إزاي تعمل نص مليار جنيه خلال 10 سنين

و إتأكد إن 15 منهم يكونوا كتب مشهورة أوي ( زي الأب الغني و الأب الفقير , كفاحي ل هتلر , كليلة و دمنة 🤣..) .. مش لازم إطلاقاً تكون كتب لها علاقة ببعض .. و لكن لازم تكون كتب مشهورة ناس كتير سمعوا عنها ..

AR 7 د

إزاي تعمل نص مليار جنيه خلال 10 سنين .. عن الفلوس الكتير أوي في مجال التعليم … و ليه أغلب الحاجات اللي باعملها هنا .. مجانية بالكامل . … 1- إحفظ عناوين 30 كتاب .. ( العناوين بس .. مش محتاج حتي تعرف الكتاب بيتكلم عن إيه ) … و إتأكد إن 15 منهم يكونوا كتب مشهورة أوي ( زي الأب الغني و الأب الفقير , كفاحي ل هتلر , كليلة و دمنة 🤣..) .. مش لازم إطلاقاً تكون كتب لها علاقة ببعض .. و لكن لازم تكون كتب مشهورة ناس كتير سمعوا عنها .. . و 15 عنوان كتاب تانيين .. يكون ماحدش سمع عنهم إطلاقاً .. لكن موجودين فعلاً .. و يُفضل من زمان .. زي ( الفيل اللي فدماغك ل هانسون و سيملر , أو .أسلحة تعليم شامل ل جاتتو , … ) … 2- إنزل أجّر بدلة كاجوال .. و إتصور بيها شوية صور عميقة ( و إتأكد إن العمق باين في الصورة .. يعني و إنت بتحتسي القهوة مثلاً .. ماتشربهاش .. لا .. إحتسيها .. عشان يبان العمق ) . … 3- علي مدار شهر .. نزّل بوستات كتير .. كل بوست لا يتخطي التلات سطور بالعدد .. أول سطرين في البوست : مثل شعبي قديم تكون سمعته من طنط اللي بتبيع فجل و جرجير علي أول شارعكم … و لكن تكتبه ب لغة مختلفة شوية .. فصحي علي شعبي علي فرنساوي مكسّر مثلاً .. و السطر الأخير تكتب فيه : ( اللي عايز يفهم أكتر .. يراجع المصادر .. و إكتب كتابين تلاتة من اللي إنت حفظت عناوينهم ) . و إطلاقاً مش لازم يكون لهم علاقة بالكلام اللي في المثل الشعبي .. … 4- إعمل سيرش علي مواعيد الإيفنتات اللي زي ( رايز أب , تقني , المستثمر الصغير , … ) و غيرهم .. إضرب نفس البدلة الكاجوال تاني .. إنزل الإيفنتات دي .. و لو مش معاك تمن دخولهم .. خليك واقف علي البوابة .. و إتصور .. كتير .. أوي .. إهري نفسك سيلفي .. و كل حد داخل أو طالع من البوابة .. أطلب منه إنك تتصور سيلفي معاه . … 5- حترجع بيتكم .. و تبدأ تنزل بوستات جديدة .. و تخلي بالك أوي من اللي مكتوب ده .. حاجات زي : ” لما كنت في رايزأب .. و أنا بادردش مع ( فلان الفلاني .. و حط أى إسم مشهور في مجاله ) .. إتكلمنا قد إيه عن إن الشباب هما المستقبل .. و إن اللي حينجح خلال الفترة اللي جاية .. هما الشباب .. و عشان كده .. أنا حافتح بابي لأى شاب عايز ينجح ” . … لو ضميرك بدأ ينقح عليك … ماتقلقش … إنت ماكدبتش .. إنت فعلاً كنت في الإيفنت .. إنت ماكدبتش .. إنت فعلاً وقفت و دردشت كلمتين مع ناس كتير هناك .. إنت ماكدبتش .. الشباب هما المستقبل .. إنت ماكدبتش .. اللي حينجح في المستقبل هما الشباب . و أخير .. إنت ماكدبتش .. إنت بابك مفتوح لأى شاب عايز ينجح . … 6- الفولورز عندك ( خصوصاً من الشباب اللي عايز ينجح ) حيزيدوا تدريجياً .. الإنبوكس عندك حيبدأ يتملي رسايل من شباب عايز ينجح .. .. كمّل .. و نزل بوستات أكتر من نوعية : ” أنا متضايق إزاي لحد النهاردة مش عارفين ينظموا المرور قدام الفورسيزونز و جنينة الحيوانات في القاهرة !! .. أسبوع كامل .. كل يوم باعاني عشان أعرف أطلع و أتحرك .. و باتأخر بسبب كده .. أنا ماكنتش حابب أتكلم في الموضوع ده عشان ماحرجش أصدقائي اللي مسئولين هناك .. لكن أنا ماحبش أسكت علي الغلط ” . … لو ضميرك نقح عليك .. ماتقلقش .. إنت ماكدبتش .. إنت فعلاً كنت معدي قدام الفورسيزونز .. إنت ماكدبتش .. الفورسيزونز فعلاً الدنيا قدامه زحمة فحت .. إنت ماكدبتش .. ليك أصدقاء شغالين ديليفري بيعدوا من هناك . و أخيراً .. إنت فعلاً بتحاول تحل . … 7- الصورة اللي بتتبني في ذهن الناس عنك تدريجياً دلوقتي هي :

** لأمثلة حية علي الكلام اللي فوق .. راجع جامعات :

** كلامي مش معناه إن مافيش ناس بتقدم علم حقيقي تستحق عليه ملايين .. و لكن عن ال : ( Snake oil salesmen = النصابين يعني ) . .. و علي مدار التاريخ .. النصابين .. سبب تواجدهم و تكاثرهم .. هو المغفلين .. حاول ماتكونش منهم . … و الله أعلم .