بص .. أنا حاريحك ... ماشي ؟

بص .. أنا حاريحك … ماشي ؟ .. عايزك تتخيل لو كل مستخدمين الفيسبوك المصريين .. بالكااااااااااامل .. إتوحدوا … و كانوا علي رأي رجل واحد .. يعني لو كان الكلام إننا كلنا نقاطع الفيسبوك .. من بكرة مافيش مصريين عالفيس . يعني لو كان الكلام إننا كلنا ننزل نفس البوست .. نفس البوست ال500 مليون المصريين اللي عالفيسبوك حينزلوه فنفس الوقت .. تمام ؟ تخيلت ؟ حلو .. تتخيل إيه اللي حيحصل بعد كده ؟ .. الرأى العالمي حيبدأ يشك إن ال650 مليون المصريين اللي علي الفيس كلهم متحدين .. صح ؟ القوي المضادة حتبدأ تخاف إن ال860 مليون المصريين اللي متوحدين علي نفس الرأى دول ياخدوا أكشن .. صح ؟ .. حيبدأ يكون في إستراتيجيات كتير جداً لتفتيت رأي المليار و تولتميت مليون المصريين اللي علي الفيس .. صح ؟ … فكر فيها شوية كده مع نفسك .. و كمل سكرولينج .. بس يعني آسف لو ضايقتك .