مش بس إبراهيم عيسي .. آشتون كوتشر كمان مش مؤمن

مش بس إبراهيم عيسي .. آشتون كوتشر كمان مش مؤمن بالإستحمام .

(1) من فترة 3 شهور تقريباً .. طلع شوية أخبار عن ( آشتون كوتشر ) و ( ميلا كونيس ) .. دول ممثلين أجانب و مستثمرين مشهورين جداً بالمناسبة .. إنهم مش مؤمنين بالإستحمام يومياً .. ولا فكرة الشامبو أساساً .. ليهم و لعيالهم .. و إن الإستحمام يكون لما ريحة الواحد تطلع و تبقي صعبة و الناس حواليه تشتكي . و إن ” الطبقة الزيتية و الدهنية اللي جسم الإنسان دي مهمة و بتحميه و مش المفروض نزيلها يومياً بالإستحمام ” آشتون كوتشر حرفياً قال عن عياله ” if you can see the dirt on’em .. clean’em .. othewise .. i see no point = لو شايف الوساخة عليهم بعنيك .. نضفهم .. غير كده .. فكك .. مش مشكلة ” … الخبر كان قصة منتشرة في الأخبار التافهة العالمية ” اللي بتابعها بحكم طبيعة شغلي ” .. و فضلوا يسألوا و يشوفوا .. يا تري مين تاني من المشهورين مش بيستحمي .. و بشامبو ولا لا 😂😂 . … (2) فوسط الدوشة اللي حاصلة حالياً علي موضوع الكائن ” إبراهيم عيسي ” ده .. لازم أأكد الأول علي كام نقطة : 1- أنا عمري ما إتفرجت علي ساعة علي بعض ليه .. أو للتوضيح .. مجمل ما شفته من محتوي عمله الكائن ده كله علي بعضه .. يمكن مايكملش 60 دقيقة ( أغلبهم كان زماااااااااااان .. أيام ما عمل لقاء مع نبيل فاروق بيتكلم فيه عن أدهم صبري 😂😅 ).. و بعد كده شكراً .. ماشفتش ليه حاجة إطلاقاً . 2- ماقريتش ليه كلمتين علي بعض .. عندي معلومات إنه بيكتب و ليه كتب و مقالات كويسة .. لكن ماقرأتش ليه حاجة بكل أمانة . 3- معظم اللي سمعته عنه علي مدار السنين اللي فاتت .. كان الكلام اللي بينتشر عن أفكاره ضد حاجات إحنا كمسلمين بنعتز بيها ( بغض النظر عن مكانتها و إذا كان ليها قدسية أو لا ) .. زي البخاري مثلاً . … فبالتالي .. قد أكون فكلامي اللي جاي ده باتكلم عنه بغير علم أو دراسة أو معلومات كافية .. و لكن أنا حاعطي لنفسي نفس الحق في الهبد .. اللي هو بيعطيه لنفسه لما بيتكلم عن حد أو حاجه مايعرفهاش .. و أهبد شوية .. و لو في حاجة في هبدي ده غلط .. أعتذر مسبقاً .. و كلنا معرضين للخطأ طالما بنعمل عقلنا .. و الإنسان بطبعه ناقص بس مطالب بالبحث و إعمال العقل 😅 … … (3) أسألتي هي : هل إبراهيم عيسي بيحس إنه محتاج يقرا القرآن ؟ .. و ليه ؟ .. و إمتي ؟ … يعني .. في قناعاتي و إيماني .. إن القرآن ده هو الدواء اللي بيعدل بوصلة تفكيري و نفسيتي .. و إن كل ما الدنيا بتطغي عليا .. بفتن و وهن في نفسي .. و تضيق عليا الأرض بما رحبت ..
و أحس إني مش شايف حاجة حلوة في الحياة ( أنسي كل ما أنعمه الله عليا ) … و أحس إني خلاص عايز أستسلم و أموت هرباً من إحساس المعاناة ده .. أفتكر .. أفتكر إن ده مش إحساس طبيعي .. و أبدأ البحث في : = جسمي .. و أشوف نظام أكلي و روتين مجهودي اليومي .. و مدي الخلل فيه . = عقلي .. و أشوف نوعية المحتوي اللي بتابعه يومياً .. و نوع الإنتاج اللي بانتجه يومياً .. و مدي الخلل فيه . = روحي .. عن طريق قراءة القرآن ..
و هنا باكتشف أحيان كتير إن فعلاً بوصلتي مختلة .. و إني محتاج أجدد تحديد إتجاهاتي .. و أظبط إخلاص نيتي .. و أشكر .. و أتدبر .. و أتأمل .. و أدرس .. و … و كل الحاجات اللي القرآن بيصحيها فيا مع كل آية .. و مع كل درس . … … الدنيا بتفكرني دايماً بالدوامة في البحر الواسع اللي مالوش معالم .. نام علي ضهرك و ريح كده و أنتخ .. حتلاقي الموج سحبك .. و أصبحت مش عارف لمينك من شمالك .. بس مش حتلاحظ ده .. إلا لما تلاقي نفسك بتغرق .. و بتتسحب لتحت .. … … في طرق كتيييييييير بقي دلوقتي موجودة .. عشان تقاوم إحساس الغرق ده .. عشان تنساه .. أو تتناساه .. .. قلقان ؟ و خايف طول الوقت ؟ .. و حاسس إنك مش مستريح ؟ طيب .. ماتجرب تشرب حاجة تهديك .. و تسكن الألم ده شوية .. تسكّر إحساسك بيه .. و تقفل عليه .. .. مش عايز تسكر ؟! .. أو تعبت من السُكر ؟ .. بلاش تشرب .. تعالي إتفرج علي فيلم … علي مسلسل .. إسمع موسيقي حلوة عشان """" تعالج بيها روحك """"" 😅. … خلاص خلصت نيتفليكس ولسة تعبان ؟! .. طيب جربت تروح لدكتور نفسي ؟ .. .. رحت لدكتور نفسي ؟ .. و عرفت خلاص إن عقدك ليها أساس في طفولتك .. و فهمت إزاي تتأقلم مع مشاكلك .. و بقيت إنسان سوي أكتر .. رائع .. بس لسة في حاجة مضايقاك ؟ .. حتي بالرغم من إنك مش زعلان ؟ بالرغم من إنك مش زهقان ؟ بالرغم من إنك مش خايف ؟ بالرغم من إنك مش تعبان جسدياً ؟ بالرغم من كل الحاجات اللي إنت تقدر توصفها .. تفهمها .. و تشوفها .. لسة حاسس إن في حاجة إنت مش قادر توصفها عشان تشتكي منها .. بس إنت عارف إنها مش مظبوطة ؟ … … طيب جربت تروح ل ( جوينيث بالترو - gwyneth paltrow ) و تاخد منها زلطة تحطها ولامؤاخذة في .. إحم .. 🙈🙈 ؟! 🤣🤣🤣🤣 يمكن تستريح **سيرش علي الموضوع ده ” goop ” لو حابب تفهم أكتر 🤣🤣 … … هرباً من الإحساس ده ( إن في حاجة إنت مش قادر أو فاهم إزاي توصفها عشان تشتكي منها .. بس عارف إنها مش مظبوطة ) الإنسان بيلجأ للإسراف .. الإسراف فأى شيء يخليه مايسمعش صوت الشكوي اللي هو مش فاهمها دي .. يسرف في الأكل لحد ما ألم التخمة يبقي أعلي من الألم اللي هو مش فاهمه .. يسرف في المتع .. لحد ما ألام الدنيا المختلفة تبقي أعلي من الألم اللي هو مش فاهمه .. يسرف في الشغل .. لحد ما ألم تعب الشغل صوته يبقي أعلي من الألم اللي هو مش فاهمه .. ( و بعدين يدخل يكتب عالفيس : إشتغل لحد ما تتعب بالليل و تنام من غير يبقي عندك طاقة تفتكر مشاكلك ) . .. يُسرف فأى شيء جسمه أو عقله يفهمه .. يستطعمه .. يلاحظه .. يلمسه .. … و تبقي بالظبط زي اللي ضاع منه مفاتيحه فحتة ضلمة … فراح تحت عمود نور بعيد يدور عليها .. لمجرد إنه هناك الدنيا منورة .. بدل ما يحاول ينور الحتة الضلمة اللي مشكلته فيها . … … (4) . البشر عايشين علي الأرض من زمااااااااااااااااااااااااااااان .. و كل جيل عاش علي الأرض .. كان شايف إن اللي وصل ليه من علوم و تكنولوجيا و فكر .. هو أجمد حاجة في الحياة .. و دايماً هنا البشر بينقسموا لفريقين .. فريق بيروح يدور علي حل مشكلة ” الشكوي اللي هو مش فاهمها و مش عارف يوصفها دي ” في آخر و أحدث العلوم و التكنولوجيا و الفكر اللي علي الأرض ( و مراجع الأدوية 😅) . .. و فريق تاني .. إتعلم بالنقل .. أو بالعقل .. أو بالإتنين مع بعض ..
إنه كل فترة .. و بإستمرار .. يتطمن علي بوصلته .. و يتأكد إنها مشاورة صح .. و إن تيارات الدنيا المختلفة ماخلتهاش تلف حوالين نفسها .. يعمل ده باللجوء للحل الروحي .. للحاجة اللي ربنا قال عنها ” وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا ” و مهما فضل الفريق التاني ده يحاول مع الفريق الأول .. و يشرح له .. يشرح له إن مش معني الدين و قراءة القرآن هو هجر ال ” علم و الفكر و التكنولوجيا و … ” .. إطلاقاً .. بل إن القرآن و الدين .. هما الحاجة اللي إحنا بنعملها بشكل يومي إما للبحث عن النجاة لو حاسين بالضياع .. أو إتقاء و وقاية قبل الضياع من الأساس .. … … بالظبط زي النضافة و غسيل الإيدين و الوجه و الإغتسال .. لو كان فضلت البشرية منتظرة التقدم اللي حصل في الطب و الكيمياء عشان نفهم إن ( الإغتسال و النضافة و الطهارة ) شيء مهم لصحتنا عشان نقي نفسنا ( الميكروبات و الجراثيم ) . كان هلك الكثيييييييير جداً .. و لكننا مأمورين ” كمسلمين ” بالإغتسال و الطهارة و الوضوء .. لجسمنا .. بشكل مستمر و دوري .. و كنا بننفذ ده .. حتي لو لم ندرس علوم الميكروبات و الجراثيم . … … … (5) . يا تري .. إبراهيم عيسي ( و يا رب يجعل له نصيب من إسمه في الهداية) .. لما بيحس إن في ألم هو مش قادر يوصفه أو يفهمه … بيلجأ لإيه ؟! . ولا بيستني .. بيستني لحد ما ” يشم ” ريحة القرف فنفسه .. قبل ما يحاول ينضف نفسه ؟ . … … و الله أعلم .