أحد الحاجات اللي فعلاً شايف إنها " كويسة " في

أحد الحاجات اللي فعلاً شايف إنها ” كويسة ” في إن أخيراً موضوع ( إبستين ) ده أصبح تريند .. هو إدراك الناس إن العالم ماتغيرش .. ماتغيرش إطلاقاً .. يعني .. مستغرب إن حد تظن إنه علي خير إتقتل ؟! .. مات مظلوم ؟! .. يا حاج الله يبارك لك .. سيدنا يحيي .. النبي .. إبن سيدنا زكريا عليه السلام .. اللي دٌعاؤه مذكور في القرآن .. مات مقتول .. بسبب إمرأة شمال .. وزّت راجل شمال كان بيحكم قومه .. ف قتل سيدنا يحيي .. و مثّل برأسه . .. العالم ماتغيرش .. يعني .. مستغرب من عقيدة الكائن البٌرتقالي .. و قومه .. اللي هي ( Might equals Right = يعني : القوة و الدراع هما الصح .. و اللي أقوله يمشي بالفتونة ) .. و جرينلاند حلوة و عاجباني ف حاخدها .. . دي هي نفس عقيدة كل من خالف شرع الله علي مدار التاريخ .. منذ بداية وجود الإنسان علي الأرض .. . لكن .. عشان إنت ماتبقاش مٌزعج بالنسبة لهم .. معلش .. صدّق إن قوتك و إعدادك للقوة و رباط الخيل .. هما اللي غلط .. و وحشين .. و همجية . … العالم ماتغيرش .. يعني .. الكلام بتاع : الدنيا إتغيرت .. و إن الإقتصاد أصبح مش بالبساطة بتاعت زمان من 1400 سنة .. و إن الربا اللي في القرآن .. مش هو المقصود بيه خالص الأنظمة المالية التقنية المٌعقدة ( Fintech jargon ) .. اللي بتساعدك تتأقلم و تعيش وسط القرن ال22 .. . فجأة بتكتشف دلوقتي إن : ثانية واحدة .. هو الدهب و الفضّة فين ؟! .. إزاي في دولة كاملة بحجم الأرجنتين مثلاً .. مديونة بالكامل و بتتباع بالخٌردة و القطّاعي و بالرخيص .. و ماحدش يقدر يقول بم .. ثانية واحدة .. هو 2008 .. و اليومين دول .. مين اللي طلع مٌستفيد منهم ؟! . . و ثانية واحدة .. هو الراجل إبستين ده .. كان شغّال إيه بالظبط ؟!
و قصة حياته إيه بالظبط ؟! ( كل حياته هي الفلوس و البورصة بالمناسبة ) .. … … العالم ماتغيرش إطلاقاً .. … في غزوة أٌحد .. ظن المسلمين إن العالم إتغير عن غزوة بدر .. و النتيجة كانت ؟! . … العالم ماتغيرش إطلاقاً .. عن شكله الحقيقي .. الوااااااااضح جداً في القرآن .. و كل ما ظننت .. و لو للحظة .. إن ( لا يا راجل .. العالم دلوقتي إختلف ) .. . ركّز أوي علي الناحية التانية من الجبل .. . و الله أعلم .