الساعة 4.30 فجراً حالياً .. باتفرج علي ( UFC )

الساعة 4.30 فجراً حالياً .. باتفرج علي ( UFC ) منتظر ماتش ( إسلام ماخاشيف ) .. و شوية أفكار عشوائية بتدور في عقلي .. حاكتبها عشان أفضّي دماغي أستمتع بالماتش 🙂 .. 1- كمية كبيرة جداً من إيميلات ( إبستين ) طلعت .. و فيها تأكيدات كاملة علي كم ضخم من فضائح ترامب .. و حاجات فعلاً ماتوقعتهاش ( زي موضوعه مع بيل كلينتون 🤣 ) .. و لكن .. كنت بافكر أكتب بوست بالإنجليزي و أنزله علي ( صابستاك ) .. و بافكر أساساً أعمل أكاونت ( صابستاك ) 🤣 .. أو أعمل فيديو تيكتوك .. و أشرح فيه إن إطلاقاً ده مش حيؤدي لأى بلح فأى بتنجان في شعبية ترامب .. بل الأغلب إنها ( حتزيد ) .. و جداً كمان . . ببساطة .. اللحظة الأيقونية في مسلسل ( The boys ) .. لما ( هوملاندر ) بيقتل شخص فوسط الشعب بالكامل .. و يكتشف إن الشعب بيهتف له و يشجعه .. مهما عمل .. هو ده فعلاً حال النفس البشرية المٌستعبدة فأسوء صورة لها .. إن عموم الناس و الأغلبية .. بتشجع و حتشجع أسوء و أقبح و أقذر ما فيهم و من فيهم . و حيدوروا و يكتبوا و يألفوا كل المبررات الممكنة اللي تشجعهم علي ده . . فبالتالي .. بالنسبة للغالبية من جمهوره .. إن ترامب بتاع أطفال ؟! .. بتاع رجالة ؟! .. بتاع كل أنواع القاذورات الممكنة ؟! .. كل ده مش مشكلة .. و حنحارب عشانه و من أجله و نشجعه و نحبه .. و كمان مئات السنين حيتعبدوا قٌدّام تماثيله كمان . . ** في برنامج رائع باحب أتفرج عليه حالياً علي نيتفليكس إسمه ( physical asia ) .. 8 فرق من 8 دول أسيوية بيتنافسوا ضد بعض في مسابقات قوة و لياقة جسدية . أحد الفرق من ( منغوليا ) … و أكتر شيء بيتم تكراره علي مدار الحلقات .. و في كل الفيديوهات عالسوشيال ميديا اللي بيشجع الفريق .. هو : أحفاد جنكيز خان . جنكيز خان .. اللي بالنسبة له ( ترامب ) يبقي ولد متربي لابس نضارة و مسرح شعره علي جنب .. بيتم تمجيده بعد مئات السنين .. هي دي الحياة الدنيا .. و النفس البشرية . … 2- كمية كبيرة من الفيديوهات عالسوشيال ميديا طلعت بتناقش : ( هل الحملات الصليبية فعلاً كانت حملات شريرة ؟ 🤣🤣🤣 ) . . و فيهم .. بيناقشوا إن : الإمبراطورية الإسلامية كانت توسعت للغاية .. و تعدت علي الدول المسيحية المٌسالمة 🤣😅 .. و بالتالي .. توحدت الدول المسيحية المٌسالمة دي و قرروا يدافعوا عن نفسهم و أرضهم و مٌقدساتهم في فلسطين . .. فيديوهات بالدقائق .. بتختصر تاريخ مئات السنين .. في ( سردية قصصية ) تٌلائم الإتجاه المرغوب فيه من الفاشية الرأسمالية حالياً . . بعد اللي حصل في 7 أكتوبر من سنتين .. العاطفة العالمية أصبحت ضد ولاد ال^*% بشكل ضخم .. ( و ده أغلب الظن هو هدفهم بناءاً علي شروحات ناس كتير لأدق تفاصيل المتعصبين من العقيدة اليهودية بالمناسبة ) . . و لكن .. الفاشية الرأسمالية المٌسيطرة .. مش عايزين إن العاطفة العالمية تكون في صف الإسلام و المسلمين إطلاقاً .. لأن الإسلام هو النظام الوحيد المعروف تاريخياً حتي الآن في إنه نجح في إقامة أى حضارة بشرية لمئات السنين .. غير مٌعتمدة علي الرأسمالية . . فبالتالي .. بدأ دعم حملة ضخمة .. هدفها هو مٌحاربة الدعم العاطفي العالمي الحديث ده .. . ماعرفش إمتي حيبدأ تسرّب السردية القصصية الجديدة دي للعالم العربي ( و خصوصاً الأطفال ) .. و لكني مٌتأكد إنه حيحصل .. و في الأغلب .. قريباً جداً .. و غالباً حيطلع معاه حملة ضخمة إن ال( مٌسلمين ) يبدأوا في الإعتذار عما بدر منهم تجاه الصليبيين زمان 🤣🤣🤣 … إشمعني القصة بدأت بالتركيز علي ( الحملات الصليبية ) مخصوص ؟ . لأن زي ما شرحت .. الخناقة حالياً فيها 3 أطراف .. مش طرفين بس .

• طرف ي#ودي متعصب جداً عايز يعجل بنهاية العالم عن طريق حرب ضخمة بين الي#ود و باقي العالم .
• طرف رأسمالي لا يدين إلا بعبودية الرأسمالية طالما بتحافظ علي وضعه ال( سياسي , عسكري , إقتصادي ) .. و هدفه هو بقاء الوضع علي ما هو عليه .
• طرف ( الإنسان الطبيعي الفطري ) اللي بيدور علي حريته اللي ربنا خلقه بيها و لها . . فبالتالي .. الحملات الصليبية .. هي اللي بتمس تاريخ أوروبا ( بؤرة العالم الرأسمالي الحالي ) . . *** ملحوظة توضيحية : الكنيسة الكاثوليكية ( الفاتيكان ) لما حبوا يهربوا من عدم الإستقرار الأوروبي في بدايات 1800 .. وضعوا كل إستثماراتهم المادية في المكان الجديد البعيد اللي كان لسة فاتح و فاضي أيامها ( أمريكا و وول ستريت 🤣) .. و ما زال حتي الآن .. من أكبر المستثمرين في أمريكا هو ( الفاتيكان ) . و ده يشرح لك كتير جداً من التوجهات الدينية و السياسية للجزء ده من أوروبا … الماتش شوية و حيبتدي 🙂..