إنت مش مريض بالتخمة .. إنت شكلك مش أوفر مقارنة

إنت مش مريض بالتخمة .. إنت شكلك مش أوفر مقارنة بالناس اللي ماشيين حواليك في الشارع .. إنت الهدوم بتغطي جزء كبير من الترهلات اللي في جسمك .. إنت بس كل اللي محتاجه شوية تمرين .. و حتبقي زي الفل .. صح ؟ بس :

• بتنهج و إنت طالع السلم ؟ تحس إنك متضايق
• هدومك بتضيق عليك ؟ تحس إنك متضايق
• بتبص لنفسك في المراية ؟ تحس إنك متضايق .. بتاخد قرار بينك و بين نفسك إنك حتحاول تظبط أكلك شوية و تقلل إستهلاكك للحاجات اللي بتزود وزنك و تبوظ شكل جسمك و لياقتك . و بعدين ؟! . .. و بعدين بتقعد علي الأكل .. و تلاقي قدامك أصناف من كل ما يشتهيه لسانك . مع كل معلقة بتاكلها من كل صنف بتحبه و نفسك فيه .. القرار اللي أخدته بإنك تقلل أكلك بيختفي تدريجياً .. و تبدأ تبرر لنفسك تدريجياً . ..
• ما هو الفنان فلان الفلاني وزنه أزيد من وزني و متجوز أو مرتبط بالفنانة الجامدة جداً فلانة الفلانية .. المهم مش وزني و شكل جسمي .. المهم نجاحي العملي .
• ما هو بعد ما حاكل .. حانزل أتمشي شوية أحرق الأكل ده و بعدين أروح الجيم أسجل شهر إن شاء الله أظبط الدنيا .
• ما هو وزني مش حيبوظ زيادة من أكلة يعني .. اللي باظ فسنين مش حتصلحه أكلة في ساعة .
• يا عم الأكل ده نعمة من نعم ربنا علينا .. و المتعة الحلال اللي تقدر تمارسها من غير ما تخاف تدفع قايمة و إنت قايم من عالسفرة … حتحسسني بالذنب فيها كمان ؟ .. و بعد ما بتخلص أكل .. و تحلي .. و تشرب شاي .. و تريح فقعدتك المفضلة علي السرير أو علي الكرسي المفضل بتاعك .. و إنت بتتفرج علي التيليفزيون أو ماسك موبايلك بتسكرول بلا هدف .. تلاقي نفسك عينيك تقيييييييييييلة جداً .. و النوم حلوووووووو أوي .. و تنام ساعتين . … و تصحي .. محتاج تستعد عشان معاد نزولة أو أى مشوار .. فتقلع هدومك المريحة و تدور علي هدوم تلبسها .. و تبقي خايف تشوف شكلك في المراية عشان متضايقش .. و تبقي قاعد بتحسب حتمشي قد إيه .. عشان ماتعرقش و تنهج و هدومك تبوظ .. و تبقي قاعد حاسس بحموضة و تقل و وخم و إنك عايز سباك يدخل يسلك لك بطنك و يلغي آثار الوجبة الممتعة اللي أكلتها من ساعتين . … و بعدين تنزل .. تشوف صاحبك اللي جسمه مظبوط .. تحسده جواك علي رشاقته و لياقته .. و تفضل تتخيل نفسك لو إنت خسيت حتبقي إنت بالرشاقة و اللياقة دي ؟ .. و حتلبس إيه ساعتها ؟ و تبقي متأكد من جواك .. إن في حاجات في الحياة دي مستحيلة عليك بالكامل .. مستحيل تجري زيادة عن كام متر .. و بعد كده مستحيل . مستحيل إيديك تشيلك لو حبيت تتشعلق في حاجة . .. إنت مش مريض بالتخمة .. إنت شكلك مش أوفر مقارنة بالناس اللي ماشيين حواليك في الشارع .. إنت الهدوم بتغطي جزء كبير من الترهلات اللي في جسمك .. إنت بس كل اللي محتاجه شوية تمرين .. و حتبقي زي الفل .. صح ؟ … … بس المحلات حواليك كلهم بيتنافسوا فتقديم الأكلة الأطعم .. إنت شايف ناس جسمها عضلات و مظبوط و بياكلوا الأكل ده قدامك .. الحياة مليانة حاجات مؤلمة .. و الأكل هو اللي بيهونها عليك .. … بيعدي يوم ورا يوم .. شهر .. سنة .. و كل مرة تحاول .. بعد ما بتروح الجيم مرة أو إتنين .. تبطل .. و تبقي المرة اللي بعدها أصعب .. و أبعد .. … بتجرب حلول مختصرة كتييييييييير .. شاي أخضر .. حبوب تخسيس .. برامج تحفيزية .. يوجا .. أى حاجة و كل حاجة .. إلا إنك تبطل أكل و تروح الجيم و تتمرن .. لأن بينك و بين نفسك بقيت عارف مدي ضعفك قدام الأكل .. و بقيت بتكره تختبر نفسك كل شوية بموضوع الجيم ده . … … … نفس الكلام اللي كتبته عن الأكل و التمرين ده .. أقدر أكتبه بنفس الطريقة .. عن عقلك .. و روحك ..

عقلك .. اللي أصبح مدمن لكل حاجة مليانة مكسبات طعم و دهون و أملاح و سكريات في التيليفزيون و السوشيال ميديا . و روحك .. اللي أصبحت مدمنة لكل حاجة بتعلي إحساسك و تخليك ( في حالة حلوة ) شوية .. و بعد كده تلاقي نفسك قرفان من الحياة كلها تاني مباشرة . … … التنافس في العالم الرأسمالي المفتوح معناه إني كرائد أعمال بالعب قدام ناس ماعندهاش أى موانع دينية في معتقداتها .. و الأخلاق لا تخضع لأى منطق إطلاقاً .. يعني مافيش منطق يقول لك إن الصح إنك ماتسرقش .. إطلاقاً… ممكن جداً بنقاش منطقي 100% نتفق إن السرقة صح ..

مافيش منطق يقول إن الصح إنك ماتزنيش .. ماتقتلش .. ماتإذيش .. إطلااااقاً … ممكن جداً بنقاش منطقي بنسة 100% نتفق إن السرقة و الزنا و القتل و الأذي صح بالكامل .. (*** الأفكار دي تقدر تسمعها بشكل أفضل في مناظرة جميلة جداً شفتها من سنييين لذاكر نايك .. حاسيبها فأول كومنت ) . … فبالتالي .. منطقياً أنا مضطر ( كرائد أعمال ) إني أفضل أستهدف إستهلاكك بشكل مستمر .. و أنميه .. و أستفزه .. كرائد أعمال صاحب سلسلة مطاعم .. عمري ما حاجي أقول لك كفاية أكل . كرائد أعمال صاحب قنوات تيليفزيونية .. عمري ما حاجي أقول لك كفاية فرجة .. كرائد أعمال صاحب قنوات علي السوشيال ميديا .. عمري ما حاقول لك كفاية سكرولنج و قوم شوف حاجة تنفعك .. .. بل عشان أنجح .. و أقدر أحصل علي هدفي الأسمي و الأول و الأوحد في الحياة ( اللي هو الفلوس ) … حاسعي بكل الطرق إني أحولك لخنزير .. خنزير بياكل و يستهلك فقط .. بدون أى موانع .. … حاصور منتجي بشكل يخليه أشهي المنتجات .. حاجيب ولاد و بنات جذابين جداً .. و أخليهم يتصوروا و هما بيستهلكوا منتجي .. حأجر قنوات و برامج أطلع فيها كرائد أعمال ناجح و مثال و قدوة الناس تحتذي بيها .. عشان تشوفني كملاك و شخص عمره ما حيأذيك .. حاعمل كل شيء عشان ألعب فأساسات أفكارك .. فقط بهدف إنك تفضل تستهلك . … … و اللحظة اللي حاحس فيها إنك بدأت تتمرد .. تحاول تبطل إستهلاك .. تحاول تبطل أكل .. تحاول تفوق .. حأجر ناس يطلعوا يغتتوا عليك .. يقرفوك .. يخلوا حياتك جحيم .. بحيث إن الملجأ الوحيد اللي ممكن تحس فيه بشوية سعادة .. هو المطعم بتاعي … و لما تكلمني .. حتلاقيني عامل لك خصومات كمان .. … و مش بس كده .. لا .. حاديلك كل حاجة مجاناً ..

تعالي كل من كل الأنواع و الأكلات .. مجاناً .. تعالي قضي أحلي أوقات فخيمي الرمضانية .. مجاناً .. إلبس أحلي ما عندك .. و إنتي يا جميلة .. إلبسي أسخن ما عندك .. و تعالوا عيشوا أجواء رمضان عندي فخيمتي … مجاناً .. نزل صورك بأحلي فلاتر علي السوشيال ميديا .. وري اصحابك و كل معارفك إزاي إنت عايش حياة حلوة سعيدة ناجحة ملونة مليانة بنات سخنة و ملذات و متع .. مجاناً .. … … … إنت مش مريض بالتخمة .. إنت شكلك مش أوفر مقارنة بالناس اللي ماشيين حواليك في الشارع .. إنت الهدوم بتغطي جزء كبير من الترهلات اللي في جسمك .. إنت بس كل اللي محتاجه شوية تمرين .. و حتبقي زي الفل .. صح ؟

إنت مش كافر .. إنت شكلك مش ضارب تاتو و ماشي مسقط مقارنة بالناس اللي ماشيين حواليك في الشارع … إنت نجاحك العملي مغطي جزء كبير من الأفكار الوسخة و الذكريات الأوسخ اللي فدماغك … إنت مش بتشرب خمرا .. إنت بس كل اللي محتاجه شوية صلاة و عبادة و إعتكاف مع نفسك كده … و حتبقي زي الفل … صح ؟ … … للأسف .. مش صح .. للأسف .. إنت أكبر قيد رابط صاحبك و زميلك اللي عندك علي السوشيال ميديا .. زي ما هو قيد رابطك إنت كمان .. إنت بتشوفه مشير بوست من مسلسل تافه .. فتعمل زيه و تشوف المسلسل التافه .. و هو بيشوفك مشير صورة من خيمة رمضانية .. فيعمل زيك و ينزل خيمة رمضانية ..

إنت و صاحبك علي الفيس و الإنستاجرام و باقي السوشيال ميديا .. زي البهايم اللي بتتربط فبعضها عشان مافيش بهيمة تشرد ..

و إنت مستني تشوف اللي حواليك يتغيروا عشان تتغير .. و هما مستنيينك تتغير عشان يتغيروا ..

و يعدي يوم ورا يوم .. و شهر .. و سنة .. و رمضان ورا رمضان .. و تسأل نفسك ..

هو أنا متضايق ليه ؟! أنا مودي مش متظبط ليه ؟ أنا عايز أطلع طلعة تغير مزاجي و تخليني أفرفش .. و تسكرول ..

إنت مش وحش .. إنت مش غلط .. إنت ممتاز مقارنة باللي حواليك .. إنت مش محتاج إطلاقاً تبتدي النهاردة .. يا راجل .. إنت بتشقي و تتعب في شغلانتك عشان تجيبلي الفلوس .. هات الفلوس دي .. و خد متع أهه .. إستمتع .. عيييييييييش .. عشان تروح تشتغل بكرة بمزاج .. و تجيب لي فلوس .. أديلك بيها متع ..

إستمتع .