مهندس كهرباء إتصالات و إلكترونيات , هندسة إسكندرية

أنا مين : … مهندس كهرباء إتصالات و إلكترونيات , هندسة إسكندرية شلت سنة تالتة مرتين , فبدل ما أتخرج 2010 .. إتخرجت دفعة 2012 . دور تاني 😎 . … أسباب فشلي الأكاديمي ( من وجهة نظري حالياً ) :

• ماكنتش لسة أعرف إني باعاني من (متلازمة تشتت الإنتباه = ADHD) , و فضلت علي مدار سنين الكلية باحاول أحفر في المية .. بشوكة مخرومة 🤣 .
• كنت باكتفي بإني ( فهمت ) المعلومات اللي بادرسها في الكلية .. و لكن ماكنتش بابذل أى مجهود فإني أدرب نفسي علي إني أمتحن فيها .. فبتكون النتيجة إني حاسس إني فاهم .. لكن إطلاقاً مش متقن للمعلومات بالشكل الكافي إني أُمتحن فيها . .. لما شلت سنة تالتة أول مرة .. حياتي ( من وجهة نظري المحدودة جداً أيامها ) كانت أصبحت مالهاش معني .. و فكرة إني حاعيد سنة دراسية كاملة بكل تفاصيلها كانت بالنسبة ليا من أقسي كوابيسي في الوقت ده . . بعد معاناة أيام في الموضوع ده .. ربنا ألهمني إن طالما هي خلاص كده كده بايظة … فأنا أضرب الدنيا صرمة .. و أدرس اللي علي مزاجي .. بالشكل اللي علي مزاجي .. بدون ما أبقي خايف إن حد يمتحني علي مزاجه .. أو إني أكون محتاج أحفظ أى معلومات أو قوانين أو ما شابه . . و علي مدار التلات سنين اللي بعد كده ( من 2009 ل 2012 ) .. درست و إشتغلت ( بشكل حر - freelance ) في : ( algorithm design and analysis in bioinformatics , web dev , web design
  , game theory and statistics , browser game design and dev ) . . و نزّلت و إتفرجت علي معظم الكورسات المفتوحة المجانية اللي كانت متاحة من MIT في الوقت ده في مجالات : ( math ,Computer science , electronics design ) . . إتفرجت علي عدد محترم من كورسات سيسكو .. ( CCNA , CCNP , CCIE , … ). . إتفرجت علي كم ضخم من كورسات ( TTC = the teaching company) فمجالات عجيبة زي : الفلسفة و تاريخ الفلاسفة , النحت و تاريخ الفن , فلسفة العلوم , … و غيرهم . و سنة 2009 كانت السنة اللي بدأت أسمع فيها ( audiobooks = كتب صوتية ) .. و ماتوقفتش لحد النهاردة . بمعدل تقريباً كتابين في الشهر .. ** الكومنت التاني ححاول أحط فيه جزء من مكتبة الكتب الصوتية اللي سمعتها علي مدار السنين .. أعتذر إنها مش حتكون تجميعة كاملة .. لأنها متقسمة عندي بين أجهزة مختلفة . … أثناء ما باكتب الكلام ده دلوقتي .. إفتكرت إني عندي note كاتب فيها المحتوي ده بالكامل .. لأني ماكنتش باعمل حاجة أيامها غير إني أداونلود الكورسات دي .. و بعدين أنسخهم علي ديفيديهات . و ال note دي فيها تفاصيل مكتبة الديفيديهات بتاعتي ( لسة موجودين عندي لحد النهاردة بشنطهم 😎😁) .. ** فعشان ألخص الجزء ده في البوست .. الكومنت الأول حيكون فيه نسخة من الجزء ده من ال Note .. بحيث لو حابب تستخدمه كمرجع للكتب اللي كنت قريتها في الوقت ده أو الكورسات اللي شفتها . ملحوظة : ال note دي لحد سنة 2012 بس .. بعد كده كنت بطلت أستخدم ديفيديهات . … … من 2013 ل 2014 … جيش 🙂 .. خلال سنة الجيش .. نسيت تفاصيل كل اللي فوق .. حرفياً .. و لكن كنت أخدت معايا شوية كتب إشتريتهم من النبي دانيال أيام الجيش .. طلعت فاكر الكتب دي بس 😆 . فاكر منهم دلوقتي :
• java for dummies Introduction to Operations Research by Frederick S Hillier and - Gerald J. Lieberman
• كل مجموعة باولو كويلو ( لحد 2013 ) .
• the Organization Man by William H. Whyte … خلصت جيش 2014 .. طرأت فدماغي فكرة إني أعمل شركة تعمل أبليكيشن إسمه ( Toshkar - تُشكر ) .

*فكرته بالتلخيص المخل : عمل كتالوج للمحلات الصغيرة و الأكشاك حتي و ما شابه .. في المدن و الأقاليم .. الكتالوج ده بيتم تحديثه بشكل مباشر- live و مستمر .. و بناء محتوي تعليمي لأكبر عدد من المنتجات اللي في الأسواق دي .. بيقدم المحتوي ده أصحاب المحلات نفسهم .

*هدف الأبليكيشن في الوقت ده ( من وجهة نظري ) : إني كنت شايف محلات معينة محتكرة السوق , في حين إن كان في محلات تانية بتقدم خدمة أفضل بكتير و أسعار أحسن .. و لكنها علي أطراف المدينة أو مش فشوارع زحمة أو مشهورة .

*و طبعاً كان في عدد من الخدمات و المزايا اللي قدرنا نتخيلها فوق ال( concept = فكرة ) دي .. و بدأنا نحاول نبنيها بالفعل . … بعد سنة من البناء .. ماقدرناش نوصل لأي ( adoption = إستخدام ) حقيقي من الفئات المستهدفة في الوقت ده .. و إتشتتنا بين أكتر من إتجاه .. و ماقدرناش ن ( Bootstrap - نغطي التكاليف المادية ) للموضوع بالشكل الأمثل . فتم توقف ( Toshkar ) بصورتها الأولي دي . … خلال السنة دي .. كنا إحتجنا ناس تشتغل ك ( مصممين ) جرافيكس و ميديا عشان ينفذوا الشغل . و لأننا كنا بنحاول نوفر كل مليم .. و ماكناش نقدر ندفع مرتبات أو حتي نعين مصممين بشكل مؤقت . فإتعلمت كل منتجات أدوبي خلال أسرع وقت ممكن .. و بدأت أنفذ الشغل بنفسي .. لحد ما ربنا كرمنا و قدرنا نحقق شوية شغل لعدد من العملاء … من العملاء دول كان أكاديمية كورسات .. . خلال أحد المقابلات الأولي مع مدير الأكاديمية في الوقت ده .. ناقشت معاه فكرة إني محتاج ناس تشتغل معايا يكون عندهم مهارات أولية في برامج التصميم .. بحيث إنهم يكون عندهم ما يكفي من المهارة إنهم ينفذوا الشغل .. و مايكونوش محترفين أو مخضرمين بحيث إنهم يطلبوا مرتبات كبيرة . . و لأن تشكيلة المهارات اللي كنت محتاجها في الوقت ده كانت بتشمل ( photoshop , aftereffects , premiere, audition ) فماكنش في ناس كتير ( أيامها ) عندهم المهارات دي بالمستوي ده ( اللي مش محترف يعني ) . . مدير الأكاديمية عرض عليا إني ( أدرّس ) أنا كورس فيه المحتوي ده .. و اللي يطلع منه يشتغل معايا 😅. . بعد الكثير من التردد … إتفقنا إني أشرح ( سيمينار ) عن ال( مالتيميديا ) .. و فآخره نعرض علي الحاضرين .. و لو عدد كافي منهم أبدي إهتمامه إنه ياخد الكورس … نفتحه و نتوكل علي الله . . عدد كافي أبدي إهتمامه .. و فتحنا الكورس و توكلنا علي الله . . و كوسيلة إني أحضّر المادة العلمية اللي حاتكلم فيها أثناء الكورس .. قررت إني أسجل فيديوهات أشرح فيها نفس الكلام اللي حاشرحه في الكورس .. بحيث إن ماحدش يضطر إنه يكتب ورايا مثلاً .. أو إن لو حد سرح أو تاه ( زي ما أنا كنت دايماً باسرح و باتوه ) .. يبقي عنده فيديو جاهز موجود فيه نفس الكلام . . بعد ما خلصت تسجيل الفيديوهات .. جربت أرفعها علي udemy ك كورس .. و نفع 😅 .. و حطيت لها سعر عشوائي من 20 ل 40 دولار تقريباً .. و حددت إن الفئة المستهدفة هي دول الخليج . و إن أى حد من مصر يقدر يبعت لي و حياخد الكورس مجاناً . ماكنتش مصدق لما لقيت إن في ناس دفعت بالفعل في الكلام ده .. بل و حطت تقييمات كويسة 😅 . . و علي مدار السنتين التاليين … لحد 2017 .. درّست فعدد من الأكاديميات .. لحد ما بدأت ألاحظ ( Pattern = تشابه معين ) بين الناس اللي درّست لهم . . و هو إن معظمهم مش بييجي يتعلم المادة العلمية لأنه حاببها أو مهتم بيها .. و لكن إنه بيدور علي ( شغل ) أو ( فلوس ) تيجي من وراها . و ده مش غلط بكل تأكيد . و لكن ده كان لازم يخليني أغير الطريقة اللي باشرح بيها .. و أركز في شرحي أكتر علي ال ( freelance aspect = فكرة العمل الحر ) بالمهارات اللي كنت باشرحها . . نتيجة لكده بدأت أجرب مواقع ال( freelance ) و كان أولهم ( Upwork) . *** البوست اللي باشرح فيه تجربتي مع Upwork لحد ما وصلت ل Top rated و عائد 1000 دولار تقريباً .. حيكون في الكومنت التالت . . بعد فترة بدأت أكتشف عيوب كتير لنظام الكورسات و الأكاديميات بشكل عام .

• عدم التركيز المتساوي بين الطلبة .
• الأكاديمية بتبحث عن الربحية ( عدد الحاضرين ) , بغض النظر عن هل الحاضرين دول فعلاً يقدروا يستفيدوا بالمادة العلمية أم لا .
• عدم وجود قدرة علي متابعة مستمرة بعد الكورس مع الحاضرين .. فبينسوا اللي درسوه و يبقي كأنهم دفعوا فلوس فشيء مالوش قيمة .
• عدم وجود فرصة كافية خلال مدة الكورس للتدريب علي ال ( شغل ) بالمادة العلمية بشكل يحاكي الواقع فعلاً . . فقررت إني حاغيّر الأسلوب اللي باتبعه .. و إني حابطل ( أدّي ) كورسات . و كان في الوقت ده عدد العملاء اللي باشتغل معاهم علي ( Upwork) زاد .. و أصبحت علاقتي بيهم متشعبة و بنقدم لهم خدمات أكتر من مجرد ( تصميم و مالتيميديا ) . فقررنا أنا و زوجتي في الوقت ده بفضل الله إننا ننشإ شركة ( Hand-is) .

و قررنا إننا نطبق أحد الأساليب اللي بنتبعها لحد النهاردة .. و هو إننا نعين ناس ماعندهمش خبرة إطلاقاً .. و بدل ما كنت باشرح لعدد كبير من الطلبة كورس في مجال ما .. و بعدين أحاول أخليهم يجربوا شغل في المجال ده بشكل نظري مثلاً .. لا .. إحنا حنعين عدد قليل جداً ( لا يتخطي ال 5 أفراد ) .. و أدفع لهم مرتبات .. مقابل إنهم يتعلموا المهارات اللي محتاج إنهم يشتغلوا بيها . . يعني ( بيترموا في العميق - get thrown into the deep end ) .. و بيتعلموا الشغل .. أثناء الشغل . . و بفضل الله ده نسبة نجاحه من وجهة نظري .. كانت أفضل بكتير من فكرة الكورسات ( أقصد بالنجاح هنا وصول الأشخاص إنهم يقدروا يعتمدوا علي نفسهم بعد كده و يشتغلوا بنفسهم ) … خلال 2015 ل 2017 .. كنت أنتجت عدد من الكورسات و الفيديوهات اللي باشرح فيها مجالات معينة .. أو أفكار معينة مثلاً كوسيلة إني أدرب إيديا علي برامج المالتيميديا بشكل عام . من ضمن الفيديوهات اللي عملتها كان 3 فيديوهات باشرح فيهم سريعاً ( هي الكهربا بتيجي منين و إزاي ) كوسيلة لتوضيح الكلام اللي كنت باحاول أشرحه لأحد أصدقائي و إحنا قاعدين علي القهوة . . و فنفس الوقت ده ( 2015 ) .. كنت مهتم جداً بتكنولوجيا الكريبتو و البيتكوين ( أيام ما كان البيتكوين بيساوي 20 دولار تقريباً 🤣🤣) . فعملت فيديوهات بتشرح البيتكوين و الكريبتو و ما شابه .. و ده أدّي إني عملت مواقع مختلفة و Assets تعليمية عن التكنولوجي دي ( لأني كنت و ما زلت شايفها شيء رائع جداً ) . . ال Assets دي بدأت تنتشر بشكل ( Organic ) و بدأ يكون عليها Traffic كتير مع بداية شهرة البيتكوين و الكريبتو .. علي 2017 . . فبدأنا نشوف أنا و زوجتي في الوقت ده الطرق المختلفة اللي ممكن ن ( Monetize = نستفيد مادياً ) من ال ( Assets ) دي زي : google adsense و amazon’s affiliates . و ده أدّي بينا إننا نتعرّف علي عالم ال ( affiliates ) و ال ( e-commerce ) في الشرق الأوسط . فبدأنا ن ( integrate = نكامل و نوفق بين ) الخدمات اللي كنا بنقدمها ف ( Hand-is ) .. و نقدمها كأدوات ( Performance marketing ) لشركات الأفيلييتس و الإيكوميرس اللي كانوا موجودين في الوقت ده … الموديل اللي ركزنا عليه في البداية كان : ال ( Assistant Buyer = مساعد الشراء ) , و ده عبارة عن وظيفة مشابهة لل( Genius ) اللي بيكون موجود في محلات ( apple ) الكبيرة … أو ال ( Geek squad ) اللي كانوا موجودين في راديو شاك لو متذكر .. . وظيفته هو إنه بيساعد المشتري فإنه ياخد القرار الصح في الشيء اللي حايشتريه .. و يساعده يشغله إزاي .. و يفضل يقدم ليه خدمات تقنية ما بعد البيع إن أمكن . . و ده إدانا القدرة إننا نتواجد بين المشتري .. و بين متجر ال( إيكوميرس ) . فبالتالي أصبحنا نقدر نجمع البيانات دي بشكل أفضل بكتير من المتجر . و بناءاً عليه قدرنا نحقق إستهداف أفضل بكتير , و أكثر كفاءة . … 2018 .. أعدنا إنشاء ( Toshkar - تشكر ) أنا و زوجتي بفضل الله .. بحيث إنها تكون مسئولة عن شغل منطقة الشرق الأوسط .. و نقدر نفصل ( Hand-is ) إنها بتقدم خدمات برة الشرق الأوسط . … 2022 .. بفضل الله تم ترخيص و إنشاء ( Toshkar - تشكر ) في الإمارات العربية المتحدة و إغلاق فرعها فمصر .. و فخورين إننا شريك مباشر لعدد من العلامات التجارية الضخمة في الشرق الأوسط . … علي مدار الأربع سنين اللي فاتوا .. فمجال الإيكوميرس .. قدرنا نخدم أكتر من 2 مليون مشتري بفضل الله .. و ربنا يقدرنا و نستمر و نحسن من خدماتنا في المجال ده أكتر . … … … … أنا ممكن أكون مفيد ليك إزاي ( من وجهة نظري ) ؟ .. علي المستوي الشخصي : أنا باحب أتسأل .. رجاء إسألني 😆 أو للتوضيح أكتر .. إني أتسأل ده شيء بيريح عقلي نسبياً .. فأى مجال .. لو أعرف طريقة للإجابة .. حاجاوب قدر معلوماتي و إستطاعتي .. لو ماعرفش طريقة للإجابة .. حاوضح ده .. لكن ده حيساعدني إني أعرف أو أفتكر شيء محتاج أعرف عنه أكتر . .. بدون ما ( أتسأل) .. أو يحصل ( تحفيز خارجي ) .. أو ( توجيه ) لأفكاري .. عقلي طول الوقت بيكون في حالة ( wandering - يهيم علي وجهه ) .. بين عشرات و مئات المواضيع و كل و أى حاجة تثير إنتباهي . و دي أحد أكبر مزايا و عيوب ال ( ADHD = متلازمة تشتت الإنتباه ) فنفس الوقت . .. فلما باتسأل علي أى شيء .. بيكون بالظبط كأنك لبّست حصان جامح لجام بيركز عينيه في إتجاه واحد . .. علي المستوي العملي : نفس الإجابة اللي فوق 😅 , بس حتكون من منظور مادي و عملي .. و في الغالب بتنتهي ب ( next action ) معين واضح . … … … أنا حاثبت البوست ده .. و لو في أى سؤال فأى حاجة من اللي موجودة في البوست ده .. أو تظن إني أعرف إجاباتها عموماً .. وضح لي في كومنت .. أو ممكن تبعت علي ( صراحة ) .. أو أى من الروابط الأخري اللي أنا متواجد عليها و موضح بعضها في التعليقات .