في بوست منتشر بشكل كبير أوي خلال اليومين اللي فاتوا

في بوست منتشر بشكل كبير أوي خلال اليومين اللي فاتوا .. تلخيصه هو : ” قوات دلتا اللي دخلت فينزويلا و خطفت رئيسها مادورو و مراته من عالسرير و طلعوا في نص ساعة .. و قد إيه دول ناس جامدين أوي و تنانين و عيال مقطعة بطايقها ” . البوست ده إستفزّني جداً أول ما شٌفته .. ف خليني أوضّح شوية حاجات مالهومش علاقة ببعض خالص .. إطلاقاً .. بتاتاً .. و إنت حتفهم البوست إستفزّني ليه . … 1- أغلب المعلومات العالمية عن الجيش الأمريكي و تجهيزاته .. هي معلومات طالعة من هوليوود ( الأفلام و المسلسلات ) مباشرة … علي مدار ال80 سنة اللي فاتوا .. و خصوصاً بعد الحرب العالمية التانية .. و ظهور أهمية الحرب الإعلامية فيها . الحرب الإعلامية .. كانت أعتي و أقوي سلاح تم إستخدامه في الحرب العالمية التانية و بعدها .. و تٌعتبر أقوي من الأسلحة النووية .
… 2- شخصية الجندي الأمريكي ( رامبو ) الشهييييييرة جداً و اللي قام بيها سيلفستر ستالوني … مبنية تقريباً بالكامل ( كوبي بيست ) علي شخصية ( G.I JOE ) .. أحد أشهر الالعاب اللي طلعت لأول مرة في الحياة .. سنة 1965 . … 3- سنة 1965 دي .. كانت أعمق فترة توغّل أمريكا في فييتنام .. و اللي فيها القبضة الأمريكية علي الحكم إتأثّرت سلبياً بشكل ضخم جداً نتيجة غضب الشعب الأمريكي من الحرب اللي ماكنش لها لازمة .. و إزاي إن كم ضخم من الشباب الأمريكي كان مش عايز يحارب ولا يضحّي بنفسه مقابل أهداف سياسية و إقتصادية مش مفهومة إطلاقاً ( أيامها ) .. و مالهاش أى عائد علي المواطن الامريكي . … 4- فجأة .. و من حيث لا تدري .. شركة ألعاب إسمها ( هاسبرو - hasbro ) .. تطلّع شخصية ( G i joe ) دي .. ك دٌمية بلاستيك .. و خلال سنتين تلاتة .. كان حلم كل طفل في أمريكا هو ( إنه يكون بطل زي جي آي جو ) . … 5- كم التمويل و الدعم الإعلامي اللي خدته اللعبة دي .. كان أسطوري حرفياً .. و تقريباً فترة التمانينات و التسعينيات بالكامل إتشكّلت .. بناءاً علي إرث و تراث اللعبة دي . يعني الطفل اللي إشتري اللعبة دي سنة 1970 و هو عنده 8 سنين مثلاً .. سنة 1980 كان عنده 18 سنة .. و مٌعتقد إعتقاد تااااااااااااااام في هيمنة و بطولة ال( Government Issue joe = G I JOE = يعني الأمريكي بتاع الحكومة حرفياً ) . … 6- هو أنا قلت لك الشركة اللي عملت اللعبة كان إسمها إيه ؟! .. ( هاسبرو - Hasbro ) .. بتاعت مين بقي هاسبرو دي ؟! بتاعت الإخوان ( هاسينفيلد - Hassenfeld ) ( هنري , هيلليل , هيرمان , هيلينا ) .. اليهود البولنديين 🙂 . و للتوضيح ( عشان لو مش عارف ) .. اليهود البولنديين دول .. يبقوا هما اللي بيشكلوا الطبقة الحاكمة للدولة إياها .. علي مدار ال80 سنة اللي فاتوا .. أعلي طبقة حاكمة في كل المجالات هناك .. كلهم طالعين من نفس المكان بالمناسبة . شوفت الصٌدف يا أخي !! … 7- ممكن معلش تستحملني ( ك طفل كبير بيحب اللعب ) .. و نشوف شوية من باقي اللعب اللي أبدعتها و أنتجتها ( هاسبرو ) :

• ترانسفورمرز ( أيون بتوع الأفلام المشهورة .. هما في الأساس لعبة مش قصة ) .
• حٌصاني الصغنن ( My little pony ) .. حلم كل بنوتة صغننة .
• مونوبولي ( بنك الحظ )🙂 .
• سحر : التجميعة 🤣 ( Magic : the Gathering ) : أحد أشهر ألعاب الكروت المبنية علي عوالم ( D&D ) اللي باتكلم عنها في آخر بوستين .
• زنازين و تنانين ( D&D ) ذات نفسها 🙂🙂 .
• باور رينجرز ( فاكرهم ؟! ) .
• ( و قبل ما تتساءل .. لا .. باربي مش تابعهم .. باربي تابع شركة تانية زيها برضو إسمها : ماتيل ) . … 8- و عشان لو عملت سيرش ( يا رب تعمل سيرش ) .. و لقيت إن شركة هاسبرو حالياً خلاص أصبحت شركة ( public ) مش مملوكة لأفراد بشكل خاص يعني .. ف أستأذنك تكمّل السيرش شوية .. و تعرف إن : الشركة كانت لسة بيتم إدارتها بشكل ضخم من خلال عائلة ( هاسينفيلد ) الكريمة .. و لكن .. الجزء الأضخم من أسهمها .. يمتلكه الشركات التلاتة المشهورين فأى شيء شر و غلط و أى مصيبة في الحياة حالياً .. و هما : ( بلاك روك , فانجارد , ستيت ستريت ) . . و لو مش عارف التلات شركات دول يبقوا مين ؟! .. دول هما القادة الحقيقيين للعالم حالياً ( مش عمو البٌرتقاني إطلاااااااااااااااقاً ) .. عمو البٌرتقاني ده .. مٌجرد واجهة إعلامية فقط . … 9- أحد أشهر قصص التسويق عالمياً .. هي قصة إنتشار القهوة في اليابان 🙂 . اليابانيين .. ماكنش حد فيهم بيحب القهوة .. ولا بيحب طعمها .. و ماكنش لها أى سوق هناك إطلاااااااااقاً .. اليابان .. تاريخهم و حضارتهم و حياتهم كلها مبنية علي ال ( شاي ) . . ف لما شركة ( نيستلي = اللي برضو مملوكة لنفس التلات شركات 🤣🤣 ) .. حبت إنها تخترق السوق الياباني .. ماعملتش دعاية للشباب و الرجال إطلااااااااقاً .. ( الفئة المٌستهدفة في موضوع القهوة ده بشكل طبيعي ) .. و لكن .. عملت كل أنواع الدعاية الممكنة … للأطفال .. تعاقدات مع شخصيات و مسلسلات أنيمي و مانجا و كرتون و ألعاب .. مصاصات بطعم القهوة .. حلويات بطعم القهوة .. و كل ما تتخيله بطعم القهوة . . و لما الأطفال دول كبروا .. و أصبح في عندهم تعلق عاطفي و عقلي و جسدي بالقهوة .. أصبحت اليابان من أكبر مستهلكين للقهوة و منتجاتها ( بتاعت نيستلي ) 🙂 … 10- لو تظن إن الحاجات اللي فوق دي مالهاش علاقة ببعض إطلاقاً .. فأحب أفتكر حاجة برضو مالهاش علاقة باللي فوق ده كله .. و هو إن أفغانستان ( اللي تكبّلت فيها أمريكا أحد أكبر الخسائر الإقتصادية و الحربية ) علي مدار ال30 سنة اللي فاتوا .. لما تم عمل مقابلات مع بعض المواطنين العاديين .. و سؤالهم عن المواطن الأمريكي .. و البطولة الأمريكية .. و جمال الشعر الأصفر و العينين الزرق و عضلات سيلفستر ستالوني .. كانت الإجابة هي ( مانعرفش مين دول ) . … 11- فيلم ( نوريمبرج = Nuremberg ) اللي لسة نازل من كام شهر .. و مليان كم ضخم من المغالطات التاريخية المشهورة جداً جداً جداً .. بيتشرح فيه بشكل واضح للغاية إن : الهزيمة الإعلامية .. أهم ألف مرة من الهزيمة العسكرية . … حلوة الحدوتة ؟! … و الله أعلم .