*** للى من دمنهور أو إسكندرية بس

*** للى من دمنهور أو إسكندرية بس :

اللى حضر معايا كورسات قبل كده .. أكيد شاف إنى مجنون بفكرة الجوايز و الهدايا .. و إنى أحياناً مابيكونش عندى مشكلة إنى أجيب علبة شوكولاتة جالاكسى كاملة لكل الكورس .. او زى ما فى الصورة ( أحد أروش الهدايا اللى باحب أجيبها فوجهة نظرى .. rubik cube) .. أو إقلام فخمة شوية .. … الموضوع يمكن يرجع لأيام ذكرياتى فى الدروس .. و إزاى إن لما مدرس العربى فتالتة إعدادى (ياسر عبد العاطى - من أدين له بجعلى أحب العربى و النحو ) كان بيحط نص جنيه جديد على ترابيزة الدرس للى يجاوب على سؤال نحو .. بقيت أشجع و أجرأ إنى أحاول أجاوب .. و فرحة النص جنيه دى لحد دلوقتى .. تقريباً بتضاهى فرحة أول مرة خدت فيها 1000 دولار فشغلانة . … و طبعاً بعد كده كانت أقلام إمتحانات الشهر بتاعت ( عادل محمود - عربى ثانوى عام ) .. و هدايا (الدميرى - كيميا ) .. و آخرون . … فبما إن بفضل الله شكلى مستمر فى المحاضرات اللى باعملها بشكل يومى هنا على البروفايل عن ( الفريلانس) .. و داخلين على المحاضرة الخامسة عشر ( خمستاشر - 15) .. النهاردة إن شاء الله . فحابتدى فعمل الشىء اللى إتعودت أعمله فكل كورس .. و هو المسابقات و الجوايز ( و ربنا مايقطعلناش عادة قادر يا كريم ) . … … الجايزة حتكون : … دي في دى ( أو فلاش لو عايز الداتا على فلاش ) .. عليه أى خمس كتب أوديو تختارهم من صورة الكتب الأوديو اللى فى الصورة دى . أى خمسة حتختارهم .. و تبعتلى أساميهم فرسالة على الخاص على الفيس.. حاحطهم على دي في دى … و أتفق معاك عالمكان و أقابلك و أديهم لك . … 1- ليه كتب أوديو ؟ .. عشان دى من أكتر الحاجات اللى ساعدتنى أنجح و أبقى أفضل فى اللى باعمله بفضل الله . 2- ليه 5 بس ؟ .. لسببين .. الأول و هو إنى متأكد إنك لو خدت أكتر و أصبحت الكتب متاحة كلها بالنسبالك .. حتكسل و مش حتفتح واحد فيهم . التانى .. هو إنى مش كل اللى إنت شايفه قدامك ده مجاناً .. أنا في حاجات كتير شاريها .. بفلوس .. كتير .. و إيماناً منى بإن صاحب الكتاب ده ليه حق فى إنه ياخد فلوس عليه .. فهادى ب 5 بس . 3- ليه تختار إنت ال 5 بنفسك ؟ … عشان ده هو كل اللى بافحت نفسى فكل محاضرة و أقوله .. إتعلم تدور بنفسك على اللى إنت عايزه .. . يعنى لو أنا مكانك .. حاعمل سيرش على كل واحد منهم ( أو معظمهم يعنى ) .. و أشوف أكتر واحد يشدنى الكلام عنه .. و أطلبه . … المسابقة إيه ؟ … اللى حيفوز بالجايزة دى .. هو اللى حيبعت ليا تقرير كامل مفصل بإستفاد إيه من المحاضرات لحد دلوقتى .. و الأكشنز اللى خادها و بياخدها بناءاً عليهم .. و أهدافه اللى عايز يحققها و خطته اللى بيحاول ينفذ الأهداف دى بيها . خلال أسبوعين . … أى حد حيبعت ليا التقرير ده (كامل ) .. و ( مفصل ) … حاقابله بنفسى و أديله جايزته إن شاء الله . … … للى مش من دمنهور و إسكندرية .. . نفس الشروط تنطبق عليكم … و لكن الهدية حتصلكم أونلاين كروابط جوجل درايف .. لحين ما يتوفر أى ظرف و أكون فى محافظتك … ممكن نتقابل ساعتها إن شاء الله :) . … تفاصيل المحاضرة ال15 النهاردة إن شاء الله .