1- محتاج أعمل الشغلانة دي

1- محتاج أعمل الشغلانة دي . 2- باعمل ريسيرش علي الأدوات اللي الشغلانة دي بتتعمل بيها . 3- بعد نص ساعة ريسيرش .. باختار آداة رقم واحد .. و أشتريها .. و أبدأ أعمل بيها الشغلانة . 4- بعد ساعة من الشغل .. و إنتاج 20% تقريباً من الشغلانة .. باحتاج أعمل تعديل علي حاجة جوا الشغلانة . 5- باعمل ريسيرش نص ساعة تانيين .. و أكتشف إن الأداة اللي إشتريتها ليها 37 إستخدام مختلفين عن الإستخدام اللي إشتريتها أساساً عشانه . 6- و باكتشف إن التعديل ده محتاج أنزل ليه آداة مخصوصة تانية . 7- بعد ساعة من الريسيرش .. بانزل الآداة عشان أعمل التعديل .. و باعمل التعديل .. و بعدين أكتشف إني لو كنت نزلت الآداة رقم 2 من الأساس ماكنتش حاحتاج أشتري أدوات مختلفة عشان أداة رقم 2 فيها البلاجن اللي بيعدل التعديل اللي محتاجه من الأساس . 8- بادخل علي لينكد إن أشوف ناس شغلتهم الأساسية و مجال تخصصهم هو الشغلانة دي .. و أشوف لو حاعين حد لمدة 5 شهور حاحتاج أدفع له كام 9- باعمل دراسة مقارنة بين تكلفة تعيين محترف لمدة 6 شهور و إنتاجيته .. و بين الوقت اللي حاحتاجه لحد ما حاوصل لمستوي إحترافي معين بنفسي و تكلفة الوقت ده عليا شخصياً . 10- بافتكر ال 8 شغلانات التانيين اللي المفروض كنت أخلصهم النهاردة و نسيتهم في خلال الخطوات من 1 ل 10 . 11 - بافتكر 7 أو 8 حاجات تانيين أصدقاء ليا بعتوا ليا أو كلموني عشانها و طلبوا مساعدتي فيها .. و أقعد أحس بالتقصير تجاههم شوية . 12 - بافتح تاب جديد و أسيرش علي أسبوع في دهب ولا أسبوع في الساحل و لا أسبوع فمطروح . 13- بافتح سكرين ريكورد و أبدأ أسجل فيديو أشرح فيه لأحد اللي بيشتغلوا معايا الحوار بالكامل إستعداداً إني أرميه علي عاتقه . 14- بافتكر إن عشان أعمل ده حاحتاج إني أقضي شوية وقت كتير عشان أشرح ليه تفاصيل 5 أدوات تانيين العملية معتمدة عليهم من الأول . 15 - باقفل السكرين ريكورد و أشغل حلقة من ( the office) للمرة التشيليون . 16- با (project ) علي ( مايكل سكوت ) فباقفل الحلقة و أحس بال( imposter syndrome ) بينتشر فأعماقي .. فأرجع أفتح ويندو كروم من أول و جديد و أسمي الله .. و أفتح صفحة جديدة في الورق قدامي .. و أقرر أبتدي دراسة مجال اللي جابوا ديك أم الأداة رقم واحد من الأساس . 17 - بعد ساعة .. باكون إكتشفت بتاع 14 أداة و إستخدام و تريكاية مختلفين ماكنتش أعرف أساساً إنهم موجودين في الحياة . 18 - باكون نسيت أساساً أنا كنت عايز أعمل إيه في الشغلانة . 19- بيجيلي نوتيفيكيشن إن أكشن خدته من يومين فاتوا .. حصل عليه أبروف .. و جزء من مكنة تانية .. فبروجكت تاني .. بدأ يطلع قماش . 20- باحس إني فتاك و تنين مجنح .. و أحط السيجار الوهمي فبقي مؤقتاً و أقول بصوت (ليام نيسون ) ( i love it when a plan comes together ) . 21- بافتح أشوف الجزء اللي إبتدي يشتغل و يطلع قماش محتاج إيه عشان ينفع يتعمل ليه ( أوتوميشن ) و يشتغل لوحده من غير تدخلي .. 22- باكتشف إني محتاج أداة معينة عشان أعمل الموضوع ده . 23 - باعيد الخطوات من 1 تاني . 24 - باكتب البوست ده .. و أقفله هنا .. و أرجع أكمل حلقة ( the office ) .