بعد ما إنتهيت إمبارح من مسلسل ( Stranger Things =

بعد ما إنتهيت إمبارح من مسلسل ( Stranger Things = حاجات أغرب 😅) .. في كلام كتيييييير طبعاً ممكن يتقال عن حاجات واضحة جداً جداً .. فبالتالي مش محتاج إني أعيد الكلام عن الحاجات الواضحة دي هنا .. و لكن .. تساؤل معين هو اللي كان بيٌلح عليا علي مدار السنوات السابقة كل ما أشوف المسلسل .. و إفتكرته بقوة خلال آخر حلقة .. و هو : ليه لعبة ( Dungeons and Dragons = زنازين و تنانين 🤣 ) مانتشرتش في مصر ؟! .. يعني .. بنك الحظ , لودو , السلم و التعبان , .. و كل الألعاب المشهورة اللي تم إستيرادها لمصر في فترات السبعينات و التمانينات دي .. و إنتشرت في أغلب البيوت تقريباً . . ليه بقي لعبة ( D&D ) مانتشرتش ؟! . عملت شوية سيرش طبعاً علي الموضوع ده النهاردة .. و كتبت بوست طوييييييييييييييييل .. و لكن .. إنشغلت و قمت قبل ما أكمله .. و لما قرأته دلوقتي تاني .. حسّيت إن من الأفضل إني أطرح الموضوع ك تساؤل و أسيب فرصة للتفكير .. قبل ما أعرض وجهة نظري . . ف مرة تانية .. لعبة من أشهر الألعاب العالمية علي مدار 50 سنة .. و إنبثق منها و تلاحم معاها كم ضخم من عوالم الفانتازيا و القصص و المسلسلات و الأفلام . . ليه لم تلاقي إنتشار في مصر بالأخص ؟! .. و الوطن العربي بشكل عام ؟!