حياتي علي الفيسبوك أعتقد شبيهة جداً بحياتي زمااااااااان أيام المدرسة
اللي هو حتلاقيني قاعد بعييييد .. ورا فآخر الفصل .. ماسك السندوتش بتاعي بالكيس .. آكل قطمة و أغطيه بالكيس تاني عشان مايجيش عليه أى تراب أو تفافة أو دم من اللي بيطرطش فأغلب الوقت فأنحاء الفصل 🤣 .
حياتي علي الفيسبوك أعتقد شبيهة جداً بحياتي زمااااااااان أيام المدرسة ( إبتدائي و إعدادي و ثانوي ) .. اللي هو حتلاقيني قاعد بعييييد .. ورا فآخر الفصل .. ماسك السندوتش بتاعي بالكيس .. آكل قطمة و أغطيه بالكيس تاني عشان مايجيش عليه أى تراب أو تفافة أو دم من اللي بيطرطش فأغلب الوقت فأنحاء الفصل 🤣 . . و نادراً … ناااااااادراً جداً .. لو تفاعلت مع أى حاجة الأغلبية بيتكلموا أو عايشين فيها .. . بالظبط كأني باتفرج علي العالم من خلف جدار زجاجي سميييييك جداً . … ده علمني شوية قواعد في الحياة .. أعتقد إن ناس كتير أوي بتنساها فوسط زحمة الفصل و الحياة .. … 1- ماتمشيش ورا أى مجاميع أو أغلبية من البشر .. إطلااااااقاً .. إهرب .. لو لقيت أغلب البشر ماشيين في إتجاه معين .. و بيقولوا كلام معين .. إهرب و إبعد .. و أقف بعيد .. و راقب .. و فكر .. و دور .. . 2- دور علي اللي بدأ الكلام اللي الناس كله ماشيين عليه .. و فكر .. هل الكلام ده يدخل دماغك ؟! .. هل الكلام ده يوافق أفكارك و مبادئك و معتقداتك . . 3- لو آه .. و الكلام دخل دماغك .. إمشي ورا الشخص ده .. إتبع شخص واحد ( أعلم منك , أعقل منك , أذكي منك , أقوي منك , أحكم منك … ) .. لكن ماتمشيش ورا اللي ماشيين وراه .. ماتمشيش ورا اللي بيمجدوه … إمشي وراه إنت بنفسك .. و كأنك إنت لوحدك اللي ماشي وراه . . 4- لو الكلام مادخلش دماغك .. مهما لقيت كل الفصل أو كل المدرسة ماشيين ورا بعض .. سيبهم .. و إمشي بعيد .. و ماتمشيش معاهم .. علي مدار التاريخ بالكااااااااااااامل .. دايماً .. دايماً .. أغلب الناس و أكثرهم علي الخطأ و الجهل . . 5- بنفس المنطق .. علي الفيس حالياً .. أى تريند .. ماتهريش فيه مع الأغلبية .. ماتشيرش .. ماتعلقش .. ماتعملش لايك .. ماتتخانقش .. إبعد .. إتفرج .. راقب .. دور .. فكر . . 6- مافهمتش ؟! .. أو مالقيتش حد يفهمك .. يبقي كأنك ماشفتش .. ماتمشيش ورا المجموعة أبداً مهما حصل .. ليه ؟! لأن المجموعة دايماً بيتبعوا آراء أغباهم و أجهلهم . . 7- النقطة اللي فاتت دي بالمناسبة قاعدة رياضية إحصائية بحتة لا تقبل الخطأ . فأى مجموعة من 100 شخص .. بتخضع في توزيعها للمنحني العياري ( standard deviation model ) .. فبالتالي حتلاقي 10 مثلاً أغبياء جداً و جهلاء جداً .. و 10 عباقرة مثلاً .. . و دايماً .. دااااااااائماً .. الأغبياء الجهلاء صوتهم عالي أوي .. واثقين من نفسهم أوي .. و مابيبطلوش كلام أبداً .. . و دايماً … داااااااائماً .. الأذكياء الحكماء .. مترددين .. بيفكروا ألف مرة قبل ما يتكلموا .. و لما يتكلموا .. صوتهم بيبقي واطي .. و كلامهم بيبقي صعب علي الأغلبية من متوسطي الذكاء إنهم يفهموه .. . يبقي تتخيل الأغلبية حتمشي ورا مين ؟! … … تقدر تطبق كلامي اللي قلته ده علي كل التريندات اللي بتحصل .. و منها طبعاً تريند ( breadfast ) اللي شغال بقاله كام يوم ده .. . و برضو تقدر تفهم من كلامي ده .. أسباب تعاملي مع أغلب التريندات .. و طريقة كلامي عنها و فيها ( ده لو إتكلمت ) . . و الله أعلم .
ملحوظة أخيرة .. علي مدار حياتي بالكامل .. و فأى خناقة أيام المدارس أو حتي بعد ما كبرت في الشارع .. ماكرهتش قد ما كرهت اللي بيسلكوا و يقفوا في النص بين الأطراف اللي بتتخانق .. . بسببهم .. بيضيع كل الحقوق .. و بتكبر الخناقة و تتحول لمعارك ماتعرفش مين فيها غلط و مين صح .. .