https://korionx.sarahah.com/

https://korionx.sarahah.com/

عشان إتعلمت إني كان عندي ( حماقة العرض .. و إجبار الإختيار )

1- إنت مش حتقدر تمنع نفسك تفكر في كل بوست من ال70 بوست اللي بتسكرول عليهم كل مرة بتفتح فيها الفيسبوك بتاعك . .. 2- إنت مش حتقدر تمنع نفسك تفكر في ( فرصة البيزنس دي , في المعلومة دي , في السفرية دي , في الخبر ده , في الحادثة دي , في المشكلة دي , … ) . … 3- إنت مش حتقدر تمنع نفسك تفكر و تقسم إنتباهك و تركيزك و أحلامك و وعيك .. بين كل المعروض قدامك ده . .. 4- إنت مش حتقدر تمنع نفسك تفكر … فكل اللي إنت مالكش دعوة بيه . … 5- و مش حتلاقي طاقة و وعي و تركيز فاضلين .. عشان اللي إنت فعلاً المفروض ليك دعوة بيه . … 6- دايماً حتبقي خايف يفوتك بوست فيه ( خبر مهم , فرصة متتعوضش , معلومة ماينفعش متعرفهاش , فضيحة الكل بيتكلم عنها , تريند , … ) . … 7- دايماً حتبقي ” آسف في التعبير ” .. عامل زي التور اللي بيجري ورا أى قماشة حمرا بتتهز . … … 1- نعمة الوقت الزيادة اللي تحس فيه بال ” زهق ” و ال ” ملل ” .. مهمة . .. 2- إنك عقلك اللي يدفعك تفكر … مش حاجة تثير إنتباهك تسحبك تفكر .. مهم . .. 3- إنك تقعد فشوية صمت فكري .. و بعيد عن التشتيت .. عشان تسمع عقلك .. و تدي لنفسك وقت تفكر .. مرة .. و إتنين .. و عشرة .. مهم . .. 4- الإنسان عجول .. متسرع .. … مش كل القرارات لازم تاخدها فوقت قليل .. و مش كل الأفكار لازم تفكر فيها بسرعة … حاجات كتير مهمة .. و يمكن الأهم .. بتحتاج ساعات و أيام عشان تفكر فيها صح . .. 5- لو كلت كتير .. زيادة عن قدرتك علي الهضم .. يحصل تلبك معوي و تخمة و إسهال . لو إستقبلت أفكار كتير .. زيادة عن قدرتك علي الإستيعاب و التفكير .. حتبدأ تنسي إزاي تفكر .. و تتوهم إن طول ما إنت سامع صوت جوة عقلك .. إنه تفكير .. في حين إن الصوت اللي جوة عقلك ده مش صوتك … ده صوت آلاف الأفكار اللي مش بتبطل إحتلال عقلك . أفكار مش مستوية .. مش مهضومة .. .. و غالباً ده حيأدي لإسهاال أفكار يطلع من بقك .. و تكرر كلام للي حواليك و تكتب كلام كتير .. مش مهضوم .. مافكرتش فيه .. ماستوعبتوش … .. و للأسف حتفضل موهوم إنك كده … بتفكر . … 6- إنت مش بتختار تفكر في إيه من الألف فكرة اللي بيتعرضوا علي دماغك .. لكن تقدر تختار تسمع كام فكرة .. و تبعد .. تهدي .. تفكر فيهم … و بعدين تروح تسمع كام فكرة تانيين . … … 1- الفيسبوك مش مجال للمتخصصين عشان يتكلموا في أعماق تخصصاتهم علي العام .. خصوصاً لو كان تخصصاتهم محتاجة ” تفكير ” و ” دراسة ” طويلة … و لكنها تمس الجميع ( زي الصحة و الطب و الدين و النفس و ما شابه ) . .. 2- القدرة علي العرض .. لا تعني ضرورة العرض .. يعني لو عندك معلومة تقدر تكتبها في بوست علي الفيس .. مش بالضرورة معناه إنك لازم تكتبها علي الفيس .. لازم تسأل نفسك كويس جداً … مين اللي حيقرا المعلومة .. و هل :

• حيستفيد بيها ؟
• حتشتته ؟
• حيسيء فهمها ؟
• حيسيء إستخدامها ؟ … 3- المستفيد الأكبر ( و الوحيد أحياناً ) من كثرة السلع المعروضة .. أكثر من قدرة الناس علي الشراء … هو صاحب السوق ( مش صاحب المحل ) . … 4- المستفيد الأكبر ( و الوحيد ) .. من كثرة الأفكار المعروضة .. أكثر من قدرة الناس علي التفكير .. هو صاحب الفيس :) . … 5-
• الناس خلاص موجودة .. و مش حتمشي من الفيس ..
• عدد قليل جداً .. و نادر .. من الناس .. هو اللي حيفهم و يكون عنده الوعي إنه يستهلك اللي هو محتاجه بس من الأفكار من الفيس ..
• المسئولية الأكبر .. بتقع حالياً علي القادرين علي العرض .. يعرضوا إيه ؟ لمين ؟ ليه ؟ … 6- لو إنت فعلاً عندك القدرة علي التحكم في ما تعرض علي العامة ( مش المتخصصين ) ..
• تشتتهم ؟
• تتظاهر قدامهم ؟
• تعرض اللي عندك بدون تفكير في هما حيعملوا بيه إيه .. لمجرد العرض . .. ولا تفكر .. .. تفكر .. يا تري .. العامة .. ( مش فئة معينة .. أو فئة متخصصة ) .. محتاجين يفكروا فإيه ؟! . … … … و الله أعلم .