1- لا يوجد أى قانون ديني أو دنيوي بيقول إن
1- لا يوجد أى قانون ديني أو دنيوي بيقول إن مسئولية ( الطبيخ و الغسيل و إعداد البيت و ما شابه من مهام ) هو مسئولية الزوجة فقط ... و إني عشان أنا رجل .. يبقي من حقي أتعامل مع زوجتي ك( room service - خدمة غرف ) .... إطلااااااقاً .
1- لا يوجد أى قانون ديني أو دنيوي بيقول إن مسئولية ( الطبيخ و الغسيل و إعداد البيت و ما شابه من مهام ) هو مسئولية الزوجة فقط … و إني عشان أنا رجل .. يبقي من حقي أتعامل مع زوجتي ك( room service - خدمة غرف ) … إطلااااااقاً . و أنا مؤمن إيمان كامل بإن دوري جوة بيتي هو نفس دور زوجتي .. و إني مطالب بالطبيخ و الغسيل و إعداد البيت و ما شابه من مهام .. بالظبط زيها فكل شىء . 2- حياتنا مش عبارة عن منتج إشتريته .. و إكتشفت إنه فيه مشاكل .. فتبدأ تشتكي عشان ترجعه للمحل تاني . حياتنا عبارة عن رحلة .. بنبتديها من مكان .. و ننهيها فمكان تاني .. و اللى بيحصل في الرحلة دي إحنا نقدر نتحكم فإنه يحصل و إحنا سعدا و فرحانين و مستمتعين . أو تعسا و تعبانين و متخانقين . إفتكر مراحلك الدراسية .. و إزاى دلوقتي بتحن لأيام ما كنت بتتعلم كل شىء و حاسس إنك تتقدم في الرحلة . تقدر دلوقتي برضو تستمتع بالرحلة دي معاها .. و تدور علي كل الطرق و الوسائل إنكوا تتعلموا تطبخوا و تغسلوا و تعدوا البيت مع بعض .. بإستمتاع .. شخصياً .. أنا بتابع ناس كتير زي ( matt d’avella ) عاليوتيوب و باستفيد من خبراته و أفكاره فحاجة زي ال (minimalism ) .. و ممكن أتكلم ففيديو قادم إن شاء الله عن تأثير ده علي حياتنا جوة البيت . . 3- مراتك تبقي فقمة سعادتها لو لقت فيك الأب اللى هي كانت بتحلم بيه لنفسها .. و الهدف البيولوجي و المحرك الأساسي الأوحد لكل إناث العالم في بداية كل أفكارهم هو : رغبتهم في الإحساس بالأمان . .. لو بدأت تحسسها إنها مقصرة أو ملامة علي كل حاجة مش مغسولة .. أو أكلة مش معمولة أو معمولة غلط .. أو أى شىء تاني .. حتبدأ هي تكره كل حاجة من الحاجات دي لأنها بتسرق من إحساسها بالأمان و الإستقرار .. و عمرها ما حتعمل أى منهم عن حب . لكن لو بدأت تعاملها بالظبط زي بنتك الصغيرة .. و تشاركها بالكامل ( قدر إستطاعتك حتي لو بتتعب فى الشغل برة ) فكل حاجة .. حتبدأ ( بالظبط زي بنتك ) تحاول تريحك بكل الطرق حتي لو تعبت نفسها فده .. لأنك بالنسبة لها ( مصدر الأمان ) .. و حتعمل هي أى شىء عشان تريح ( مصدر الأمان ) ده . . 4- عارف إنك ممكن تكون مفحوت في الشغل برة البيت .. و بترجع مش عايز غير سرير نضيف و لقمة سخنة . إسمحلي أقول لك إنك ( عشان راجل) لازم تتعلم تنضرب و تتألم برة البيت .. و لما ترجع البيت مايكونش علي وشك غير إبتسامة تحسس مراتك بالأمان . و إنك أى فلوس حتعملها فشغل .. مالهاش قيمة .. لو ضيعت الساعات و الدقايق الغالية جداً جداً من حياتكم دلوقتي لأنك زعلان إنها ماطبختش .. و هي زعلانة إنك مكشر فوشها . . 5- أستاذي .. المفروض إن إحنا بنشتري بمجهودنا و فلوسنا و وقتنا الحاجات اللى تخلينا نستمتع ( أكتر ) بحياتنا … و تخلينا أفيد لنفسنا و لغيرنا . اللحظة اللى تحس إنك بتضيع إستمتاعك ده .. أو علاقتك .. أوإن فايدتك لغيرك بتقل كل ما إنت بتتفحت أكتر فشغلك مثلاً .. إعرف إن في حاجة غلط و إنت محتاج تغيرها … و إنك حتندم علي ده بعد سنين .. و عشان ماتندمش .. إبدأ إستعين بيها .. بزوجتك .. شاركها كل ده .. و فكروا إزاى تقسموا وقتكوا صح .. عشان تعمروا بيتكم ( مع بعض ) . . 6- زوجتك إنسانة كاملة الأهلية .. لو إنت حاسس إنها مش بتعمل اللى هي المفروض تعمله .. أؤكد لك .. إن بنسبة كبيرة جداً إنت السبب فده .. لأنك أحد أدوارك الأساسية فى الحياة هو إنك تخليها تحب تعمل كل ده .. بالظبط زي علاقة المدرس بالطالبة .. المدرس اللى يشتكي إن الطالبة اللى عنده مش بتحل كويس فى الإمتحان .. يبقي أكيد جزء كبير من طريقة تدريسه هي اللى غلط . . و قبل ما يطلب من الطالبة إنها تعمل اللى عليها و تذاكر .. لازم يطلب من نفسه إنه هو اللى يعمل اللى عليه … و يحببها في المذاكرة . .. والله أعلم .