لا إله إلا الله , و لا حول ولا قوة

لا إله إلا الله , و لا حول ولا قوة إلا بالله .. إذا كان رسول الله صلّي الله عليه و سلّم نهي الصحابة إنهم يقوموا تعظيماً له لو هما جالسين .
.. فيديو الإنترفيو ظهر قٌدّامي دلوقتي .. و فعلاً عصّبني و ضايقني .. جداً .. ناس كتير جداً من الأصدقاء عندي هنا علي الفيس .. إشتغلوا ( معايا ) فمكتبي بالفعل .. مش ( عندي ) .. و لو باكدب مثلاً في أى شيء باقوله هنا يقدروا يوضحوا ده مباشرة . مافيش حاجة إسمها ( إشتغل عندي ) .. في حاجة إسمها ( إشتغل معايا ) .. . فكل مكان إشتغلت فيه في أى منصب داخل أو خارج مصر .. يعلم الله إني فعلاً كنت بابقي شايف قيمة الإنسان اللي بيساعد في تنظيف المكان بنفس قدر و قيمة الإنسان اللي علي قمّة الهرم الإداري أو مالك المكان . . و شرحت كتير جداً .. إن الهرم الإداري ده … إداري علي نفسه .. مش علي البشر .. يعني .. في ما له علاقة بالعمل و قراراته .. أيون في مؤهلات تخلّي في تسلسل يٌحترم في القيادة و إتخاذ القرارات . . لكن .. في الحياة .. في القٌعاد و الجلوس .. في العلاقات البشرية .. البشر سوااااااااااااااااااء متساويين تماماً في كل شيء إلا التقوي .. ( لا فضل لعربي علي أعجمي إلا بالتقوي ) . و التقوي هنا معناها إيه كمان ؟! عشان بس بيحصل فيها سوء فهم كبير … التقوي معناها مش الدروشة .. مش بوس الأيادي .. مش التمسّح .. و لكن التقوي اللي تحرر الإنسان من عبادة العباد لعبادة رب العباد .. بكل صور العبادة دي . .. في بيئة التعليم و الدراسة .. أفهم و أتقبّل إحترام المدرّس أو دكتور المادة .. و إني أقف قُدّامه و ماقعدش غير بإذنه . . لكن في بيئة العمل ؟!!!! .. ليه أقف قٌدّام شخص بيشتغل معايا ؟! .. ليه ماينفعش أقعد غير بإذنه ؟! .. حتي لو المنصب اللي باقدّم عليه له علاقة بالمبيعات .. أنا مش بادرّب عبد عايزه يروح يتذلل عشان يبيع منتجي .. قسماً بالله تعاقدات كتير تنتهي فقط لما يكون في أى نوع من إساءة إحترام الإنسان اللي موجود . و ال( مبيعات ) بالذات اللي إشتغلوا معايا بالكامل .. كنت باشرح لهم إنهم سٌفراء لنا .. و إن المبيعات بالذات .. هو أهم أقسام الشركة اللي هدفها النمو و الربحية . و إن أحد أهم المهارات اللي محتاج يتعلمها أى إنسان في البيزنس .. هي المبيعات .. قبل الإدارة .. قبل ما ينزل الورشة .. قبل أى شيء آخر .. إنت تروح و تتعلّم تفهم إحتياج العميل .. و تتناقش معاه .. و تتفّق معاه . .. مش تتذلل له .. … أنا باكره كلمة ال ( إتيكيت ) .. باكرهها بكل ما تحمله من محاولات ل تلميع القذارة الغربية الأوروبية .. و رش كل أنواع البرفان الفرنسي عليها مثلاً عشان أقتنع برضو إن ال ( قذارة ) دي .. مش قذرة . . لا .. هي قذرة . في كل ما له علاقة بالأكل , بالعلاقات الإجتماعية , بالعلاقات العملية , باللبس , … بكل جوانب الحياة . . كل ما يٌسمّي إيتيكيت .. ما هو إلا تلميع ل قذارة حضارة قامت علي الإستعباد و النهب و سيطرة الإقطاعيين علي نفوس البشر .. … و باكره التملّق و المظاهر الفارغة الكدّابة دي .. من الناحيتين .. كرهتها لما شفتها في ناس يظنوا إني المفروض أقدمها لهم .. و كرهتها اكتر والله لما شفتها في ناس .. يظنوا إنهم المفروض يقدموها ليا .. .. العلاقة بين أى شخصين في بيئة عمل .. علاقة قائمة علي تساوي كااااااااااااااااااااااااااااااااااااااااااااااااااااااااااااااااااااااااااااااااامل في الحقوق البشرية و الإنسانية و الحرية . . و أى ( طلب ) مش أمر .. يٌطلب من موظف .. المفروض يكون له تعليل كامل واضح تماماً من حيث ده فمصلحة الشغل ولّا لا .. . و مش معني كده إن لازم التعليل ده يحصل في لحظة صدور الطلب .. أكيد مثلاً أنا لو حاطلب من شخص جديد لسة جاي بيتعلم الشغل معايا إنه تحت أى ظرف ( مايبوشش عالمين - shouldn’t push to main ) حاجة جديدة بنبنيها في برنامج شغالين عليه مثلاً .. و إنه يعمل ( revert = يرجع ) لخطوة غلط عملها ممكن تأثّر علي آلاف المستخدمين .. بكل تأكيد مش المفروض إني أقعد أعلل له و أشرح له أثناء ما الدنيا بايظة لحد ما يقتنع . . لكن .. بعد ما ينفذ الطلب ده بأسرع شكل ممكن … لازم يسألني أنا طلبت منه الطلب ده ليه .. و لو ماكنش في وقت للسؤال ده النهاردة أو بكرة أو بعده .. الشهر ماينتهيش بدون ما يسألني في كل تفصيلة صغيرة و كبيرة .. . و إلا حيتعلم إزاي ؟! . و إلا .. حيفضل طول عمره مٌتدرب ؟!!! … بيئة العمل الإقطاعية فقط .. اللي كان فيها الفلاح الأوروبي عبد عايش في ضيعة الدوق .. هي البيئة اللي مش مسموح فيها بالجلوس أمام الدوق 🤣. … و الله أعلم … . نسيت أوضح إن الحالة الوحيدة اللي كنت بامنع فيها الناس يقعدوا قدّامي .. لما كنا بنقطع بعض في ماتشات البينج اللي مٌفتقدها والله العظيم 🤣 .