سريعاً أوي عشان لو متلخبط فكل اللي بيحصل

سريعاً أوي عشان لو متلخبط فكل اللي بيحصل : . مافيش جديد في اللي بيحصل ده منذ بدء التاريخ البشري علي الأرض .. الناس دايماً و دائماً و أبداً و طول الوقت عندهم إتجاهين فقط لا غير .. . 1- إتجاه اللي عايز الحياة الدنيا و بيوزن بموازينها فقط .. فبالتالي .. أى نصر ( غير دنيوي ) بالنسبة له هزيمة .. أى مكسب ( غير دنيوي ) بالنسبة له خسارة .. أى ولاء ( غير دنيوي ) بالنسبة له خيانة . . 2- إتجاه اللي عايز الآخرة .. و ربنا هداه و وجه عقله و نفسه و قلبه إن الدنيا و ما فيها و ما عليها ما هي إلا ( لعب و لهو ) . فبالتالي .. أياً كان اللي بيحصل له .. فهو خير .. أى نصر دنيوي فهو نصر .. أى نتيجة مختلفة فهي أسمي مكسب في سبيل الله و شهادة .. أى ولاء دنيوي بالنسبة له لا يعني أى بلح في بتنجان .. و ولاءه فقط لدينه … و أمته ( أهله و ناسه ) هما كل من شهد أن لا إله إلا الله و أن محمد رسول الله منذ سيدنا آدم و حتي قيام الساعة .. و نظرته مش محدودة بالكام سنة الصغننين اللي عايشهم في حارة أو شارع .. . و الناس قلوبها بتتغير بين الإتجاهين طول الوقت .. و ده هو صراع الشيطان الأوحد مع الإنسان في الحياة … إنه يخليه يختار إتجاه معين من الإتنين . . و الله أعلم