طول عمري كنت .. و ما زلت .. حافضل شايف

طول عمري كنت .. و ما زلت .. حافضل شايف ( عبد الغفور البرعي ) .. رمز للفشل . و أتعظ منه .
و إنه مسلسل عبقري لو كان يقصد إنك تشوفه ( فاشل ) .. لكن للأسف .. كتير بيشوفوه ” ناجح ” ! .. .. 1- فشل كأب ( و أقصي نجاح نسبي لبنت من بناته ” نظيرة ” حصل بإنها بعدت كل البعد عن تفكيره و آراءه و إنطباعاته ) . .. 2- فشل كزوج ( حول زوجته لمجرد طباخة في البيت , و والدة .. مش أم ” في فرق ضخم بين إن الست تولد … و إنها تكون أم ” , و حولها من إنسانة يُعتمد عليها … لإنسانة معتمدة بالكامل عليه .. فكل شيء ) . .. 3- ماذا لو كان عبد الغفور البرعي .. فنص المسلسل .. فجأة مات .. ( هل كانت ” شريكته ” عبلة كامل .. مؤهلة لقيادة حياتهم بدون خلل ؟ هل هو حاول فأى لحظة يعمل خطط بديلة لحياته غير معتمدة عليه بشكل كامل طول الوقت ؟ هل أمن لأهله أى شيء ( من الوعي ,من الإستثمار , من الأمان ) .. غير الدنيا اللي كانت شاغلة عليه عقله و تفكيره و قلبه طول الوقت ؟ … 4- هل حاول بأى شكل من الأشكال إنه يضيف لقدرات ” شريكته ” عبلة كامل .. أى شيء ذا قيمة حقيقية ؟ و لكن ” و يا لها من إهانة واضحة ” .. كل نجاح “مادي ” أكتر كان بيحققه .. كان بيحط علي إيديها و ” روحها و عقلها ” .. أساور من معدن أكتر .. كأنه بيخليها أتقل .. بيكتفها أكتر .. بيدفنها أكتر . … 5- طبعاً غير فشله الذريع مع إبنه ” عبد الوهاب ” .. و إنه عمل كل شيء غلط فتربيته .. … 6- النجاح ال ” مادي ” أتفه .. و أسهل نجاح ممكن تحققه .. و لكن لوحده .. و الإعتماد عليه فقط .. و التركيز عليه فقط .. أكبر فشل . … … … للأسف .. في عالم ” جعان جداً ” مادياً .. ناس كتير بتظن ” عبد الغفور ” ناجح . و لكن للأسف .. صوت ال ( روح ) و ال ( عقل ) .. أوطي بكتير جداً من صوت ال ( جسم ) … و كتير مابيحسوش و مابيسمعوش لصريخ ( روحهم ) و ( عقلهم ) .. إلا بعد وقت و عمر طويل و محاولات كتير لإشباع إلحاح ال ( جسم ) ذو الصوت ال ( عالي جداً ) . … … و الله أعلم .