقه كلامك وانت بتخش من الموضوع للتاني بتفكرني بنفسى وانا بحكي في حاجه ممكن اكون بحكي موضوع عادي جدا وبعد كده ادخل في موضوع ثاني علمي عشان اثبت وجهه نظري في الموضوع التافه بعد كده نخش في التاريخ هو مين اول من صنع القباب و الموضوع بيخلص على ال IQ بتاع الدلفين كام في الاخر🙂

  245. Ahmed Elsharawy

    ياعم بتعمل فيا كدا ليه الشيخ عرابي انت مجتش سيرته لما بقيت حاسس ان انا الوحيد اللي شايفه وعمال بيضحكلي

  246. Abanob Andraws

    بسم الله ماشاء الله عليك عندك كمية هبد رهيبة بصراحة

  247. Hosny Esmael

    كمل واتمنى لك التوفيق

  248. Mohammed Abd El'kader

    هو كان في سوشيال ميدياا وتريندات ف 1960 🙄

  249. إسلام آمين

    بوست

  250. Nabil Coolnab

    سنة 1960 فيها ترند في السوشيل ميديا!!!!! ماشاءالله رهيب

  251. محمد ضيف الله

    تم

  252. Mohammed Dali

    ومن هنا بدات البرونسانتية شكرا على المعلومة

  253. Ahmedabdelazeem Zidane

    هو فيه حد قرأ كل الكلام ده والله حاجه عجيبه

  254. عبدالوهاب قاصد المصطفي

    ربنا يبارك فيكي وفي عمرك أستمر

  255. إبراهيم يوسف

    انت خليتني مخي يلف ي جدع

  256. Boogy Moody

    ايه ياعم الرغي ده. متلخص

  257. Eman Helal

    تم

  258. محمد صلاح ابوجبل

    ياسطي انت لتات اوي شبه الجماعه اللي بيقعدو علي المصاطب عرفهم مش هفسر بقي 😂😂😂

  259. Mossa Kper

    يا سلام لو كان اسلوب الاستهزاء ده كان على موضوع إسلامي كان زمانك مش ملاحق على الشتائم و الاتهام بالك.فر .

  260. Mossa Kper 1 تفاعل

    ده غير المغالطات و الاخطاء التاريخية بس على قلوبنا زي العسل طالما في دين آخر

  261. Moheb Pobaa 3 تفاعل

    القصه بصراحه تشد اي قارء ولكن دي تزيف وقصه مغلوطه ولو تقدر تجيب المصادر اكون شاكر لحضرتك بس مينفعش تزيف في الحقائق في التاريخ وناخد من حضرتك الموضوع كانك هيرودت ارجو خليك محايد وحقيقي في سرد الأحداث وشكرا

  262. Dena Mhmoud Mahll

    م

  263. محمد عبد العزيز

    كما

  264. Amolah Tamem

    أنا تهت 😰

  265. Moharram Soliman

    بوست جميل ومستنيين بقيته

  266. Mohammed Fawzy

    تم

  267. Mohamed Sayed Zaki

    بوست جامد جدا و ما طولش و لا حاجة انا عاوز اقول لك كنت بقرا كل سطر متشوق للسطر اللي بعده

  268. مصطفى علي

    تم

  269. الله المستعان

    انا أول مرة اقرأ لك حاجه مش فاهمه حاجه

  270. Mona Taha

    Tm

  271. Alaa Hassan

    كميه العنصرية والتهيف لمارتن لوثر بتدل على جهلك ومعلوماتك الضحله وفي اخر البوست خلط السم بالعسل وحقيقي انسان عنصري ومريض وكمان عندك عين بعد كميه الجهل دي كلها انك تتكلم

  272. Heba Esam

    👍

  273. Samia Beltagy

    افتكرت الصورة لعبد الناصر فى الاول هههههههههههه

  274. Mostafa Mohamed

    طريقة سرد مريبة المكتوب مليون معلومة الحصيلة صفر معلومة

  275. مخلص إكرام

    كل كلامك غلط والحقيقه غير كده خالص انت بس حاسس بنقص وبتحاول تتفلسف علي الناس وخلاص.. وبتفرح لما يقولولك .. الله دا انت عبقري عاوز شوية مدح مش اكتر بس اللي عاوز الحقيقه يدخل علي جوجل ويبحث

  276. Ibtsam Dawood

    تم

  277. ماجده المحروقى

    مش مارتن لوثر كينج ده الثورى لتحرير الامريكان السود من العبودية

  278. حنا الحاتم

    لك شو هالغزال اللي عم يغرد

  279. زياد شاهين

    بوست مشتت جدا

  280. Sanaa Nasser Raslan

    حضرتك بتتكلم عن مارتن لوثر كينج فعلاً ولا واحد بنفس الإسم كان موجود قبله ، أنا اتلخبط

  281. أبوسيف أبومنصور

    مش هتكلم بس منتظرك

    مرفق مع التعليق: صورة

  282. Maged Elfaizy

    البوست غير سليم وكله اخطاء

  283. تسابيح الرحمان

    لا يكلف الله نفسا إلا وسعها لها ما كسبت وعليها ما أكتسبت ربنا لا تؤاخذنا ان نسينا او أخطأنا اللهم امين 🙏

  284. ام عبدالرحمن

    الجزء الثاني

  285. عبدالرحمن احمد

    إنت رخ م

  286. Om Ahmed EL-sehetry

    اسلوبك سلس ومشجع علي الاسترسال ف القراءه كمل ارجوك

  287. احمد مصطفي 1 تفاعل

    طب و المعلم عرابي بيعمل ايه ف الصورة ايه دخله يعني

  288. ام هدير امين

    تم

  289. Marwa Mohamed

    منتظرة باقي القصة

  290. Mohamed Ramadan

    انا حاسس وانا بقرأ البوست ان اللي كاتبه الفنان سامي مغاوري ف اعلان جبنة أفانتي🙄

  291. مريم زينب هيثم

    لما تحبي تسمعي تاريخ معاصر Zaynab Elyamany Zaynab Haytham

  292. أبو حذيفة اتباع الأثر

    القصة مثيرة لكن الأسلوب واللغة مملة أكتب بلغة القرآن

  293. زهرة البيت

    جميل المنشور

  294. Hatem Ali ElMaayergy

    كلام حضرتك غلط مارتن لوثر كينج مش السطحيه اللي بتوصفها ووقوفه ضد الاستعباد والعنصريه لولاهم كان لسه السود ملهومش حقوق آدميه

  295. Marwa Mohammed

    جميل اووي فين الجزء التاني

  296. Aml Samir 1 تفاعل

    عارف يا استاذ لو كل واحد يبص ويفحص ويمحص فى اللى يخصه هو هيرتاح وهيريح اللى حواليه لكن للأسف كل واحد يفحص ويمحص فى اللى حواليه علشان كده عمره ما هيعرف انه مريض ومرضة مزمن المسيح قال عبارة جميلة اتمنى تكون قريتها ضمن دراستك المستفيضة ( قبل ان تنظر القذى اللى فى عين اخيك اخرج الخشبة اللى فى عينك ) اتمنى تكون فهمت .

  297. أم آلاء وأماني

    ليته عرف الإسلام كان سيجد كل الإجابات ونفسه ترتاح

  298. Hussein Galal

    MARTENE ANT SHARB AZAZA B7LHA

  299. عبداللطيف مصيلحى مصيلحى

    اسلوبك علمى وسهل وشيق انا مستنى الجزء الثانى او الاجزااااء براحتك يا كبير

  300. رحمة البارئ

    ممكن التحقق من المعلومات وسردالقصة بإحترام لإخواتنا المسيحية لأنو واضح انوشخص مثابرومفكرومكافح وعظيم ويستحق الاحترام

  301. قصص الأنبياء

    اخواتي وحبايب قلبي ادعموني بمتابعه صفحتي