سبب سؤالي السابق .. عن مستوي علمك في الفيزياء

سبب سؤالي السابق .. عن مستوي علمك في الفيزياء . إطلااااااااااااقاً مش قصة إني أطلع و أثبت للناس اللي بتقول إن الأرض مسطحة و إن الشمس عبارة عن أباجورة سهّاري بتلف علي مروحة سقف فوق الأرض 🤣🤣 .. .. أنا مدرك كويس جداً إن في آلاف معتنقين الفكر ده و مافيش عندهم أدني إستعداد لتغييره .. و إن علي مدار التاريخ … ملايين و مليارات إعتنقوا أفكار أكثر غرابة و عدم منطقية .. و ماتوا في سبيلها . .. و لكن .. كلامي هو عن ( هل تعلم أنك لا تعلم ؟! ) .. أم وقعت ضحية لنظام تعليم قائم علي التلقين و درجات علي أسئلة في إمتحانات بتدرّب نفسك علي ( بصمجتها ) .. بدون ما تتوقف لحظة للإستمتاع بالعلم نفسه . … أنا درّست لمدة سنين .. فمجالات كان لها علاقة مباشرة بالهندسة و الرياضيات .. و أثناء فترة تدريسي .. تكرر مواقف كتير كنت بابقي مذهول إن في ناس علي درجات أكاديمية عالية .. و عالية جداً .. و خريجين كليات علمية و عملية .. و معلوماتهم في الرياضة و الفيزياء كلها قائمة علي : الحفظ . .. و أبسط الأسئلة الأولية جداً … و اللي المفروض فضول أى طفل صغير بيتطرق إليها بمجرد ما يتعلم الكلام .. تم غلق أبواب الأسئلة دي في عقولهم بشراسة و قسوة .. و علي مدار سنين عمرهم .. عانوا مع علوم .. المفروض إنها قمة في المتعة لما تفهم إزاي بتجاوب علي فضولك الطبيعي … و تساؤلاتك العقلية الطبيعية .. . و لكن .. و غالباً بسبب مدرسين حسبنا الله و نعم الوكيل فيهم .. و في اللي خلاهم مدرسين .. إتبنت بداخل الناس دول عقد و مخاوف و كراهية للعلوم دي ( فيزياء و كيمياء و رياضة و هندسة ) .. و حتي لما بيتخرجوا من كليات متخصصة فيها .. و بيشتغلوا بيها بعد كده .. بيكونوا بيشتغلوا بيها بدون إعمال أى فكر أو تفكير إطلاااااقاً .. .. خلال مرحلة تدريسي .. لما كنت بابدأ أرجع للأساسيات خاااااااالص دي .. و أدردش فيها ببساطة .. حاجات زي : إحنا بنفكر في الرياضيات إزاي . الفيزياء جات منين .. و إزاي .. و التسلسل المنطقي لمعظم جوانب الحياة حوالينا … مبني إزاي .. و غيرها .. . كنت باشوف نظرة في عينين اللي قدامي .. زي اللي كان عايش طول عمره شايل أوزان تقيلة جداً .. و مطلوب منه يجري و هو شايلها .. و فجأة إتشالت عنه الأوزان دي .. و أصبح حر .. خفيف .. رغبته في الحركة و التعلم و التساؤل بتزداد بعدها مباشرة بشكل غير مسبوق . … أنا فأحيان كتير جداً باقع في خطأ معين جداً .. و دايماً متكرر وقوعي في الخطأ ده .. و هو إني أظن إن الجميع فاهم الأساسيات .. و إن معلومات معينة في مجالات بعينها .. معروفة للجميع .. و بالتالي .. أنا مش محتاج أشرحها . … و هنا مش باتكلم في الفيزياء و الرياضيات و الهندسة فقط .. و لكن حتي في الدين .. و البيزنس .. و المنطق .. و غيرها من مجالات الحياة . … في البوست اللي عليه دوشة قبل البوست ده ( بتاع الأرض المسطحة ) .. النقاط اللي تم التساؤل فيها .. بالنسبة ليا فعلاً كانت مفاجأة إنها تكون نقاط تساؤل أساساً .. .. و كون إن نقاط التساؤل أو سوء الفهم دي .. عند ناس كتير جداً بتلمّس مع عقيدتهم و دينهم .. ف ده أدعي إني أحاول أبذل اللي أقدر عليه فإني أتكلم في النقاط دي . … و ده كان سبب سؤالي في البوست السابق مباشرة .. عن تقييم رقمي تقريبي لمستواك في الفيزياء .. لأن .. بناءاً علي التقييم التقريبي ده .. حافهم أنا محتاج أبتدي منين نسبياً . … نقطة أخيرة : بالنسبة ل لغة الحوار .. في بوستاتي .. أنا باستخدم لغة حوار أقرب للسخرية بشكل كبير جداً .. و ده لأن بوستاتي بتكون مش موجهة إطلاقاً ل شخص بعينه .. و لكن ل إتجاه فكري عام . . و فاهم كويس جداً .. إن ناس كتير لم تتعلم و لا تمتلك القدرة علي الفصل بين الهجوم الشخصي علي شخصها .. و بين الهجوم علي إتجاه فكري معين يظنوا إنهم ينتموا له . . و بالتالي .. بينفعلوا سريعاً جداً .. و يردوا عليا ب هجوم علي شخصي .. أنا متفهم سبب ده .. و باتغاضي عنه فأحيان كتير جداً .. و باخده ب سخرية و ضحك .. و لو لاحظت إن التعليق فيه إساءة أدب لا أتقبلها .. باعمل حظر للأسف بشكل مباشر . . لكن .. رجاء .. رجااااااااااااءاً .. لو لاحظت .. إن بمجرد ما يتحول النقاش في التعليقات .. لنقاش مع شخص بنفسه .. رجاءاً مراعاة إن الهجوم عليه و علي شخصه ( مش مفيد إطلااااااااقاً له و لا لك .. و لا لأى حد ) .. رجاءاً مرة أخري .. التفرقة بين السخرية من إتجاه فكري .. و السخرية من الأشخاص . و مراعاة اللغة في ده . . و الحاجة الوحيدة بالنسبة ليا اللي غير مسموح إطلاقاً الهجوم عليها .. أو الكلام عليها ب سخرية .. هي الدين . … و الله أعلم .