فأى موضوع بيحصل و بيبقى موضوع الساعة فى البؤرة دى

فأى موضوع بيحصل و بيبقى موضوع الساعة فى البؤرة دى من البشر .. بتأثر زي الناس بالظبط والله .. و بيطلع فذهنى كم ضخم من الكلام و التعليقات و النكت و … و كل الكلام اللى بتنتجه القريحة المجتمعة للبشر فى البؤرة دى . و كل ما أفكر إنى أكتبه .. أسأل نفسى : 1- هل ده حيفيد أى حد ؟ 2- هل حيأثر بالسلب ولا الإيجاب ؟ 3- ولا كل اللى حيعمله إنه حيخلينى أحس إنى عملت شىء ما .. و أحس بالرضا المؤقت .. و بعدين أكمل حياتى عادى ؟

ههههههههههههههههههههههههه .. فجأة خطر على بالى خاطر رائع و أنا باكتب البوست ده ..

• هات حلة .

• إملاها مية .

• هات 10 أو 20 واحد من إصحابك و كل واحد منكم يمسك معلقة .. و يقلب فحتة فى الحلة .

• النتيجة ؟ .. طرطشة كتير و مافيش أى شىء مفيد حصل ..

• مشى إصحابك

• هات معلقة لوحدك بس

• إبتدى قلب براااااحة فى النص .. و بثبات .

• النتيجة : إستمتع بالدوامة

والله أعلم