اللي علي اللمين دي اللي ماسكة البطاطساية .. إسمها (

اللي علي اللمين دي اللي ماسكة البطاطساية .. إسمها ( ساشا ). اللي علي الشمال دي إسمها ( جابي ) . ( جابي ) بنت بتتدرب في جيش دولة إسمها (مارلي ) . (ساشا ) جاية من جزيرة إسمها ( إلديا ) في مهمة جوة دولة (مارلي ) هدفها عكننة دولة ( مارلي ) . ( ساشا ) بطلة من أبطال المسلسل اللي الجمهور بيحبها من أول حلقة . ( ساشا ) عارفينها .. و عارفين بطولتها .. و عارفين تاريخ معاناتها هي و أهلها .. و بنشجعها و بنحبها . ( جابي ) مجرد بنت لسة صغننة وعيها بيتكون .. كل اللي تعرفه في الحياة هو اللي إتقال لها عن أمجاد و حضارة ( مارلي ) . ( جابي ) أصحابها .. و حياتها .. و كل الواقع بتاعها عبارة عن ( حب مارلي ) . ( ساشا ) في المهمة اللي راحتها جوة دولة ( مارلي ) كانت لابسة طقم جامد الصراحة .. و عملت شوية حركات جامدة الصراحة .. و شوية أكشن جامدين الصراحة … و الجمهور كله كان بيشجع . و قتلت كام واحد من أعز أصحاب ( جابي ) . و الجمهور كله كان بيشجع . ( جابي ) شافت الكلام ده كله .. و حلفت يمين بعظيم لتاخد بتار أصحابها .. ( جابي ) قتلت ( ساشا ) . و الجمهور كله زعل .. و إفتكر حب ( ساشا ) للبطاطس .. و قعد يعيط . و بعدين شوية و بدأ يتعاطف مع ( جابي ) .. و بعدين شوية و نسي أساساً ( ساشا ) .. و نسي ( جابي ) .. و طفوا المسلسل و شغلوا فيلم كوميدي .
… السؤال هو : شفت ( attack on titan ) ؟! . … شخصياً … أنا حالياً في الحلقة 94 في مسلسل تاني إسمه ( black clover ) .