لينك صراحة ( https://korionx.sarahah.com/ )
أولاً - ححاول أرد تاني بشكل أسرع قدر الإمكان .. حااضر إن شاء الله .... هو للتوضيح يعني .. أنا باقرا كل الرسايل اللي بتوصلني .. علي (الفيس و الواتس و صراحة و إنستاجرام و ... غيرهم ) .. بس مش دايماً فنفس ذات اللحظة اللى بتوصلني فيها .
لينك صراحة ( https://korionx.sarahah.com/ ) . … أولاً - ححاول أرد تاني بشكل أسرع قدر الإمكان .. حااضر إن شاء الله … هو للتوضيح يعني .. أنا باقرا كل الرسايل اللي بتوصلني .. علي (الفيس و الواتس و صراحة و إنستاجرام و … غيرهم ) .. بس مش دايماً فنفس ذات اللحظة اللى بتوصلني فيها . و بارد برضه علي كل الرسايل :) .. بس برضه مش فنفس ذات اللحظة .. بعض الرسايل برد عليها بعد شهور للأسف .. و بالتالي الرسالة دي مثلاً بارد عليها دلوقتي أهه :) . … ثانياً - الرسالة دي بتتزامن مع أحد أفضل الكتب اللى باقراها السنة دي : The Neuroscience of Mindfulness: The Astonishing Science behind How Everyday Hobbies Help You Relax by Dr Stan Rodski … الترجمة الحلمنتيشية للعنوان المبطرخ ده : علم الإعصاب للتركيز بشكل صافي الذهن : العلم الرائع ورا إزاي الحاجات و الهوايات اللى بتعملها بشكل يومي ممكن تساعدك تبقي أهدي و أصفي ذهنا و تركيزك يعلي . … أنا خلصت 65% من الكتاب تقريباً .. بس غالباً أقدر أرد علي السؤال بتاع صراحة ده من خلال ال (context - محتوي ) الكتاب . … 1- في الغالب إنت / إنتي تعرفني / تعرفيني ( حاكمل البوست بصيغة المذكر أسرع ) .. مش من قريب أوي .. أو مابتتعاملش معايا بشكل يومي حالياً .. أنا ما زلت نفس الشخصية المهايبرة ( علي حسب إستخدام التعريف ) .. و لكن يمكن توتري قل بشكل كبير .. جداً .. و ده فرق مهم .. ما بين ال ( هيبرة ) و ال ( توتر = anxiety ) . … … 2- يمكن ناس كتير من اللي عندهم وعي و ذكاء عالي .. عندهم معرفة إن : التوتر و القلق بالحاجات اللي خارج إطار تحكمك فمشكلة ما .. مش حيؤدي لشيء إلا إنك تتعب و تحرق بنزين فكري و نفسي علي الفاضي . .. و مع ذلك .. الناس الكتير دي هي أكتر ناس بتعاني من ( القلق ) بالحاجات اللى خارج إطار تحكمها . … لأن كقاعدة عامة .. بإزدياد مستوي الوعي و الذكاء .. بيزداد مستوي الوعي بالمتغيرات المختلفة فأى مشكلة . فغصب عنك حيبقي صعب جداً جداً إنك تتجاهل المتغيرات دي . ( لأن عقلك بيمشي دايماً في إتجاه واحد = ماينفعش تؤمر عقلك بتجاهل التفكير في ” الأرنب الأبيض ” 😁 ) . … و بالتالي .. بيزداد التوتر بسبب عدم قدرتك علي إنك (تبطل توتر ) . و بتدخل فدايرة مغلقة من ال (anxiety ) … عند نسبة كبيرة من الناس بتنتهي ب ( panic attack ) … أو نوبة هلع . … … 3- لمدة طويلة جداً فعلاً فحياتي ( أول 4 سنين في الكلية - إعدادي و أولي و تانية و تالتة “أول مرة ” ) .. كنت أسير الدايرة المغلقة دي .. خصوصاً ففترة الإمتحانات .. او جوة الإمتحان نفسه .. ما زلت فاكر تسلسل أفكاري اللي كانت بتجيلي فأى إمتحان لحد دلوقتي :
- أنا ذاكرت كويس و إن شاء الله حاقفل المادة دي
- أنا خايف بس ييجي أى سؤال من الحتة الفلانية اللى ماتكتش عليها كويس في المذاكرة
- أنا عارف إنه حييجي فيها سؤال كبير .. أنا حظي كده أكيد
- و حتي لو ماجاش منها سؤال .. أنا فعلاً فاكر كل جزء تاني في المنهج ده كله ؟
- طب أكتب خريطة المنهج و كل القوانين بتاعته فضهر الورقة دلوقتي عشان لو نسيتها بعد شوية ؟
- ثواني .. هو القانون الفلاني كان بيقول إيه ؟ ..
- طب هو القانون التاني ده كان الرموز بتاعته إيه ؟ ..
- طب تعالي نحلل المسائل و نحدد هما محتاجين أنهي قوانين دلوقتي بس .
- الإثبات ده أنا فاكره كويس .. بس مش يمكن في خدعة في السؤال ؟
- السؤال مستحيل يكون بالبساطة دي ؟ .. أكيد الدكتور حاطط خدعة هنا
- لا .. هو بسيط فعلاً .. طب تعالي نكتب الإثبات .. ثواني .. أنا مش فاكر الإثبات ؟!!!
- أنا نسيت الإثبات البسيط الساهل جداً ده .. طب حافتكر إيه تاني لو نسيت ده ؟!
- هو السؤال ده عليه قد إيه من درجة الإمتحان ؟
- هو أنا كنت عملت إيه في الميد تيرم ؟
- و هكذا و هكذا و هكذا .. دوامة عانيت منها لمدة 4 سنين .. … … 4- و حتي لما كنت خدت قرار إني أبيع القضية بالكامل و أطنش الكلية بكل ما فيها .. التوتر ماسبنيش فجأة مثلاً .. لا .. و لكني كنت بدأت أسأل نفسي .. هو أنا ليه مابتوترش و أنا باعمل عشرات الحاجات التانية اللي بتحتاج مهارات عقلية و تركيز و ذاكرة ( أكتر من إمتحانات الكلية ) ؟! . … أيامها كانت بدايتي مع ( المايندفولنيس ) حتي قبل ما أعرف إن ده إسمه .. … … 5- دوكتور ستان مؤلف الكتاب ده .. بيبتدي بشرح قصة صغيرة .. لمريضة جات له العيادة .. كانت ( sever agoraphobic ) .. يعني عندها خوف و رعب ضخم و شديد من الأماكن المفتوحة .. لدرجة إنها كانت وصلت إنها مابتطلعش برة أوضتها . البنت كان عندها 16 سنة .. و مش عارفة تروح المدرسة .. بدأ معاها ( بعد مع حط مؤشرات تقيس نشاطها الدماغي ) .. إنه يطبق عليه تقنية ال ( تلوين داخل الخط = colourtation ) التقنية دي إن البنت تبتدي تلون أشكال معينة .. بأى ألوان تختارها .. بس كل المطلوب إنها تلون داخل الخطوط .. ماتطلعش برة .. … بعد 5 دقايق بس من التلوين .. الدكتور وراها الفرق بين نشاطها الدماغي قبل التلوين و بعد التلوين .. فرق ضخم بين حالتها و هي متوترة جداً .. و بين ما هي هادية جداً بشكل كبير بعد التلوين .. … … 6- علي مدار الكتاب .. دوكتور ستان بيشرح إزاي إن طريقة ال ( تلوين داخل الخط ) دي .. واحدة من طرق كتير .. و أنشطة كتييير … ممكن إنك تعملها بشكل يومي .. لمدة بسيطة جداً .. و تخليك أهدي و أكثر إسترخااااااااء .. و أكثر إستعداد لأياً كان المهمة اللي إنت محتاج تعملها . , و عمل مجموعة من كتب الرسم ( للكبار ) اللي منها الأمثلة اللي في الصور دي .. … الفكرة في الموضوع مش إنها ( تهديك ) و تخليك عايز تنام .. لا .. الفكرة هي إنك بتنضف مخك ( حرفياً .. ده التشبيه اللى هو إستخدمه ) من الكورتيزول .. و بالتالي بتبقي أقل توتر و أكثر إستعداد إنك تمارس اللي إنت عايز تمارسه ( حتي لو كان مجرد النوم ) بشكل أقل توتر . … و علي مدار الكتاب بيتعمق فكل تفاصيل علم الأعصاب و الهورمونات و الأحياء اللي بيشرح الليلة دي . … … 7- ماعتقدش إن بوست واحد كافي إني أتكلم عن كل الحاجات اللي حابب إني أشرحها في الموضوع ده .. عشان كده حاكمل شرح ال ( مايندفولنس ) في سلسلة بوستات ( المتعة و الإنضباط و السيطرة ) . و لكن إلي هذا الحين .. فعلاً أرشح ليك إنك تدور و تبحث عن الموضوع بشكل أكبر بكتيييييييييير … … … 8- أنا بامارس ال ( مايندفولنيس ) بأشكال كتيييير من 10 سنين تقريباً .. المفهوم موجود بقوة داخل : اليوجا , الزن = zen , الفنون القتالية , … و أى شيء يتطلب السيطرة علي الجسم و العقل مع بعض . … و موجود بقوة أكبر و أعمق داخل الأديان ( و خاصة هنا طبعاً الإسلام ) .. لو قريت أى كتاب عن ال ( mindfulness ) .. و رجعت تتأمل العبادات الإسلامية بأنواعها ( التسبيح , التأمل , قراءة القرآن , الذكر … و طبعاً الصلاة ) .. حتلاقي كل ما هو موجود فثقافات و تعاليم ( اليوجا و الزن و ما شابه ) .. … و ده اللي خلاني بعد ما إتعلمت عن المايندفولنس من سنين … أفهم لأول مرة فحياتي معني لما كان رسول الله صلي الله عليه و سلم بيقول ” أرحنا بها يا بلال ” … عن الصلاة . .. و إنها ( الصلاة يعني ) .. ماكنتش إطلاقاً مجرد عبادة لازم نقوم بيها خوفاً من عقاب .. و لكنها ( فعلاً ) هدية .. و إعادة شحن لبطارية النفس و العقل و الروح و الجسد .. بشكل إجباري للمجتمع بالكامل . … يعني مثلاً في الكتاب ده .. بيشرح إنك المفروض تاخد بريك من الشغل أياً كان اللي بتمارسه .. لمدة 5 دقايق بس .. تمارس فيهم ال ( مايندفولنس ) .. ” جرب تطلب ده من مديرك بقي 🤣 ” . …