رمضان السنة اللي فاتت, طرأت فدماغي فكرة إني أقرأ قرآن

رمضان السنة اللي فاتت, طرأت فدماغي فكرة إني أقرأ قرآن في الستريم اللي باعمله علي تويتش … و مشاركة أفكاري و المعاني اللي بافهمها متحدثاً بالإنجليزية .. قدر إستطاعتي . يعني مش باترجم القرآن .. لا .. أنا باقرأ بالعربي عادي .. و لكن كل كام آية .. لما عقلي بيتوقف عند بعض المعاني .. بابدأ أشرحها بالإنجليزي . .

• الستريم هو ( معناه و قصته يعني ) : إني باطلع لايف بشكل شبه يومي علي ( تويتش و تيكتوك ) ألعب فيديو جيمز . .
• سبب إني باعمل كده : شرحت ده في أكتر من بوست أيام ما بدأت من سنة , و لكن للتلخيص هو : ( محاولة للتواجد بشكل أكبر .. بآرائي .. و أفكاري .. و معتقداتي ) و ده كان بعد إحساسي بالعجز تجاه كل ما كان و ما زال يحدث في أهالينا ..
  و إزاي كان الناس منتظره ممن عندهم شهرة بالفعل ( ك لاعب كرة مشهور أو مذيع مشهور ) إنهم ينتصروا للقضية .. في حين إن إمتلاك أسباب الشهرة متاح للجميع حالياً . .
• ليه ( فيديو جيمز بالذات ؟! ) .. مش باطلع أشرح كورسات مثلاً ؟ 1- لأن النجاح في أى شيء مقترن بالإستمرارية .. و أكثر شيء في ذاكرتي أنا مستمر فيه طول حياتي هو لعب الفيديو جيمز 😅 . 2- لأن الفيديو جيمز نشاط أبوابه مفتوحة للجميع ( Low barrier to entry ) , فبالتالي .. أى حد ممكن يشترك فيه و يدخله .. علي عكس كثير من مجالات الكورسات اللي ممكن أشرحها … و بفضل الله وحده أولاً و أخيراً .. ( و كنت كتبت بوست تفصيلي عن ده وقت حدوثه ) .. شاب من البرازيل كان شاف الستريم بتاعي بالصدفة البحتة .. و بدأ في طرح أسئلته تدريجياً .. و بعد عدة نقاشات .. و بعد عدة شهور .. لقيته أرسل ليا إنه أسلم و أعلن الشهادة في المسجد الوحيد اللي في مدينته .. و بيشكرني إني كنت أحد أسباب القرار ده 🥹☺️… إن شاء الله .. حاكرر التجربة السنة دي برضو .. . و زي ما قلت السنة اللي فاتت .. حاعيد .. أنا إطلاقاً مش متمكن في التلاوة ك محترف .. أنا إطلاقاً مش متمكن في التفسير ك فقيه .. أنا إطلاقاً مش متمكن في الدعوة ك داعية محترف .. أنا إطلاقاً مش متمكن حتي في لعب الفيديو جيمز ك محترف . . أنا مجرد باحاول .. في ده .. و في كل حاجة تانية في حياتي .. مقابل أى نجاح بيظهر بفضل الله … بيكون في عشرات المحاولات الفاشلة في كل إتجاه بفضل الله برضو . . و لكني مؤمن إن أى خوف من أخذ الفعل في إنتظار إكتمال مثالية الفعل .. بيؤدي لعدم القيام بالفعل من الأساس … فيما يلي .. لينكات و روابط اللي ليها علاقة بالأنشطة دي ليا : . 1- لينك تويتش .. و ده اللي منين ما حاكون لايف .. حتلاقيني لايف هناك : https://www.twitch.tv/korionx1

2- لينك تيكتوك .. و ده برضو في الأغلب .. متي كنت لايف علي تويتش .. حاكون لايف علي تيكتوك . https://www.tiktok.com/@eslamosamaelgwaily

3- لينك سيرفر ديسكورد .. و ده للي عايز يدردش معايا و مع كل اللي عايزين يدردشوا معايا في نفس ذات اللحظة .. اللي هو كلنا ندردش مع بعض و تقدر تشارك اللي تحب تشاركه هناك . https://discord.gg/dA6VXM2mnx

4- لينك صراحة .. كان بقالي فترة طويلة ماشيرتوش .. و لكن طالما باجمع اللينكات هنا .. ها هي : https://72216243027108.sarhne.com

5- لينك يوتيوب … و اللي غالباً بارفع عليه أى شيء باحب أحتفظ بيه من المحتوي ده كله . https://www.youtube.com/@ZaGamingEngineer

… *** ملحوظة : للأسف مش حاعرف أحدد المواعيد اليومية اللي حتواجد فيها .. لأني جدولي و مواعيدي سمتهم الأولي هي الشقلبة و العشوائية نتيجة إرتباطاتي المختلفة .. فإنت و حظك بقي 😅