خطر الضحك و الهاها و النكتة

خطر الضحك و الهاها و النكتة .

الكلام ده مش جديد .. و متعاد و مهري فيه آلاف المرات علي مدار التاريخ .. بس للأسف في عيال جديدة بتتولد كل يوم .. و بيوصلوا لسن البلوغ .. و يبدأوا يتحسبوا علي البشرية .. و كتير منهم مابيكونش حد شرح له إن ( الضحك سلاح خطر جداً ) .. و حالياً في عوالم الإنترنت الحالية .. أصبح أسهل ما يكون هو إنتشار تأثير السلاح ده … 1- قبل ما ترامب يفوز علي هيلاري في إنتخابات 2016 .. كان مجرد ترشحه في حد ذاته نكتة .. كمية الهيئ هيئ .. و الهيخوخوخو .. و ال هاهاها .. اللي حصلت علي كل حاجة ليها علاقة بحملة الترشح بتاعته .. هي اللي ساعدت بشكل ضخم جداً علي إنتشاره .. و لأن : ( و عايزك تركز في الحتة الجاية دي جامد جداً ) .. سيادتك مش عبقري صح ؟ .. و إلا كان زماننا سمعنا عنك في البرامج و كده يعني سيادتك معدل ذكائك متوسط تقريباً .. عارف ده معناه إيه ؟ معناه إن نص البشر تقريباً أغبي منك 😆.. متخيل الرعب ؟! متخيل إن نص البشر اللي عايشين بمختلف أماكنهم و مسئولياتهم .. أغبي منك ؟ متخيل قراراتهم ؟ الناس دي معظم صوت لترامب .. و كان النتيجة عنب العنب علي مدار فترة حكمه .. و سبب ضخم من ده .. هو إن الناس الأذكيا شوية .. اللي كانوا شايفين مجرد ترامب كفكرة .. حاجة كوميدية و تضحك .. كانوا بيشيروا الكوميكس عليه و يتريقوا عليه .. فإنتشر بصورة مفزعة … و الأغبياء من البشر مافهموش النكتة .. و ماضحكوش .. لكن إتأثروا بيه و إتبعوه . … 2- في حاجات كتير في الآلة الإعلامية العالمية حالياً .. أصبح ماينفعش حتي تعمل عليها نكت و كوميديا … و إلا حتلاقي آلاف النشطاء اللي منتمين للحاجات دي و فهموا خطورة النكت و الضحك .. واقفين ضدك و بيحاربوك فجأة . العنصرية المضادة مثلاً : ( يعني إنك تكون أبيض .. ماينفعش إطلاقاً تطلع تنكت علي سود البشرة ) .. و ده لأن كتير من سود البشرة اللي فاهمين صح .. فاهمين إنك لو سمحت .. مجرد السماح .. إن حد ينكت أو يضحك علي العنصرية .. فده حيفتح الباب لكتييييييير من المتخلفين الأغبياء من بيض البشرة .. إنهم يتمادوا في النكتة .. و يبطلوا خوف من إتهامهم بالعنصرية .. و المثال اللي فوق ده صح و حلو فوجهة نظري . … 3- المثال اللي مش حلو بقي .. هو الشاذين جنسياً .. و المتحولين بمزاجهم . بيحاولوا بكل الطرق دلوقتي إنهم هما كمان يبقوا تابو من تابوهات الكوميديا اللي ماينفعش تكتب عنهم نكتة أو تتريق عليهم .. في حين إن ففترة من الفترات كانت الكوميديا دي هي أول و أسهل طريقة فإنتشار فكرهم و إستشراء ثقافتهم .. لكن دلوقتي وصلوا لمرحلة من التمكن إنهم مش عايزين يكونوا مجرد مقبول بيهم علي إستحياء في المجتمع .. و لكن شيء تخاف إنك تهاجمه .. و لو حتي بالنكتة . … 4- نفس الطرق دي تم إستخدامها علي مدار التاريخ كتير .. هتلر كلف جهازه الإعلامي بتحويل اليهود لنكتة .. و تحويل معاناتهم لنكتة .. فأصبح سهل علي عقل الألمان إنهم يتقبلوا اللي حصل في اليهود خلال الحكم النازي . و بعدين العكس بالظبط حصل .. تم تحويل هتلر نفسه .. و جهازه النازي .. لنكت .. و ماكينة الدعاية و الإعلام الأمريكية أبدعت في ده .. لحد ما تم تشبيع الوعي العالمي بالكامل بفكرة هزلية النازية .. و بعدين لما حبت الإدارة الأمريكية إنها تنشر ثقافاتها الرأسمالية بكامل طاقتها في العالم كله .. تم إستخدام كل شخصيات ديزني و الكرتون في تحويل كل حاجة عزيزة و قيمة علي عقل المواطن العالمي أياً كانت ثقافته .. لنكتة .. فتلاقي نفسك إنت بتضحك و بتقهقه و إنت شايف شخصية ميكي ماوس لابسه غطرة و جلبية و قاعد علي جمل بتتكلم بلهجة متصنعة .. لأنك شايف ( كاريكاتير ) من ثقافتك .. و بعد فترة من الضحك .. فترة طويلة .. لمدة سنين .. تصبح ثقافتك و هويتك نفسها في عقلك عبارة عن حاجة بتفكرك بالنكتة .. حاجة مهزأة و تضحك .. … 5- عرفت ليه ميكي ماوس ده يعتبر من الحاجات المحرم وجودها فكوريا الشمالية ؟ .. و تم ترويج الموضوع ده كنكتة برضو في الماكينة الإعلامية .. إن كوريا الشمالية بتدور علي الجاسوس ميكي ماوس . … 6- باسم يوسف … بس كده خلاص . … … 7- فرجاء .. رجاااااااااااااااااااااء .. رجااااااااااااااااااااااااااااااااااااااااااااء كمان مرة … و عارف إن عدد قليل جداً ممكن يكون وصل للنقطة دي في البوست .. رجاااااااااااااااااااااااء … ماتساعدش علي إنتشار العبط و الكوميديا و النكت اللي دايرة عن مدعين النبوة ولا كل ما هو مشابه من هراء .. ماتشيرش .. ماتعملش هاها .. لأن ده بيساعد الفيس إنه ينشر أكتر .. ماتكومنتش .. بل .. لو تقدر .. ماتفتحش البوستات دي و تقراها و تقضي قدامها وقت .. و حاول تسكرول بسرعة من عليها .. لأن وقت وجودها علي شاشة موبايلك نفسه أو علي لابك .. بيوضح للفيسبوك إنك مهتم بالمحتوي ده .. و بيساعد علي إنتشاره . … 8- مرة كمان عايزك تفتكر … نص البشر .. أغبي منك .. بكتيييييييييييييييييير اللي إنت بتضحك عليه و شايفه قمة في الإبتذال و التفاهة و الهيخوخوخو .. بالنسبة لهم كلام كبير و عاقل و موزون يصدقوه و يعتنقوه .. … 9- مش مصدق ؟ إنزل علي أى مكان في مصر .. و إسأل علي كمية الخرافات اللي معششة فعقول البشر مكان معتقداتهم .. الخرزة الزرقة , و خرافات الحمل , و خرافات العرف و السلو و التقاليد … … 10 - الفيس بتاعك مش شلتك الصغيرة الضيقة اللي فيها إصحابك اللي شبهك و بس .. و حتي لو كنت قافل كل حاجة في الفيس بتاعك .. و بوستاتك ماحدش بيشوفها غير شلتك الصغيرة اللي كلهم شبهك و نفس عقلك و ذكائك .. عايزك تتخيل تصرف أغبي واحد فيهم .. اللي حيشير بوست إنت منزله كنكتة عندك .. بس هو لأنه ( غبي ) حيشيره بابليك عنده عشان يبان كوميدي و فرفوش و كول … إتخيل باقي الأغبياء اللي عنده حيتصرفوا إزاي ؟ .. صاحبك الغبي ده .. هو الخرم اللي موجود فأى مجتمع ذكي ضيق .. الخرم ده بيسرب الحاجات اللي جوة المجتمع الضيق ده .. و اللي إنتوا بتعرفوا تتعاملوا معاها صح .. بيسربها للعوام الأغبياء من البشر .. و بتكون النتيجة هي إنتشار أمراض فكرية .. بتفضل سيادتك تعاني بعد كده عشان تعالجها مع أقرب قرايبك لما تلاقيه بيقولك كلام تخاريف قراه علي الفيس . … 11- الكوميديا خطر .. جداً .. و ينصح بحفظها بعيداً عن الأغبياء .