عارف إحساس لما الدنيا تبقي حر و صهد بشكل لا
أنا مابتفرجش علي تيلفيزيونات من أيام لما كان فيلم مافيا بتاع أحمد السقا في السينيمات 🤣 .. .. و والله العظيم في ذهني ما زالت شيرين وجه جديد هي و تامر حسني 🤣🤣🤣 .
عارف إحساس لما الدنيا تبقي حر و صهد بشكل لا يُطاق .. و بعدين فجأة تلاقي سرسوب هوا ساقع حسسك كده بالإنتعاش لحظة … .. ده كان نفس إحساسي إمبارح بالظبط .. أنا مابتفرجش علي تيلفيزيونات من أيام لما كان فيلم مافيا بتاع أحمد السقا في السينيمات 🤣 .. .. و والله العظيم في ذهني ما زالت شيرين وجه جديد هي و تامر حسني 🤣🤣🤣 . ف ماعنديش معلومات كتير عن إيه اللي بيحصل في التيليفزيون .. . و لكن .. إمبارح و أنا قاعد عند أقربائي .. و كان التيليفزيون شغّال علي قناة إسمها ( القاهرة و الناس ) غالباً .. و كان في برنامج شغّال إسمه ( العباقرة ) تقريباً .. . البرنامج عبارة عن مسابقة بين طلبة مدارس في مرحلة الإعدادي في أغلب الظن .. و أسئلة في كل المجالات .. حساب , جغرافيا , تاريخ , … و ( فن 🤣🤣🤣 ) . . و الحاجة اللي شدت إنتباهي و حسستني بالإنتعاش اللحظي ده .. إن ال 10 متسابقين تقريباً من الفريقين .. جاوبوا علي كل الأسئلة اللي في كل المجالات ( حساب , جغرافيا , تاريخ , … ) .. إلا أسئلة ال ( فن ) . . أسئلة زي :
- مين اللي قام بدور ( بيبو ) في فيلم ( بيبو و بشير ) ؟!!!!!
- مين اللي غني أغنية ( مش فاكر إسمها ) .. و هو مطرب تونسي ؟!!
- مين مؤلف مسلسل ( مش فاكر إسمه ) ؟! . .. الطلبة مش بس جاوبوا علي الأسئلة دي غلط .. لأ .. كان في إمكانية إنهم يقولوا ( Pass أو Skip .. يعني عدّي و هات اللي بعده ) … و المتعة .. قمة المتعة … هي نظرة ال ( إيه التفاهة دي ؟! ) اللي شفتها في عينين الطلبة دول و هما بيقولوها لما كانوا بيسمعوا الأسئلة دي . … … ال( تضاد ) اللي يُبرز المعني و يوضحه .. هو إن إمبارح أنا كنت معزوم في فرح أحد الأقرباء .. و الألم و الغُصة اللي حسيتها كانوا أصعب من قدرتي علي السخرية .. لما شفت أطفال في سن ( 5 ل 10 ) سنين .. بيرقصوا بشكل معين جداً .. . الشكل اللي هما كانوا بيرقصوا بيه .. إطلاقاً مش تعقيب .. إطلاقاً مش طريقة الرقص الشعبي اللي بتوضح مهارة عضلية و جسدية ضخمة .. . لا . . دول كانوا بيرقصوا كلهم بنفس الطريقة البشعة .. اللي هي تلعّب إيدك قدام وشك كإنك ماسك مطوة .. و بعدين تخبط علي وشك بإيديك الإتنين كإنك مسطول .. و بعدين ترفع إيدك قدام وشك كإنك بتشرب إزازة خمر .. و بعدين أثناء و خلال كل ده … تهز مؤخرتك بشكل عجيب جداً .. . اللي هو أنا فاهم ليه المرأة تهز مؤخرتها أثناء الرقص .. ماشي .. ده منطقي .. ك محاولة من الأنثي في إغراء الرجل . . لكن !!!!!. . الرجل .. يهز مؤخرته ليه ؟!!! ألا لعنة الله علي كل من سن السُنّة دي .. و أصبح عشرات الأطفال في السن ده بيحترفوه قٌدّام بعض .. و بيحركوا شفايفهم كإنهم بيسمّعوا الأغاني مع ال دي جي اللي شغال .. خوفاً منهم إنهم ينسوا مثلاً . . أنا باكره كل مظاهر إحتفالات الزفاف اللي تم تدريب العقل الجمعي المصري عليها كراهيتي للطاعون .. و يمكن أكتر .. . و لكن .. ما زلت باتسائل .. برنامج مسابقات لتنمية المهارات العقلية .. و تشجيع الطلبة علي العلم و المعلومات .. إيه أهمية معلومة : ( مين قام ب دور بيبو في فيلم بيبو و بشير ؟!!!!!!!!!!!!!!!!!!!!!) … حسبنا الله .. و الله أعلم .