قليل لما باتكلم عن حاجات قريبة في الزمن أنا عارف

قليل لما باتكلم عن حاجات قريبة في الزمن أنا عارف .. و معظم بوستاتي بتبقي عن حاجات من 10 سنين أو أكتر تقريباً .. ده ليه أسباب كتير .. مش وقت ذكرها دلوقتي . .. بفضل الله علي مدار ال4 سنين اللي فاتوا تحديداً .. لاقينا نجاح معقول فعدد مختلف من المجالات اللي إشتغلنا فيها ( باستخدم صيغة الجمع هنا .. لأن مافيش حاجة منهم عملتها لوحدي أبداً تقريباً ) . .. علي مدار السنة اللي فاتت تقريباً .. ( و كورونا طبعاً كان ليها تأثير ) .. كنت بدأت بشكل منهجي أقلل عدد الحاجات اللي باعملها أو مشترك فيها .. و كل شيء كنت باقدر أدرب عليه شخص ما .. و أديله مرتب مقابل القيام بيه .. كنت باعمل ده .. و أركز الجزء الأكبر من وقتي و طاقتي علي عدد محدود جداً من المجالات دي .. و أخصص جزء و وقت أكبر إني ( ماعملش فيه حاجة ) .. و أحاول أتغلب علي إحساس معين كان متغلغل دايماً في جيناتي .. و هو إحساس إني طول الوقت ( لازم أكون باعمل شيء ما ) .. … الإحساس ده كان دايماً بيبقي عامل زي الصوت المستمر فوداني .. و كان بيمنعني فعلاً من الإستمتاع بلحظات كتير .. لأني طول الوقت كنت بابقي باسأل نفسي ( إيه اللي ورايا .. و المفروض أعمل إيه ؟! ) .. هل في كورس محتاج أذاكره ؟ كتاب محتاج أقراه ؟ شخص محتاج أكلمه ؟ أكشن المفروض أخده ؟ . … … مؤخراً بدأت ألاحظ إني ( اللهم لك الحمد و الشكر ) .. عندي قدرة أفضل نسبياً علي التعامل مع الصوت ده .. الموضوع خد وقت و مجهود حقيقي إني أتعلم : ( how to stop and smell the roses ) . … … و بالتالي .. كان من أكتر الحاجات اللي كنت باعملها ( و ما زلت ) علي مدار السنة اللي فاتت أو أكتر تقريباً .. هو ال ( رفض ) .. … عدد كبير نسبياً من الدعوات و المشاريع .. كنت بارفضها .. ( شراكات معينة , إستثمارات معينة , مشاريع و أفكار مختلفة , .. و بالتأكيد إني أدي كورسات ) .. و بالنسبة لموضوع الكورسات ده خصوصاً .. فالقاعدة اللي ثبتها من فترة طويلة جداً حالياً هي : أنا مش حادّي أى كورس بمقابل مادي تاني قدر إستطاعتي .. أبداً .. إن شاء الله ..

” أياً كان الشيء اللي إنت عايزني أشرحه لك .. لوحدك .. أو معاك مجموعة مثلاً .. و مافيش للشيء ده مرجع أونلاين ليا أو لغيري أقدر أرشحه لك .. رتب معايا مواعيد تناسبني و تناسبكم .. و في المكان اللي يناسبكم .. او فمكتبي لو متاح لكم .. و مجاناً بالكامل .. و حاشرحه لكم إن شاء الله ”

… … … … مؤخراً .. بقالي فترة براجع درج المشاريع اللي إشتغلت فيها علي مدار حياتي ..
كإنها لعبة مثلاً .. و عديت علي مراحل معينة فيها .. و دلوقتي بعد ما وصلت إني أصبح معايا شوية أسلحة زيادة في اللعبة .. و مهارات زيادة .. و عملت ( unlocking ) ل ( achievements ) معينة .. أنهي مرحلة حابب إني أرجع ألعبها .. بس المرة دي بإستخدام الموارد المختلفة لل ( character ) بتاعي حالياً .. … … و من ضمن المراحل دي .. المشاريع الخاصة بال ( Game Design ) . … … أنا عندي إقتناع نسبي إن ال ( إنتاجية ) .. هي المسعي اللي المفروض نسعي ليه طول الوقت .. و لأني علي دراية نسبية بوضع السوق المحلي بما له علاقة بإنتاج المنتجات الصلبة ( hardware ) .. و لأني علي دراية نسبية بمعاناة ال ( last mile ) في عوالم ال ( logistics ) . . انا حابب إن الإنتاج اللي أسعي ليه يكون بعيد جداً عن ال ( hardware ) .. و يكون أقرب ما يكون لل( soft ) .. … إذا كان بقي إنتاج إبداعي ( قصصي , فني , موسيقي , … ) .. أو أياً كان الصورة اللي ممكن تاخدها فكرة ما .. بشكل يتيح لها الإنتشار .. و مايكونش محدود بحدود العالم المادي … ( يعني مانضطرش نتعامل مع مشاكل ديليفري , و مشاكل تصنيع , و ما شابه ) . … … … فوجهة نظري .. ال ( Game Design) .. هو الصورة المجمعة لعدد مختلف من مجالات الإنتاج الإبداعي .. و الوقت الحالي ( و التربة الزمنية و الفكرية الحالية ) أكثر تقبلاً و إستعداداً بكتير جداً للألعاب بشكل عام .. عن ما كانت عليه لما إشتغلنا في الموضوع ده سنة 2009 . … … … فالبوست ده ممكن يتم إعتباره دعوة عامة .. او نداء مبدئي .. أنا حابب إن المشروع القادم اللي أشتغل عليه أو فيه .. يكون في مجال ال ( Game Design ) .. أياً كان العالم اللي حتعيش فيه ال ( Game ) دي .. ماعنديش مشكلة يعني إنها تكون أندرويد أو IOS أو Web أو Console أو أياً كان .. لكن حابب إنها تكون ( Game ) . و ماتكونش ( just another flappy bird mock up or re-skin ) .. لا .. أنا بادور علي حاجة دسمة ..