الفيديو " الفزّورة " ده ظهر قٌدّامي من ساعة تقريباً

الفيديو ” الفزّورة ” ده ظهر قٌدّامي من ساعة تقريباً .. معضلة .. فعلاً معضلة صعبة جداً .. بل إني باعتبره فيديو أيقوني جداً .. كإنك بالظبط بإبرة رٌفيعة للغاية ( فيديو مدته دقيقة ) .. فجأة طعنت عصب بشكل قوي .. سبّب إرباك و ألم مفاجئ . .. الفيديو ( رابط في أول تعليق ) عبارة عن راجل مصري كبير في السن .. صعيدي .. فلّاح .. بيرتدي زي مصري جداً جداً جداً زي ما هو واضح .. قاعد في الميترو .. و متضايق و بيتخانق .. لأن اللي قعدت قٌدّامه .. بنت تقريباً .. و حطت رجل علي رجل . . و الراجل متعصّب جداً .. و بيزعق .. و بيشهد الناس اللي حواليه .. و بيتسائل .. إزاي ؟! .. إزاي واحدة تتصرّف التصرّف ده ؟! . و البنت ( بدأت تصوره ) .. و متعصبه .. و متضايقه .. و بتتسائل .. إزاي ؟! .. إزاي إنت شايف إنك لك الحق تتحكم في أقعد إزاي ؟! . . و أنا كمان بدأت أتسائل 😅 .. يا تري .. يا هل تري .. مين الصح ؟! … 1- هو إحنا ليه بنحترم ( كبار السن ) ؟! .. مع إن أكيد عرفت ناس ( كبار ) في السن .. لكن حقراء في المقام و العقل و التصرفات !! .. هل لمجرد إنهم مولودين قبلك ب كام سنة ؟! .. يبقي يستحقوا أى إحترام ( لما يزعقوا و يطلبوه لأنهم .. كبار سن ) ؟! .. حتي لو كلامهم و تصرفاتهم كلها غلط ؟! .. .. 2- هل لو كان اللي حصل ده .. حصل في مجتمع القرية .. مش في الميترو ( مجتمع المدينة ) .. هل كان برضو البنت حتشوف إنها علي حق ؟! .. هل كان الناس حيهدّوا ” عمو ” .. و لا حيغلّطوا كلهم البنت بلا إستثناء ؟! . … 3- هل مجتمع ال” قرية ” هو الصح ؟! .. ولا مجتمع المدينة المدني هو الصح ؟! و معيار ال ( صح ) هنا .. أقصد بيه : أنسب لحياة الإنسان علي المدي القريب ( الإستقرار و الإستكفاء و السعادة المؤقتة السريعة ) . ولا : أنسب لحياة الإنسان علي المدي البعيد ( الإستقرار اللي بيمتد لأجيال .. و الأمان و حفظ الهوية و الروابط علي مدار أجيال ) . … 4- هل الحياة في مجتمع المدينة المدني .. مجرد وهم إستقرار بيسبب ضعف وحدة المجتمع ككل ؟ لأن أى أسرة في المجتمع المدني .. بتكون زي نبات في إناء بلاستيك .. مهما مدوا جذور .. فهما في الآخر محدودين بحدود بتفرضها عليهم حياة المدينة . . ولا .. الحياة في مجتمع القرية .. بتكون قيود بتسلسل الفرد في منظومة أفكار و موروثات و فولكلو .. جزء ضخم منها ممكن يكون غلط ؟ . … 5- مجتمع المدينة المدني هنا المقصود بيه .. المدينة بصورتها الحالية .. اللي عمرهل في حياة البشرية مجرد 150 سنة تقريباً .. و اللي نشأت بعد الثورة الصناعية .. .. و مجتمع القرية .. اللي مقصود بيه هو مجتمع القبيلة .. اللي كل حد فيه بيبقي عارف التاني تقريباً .. و اللي فيه ماتقدرش تحط رجل علي رجل قدّام حد كبير .. لأنه إبنه ممكن ييجي تاني يوم مباشرة يحط رجل علي رجل قٌدّام أبوك .. … 6- هل أكتب بوسط طويييييييييل فحت عن الأنثروبولجي .. و عن النظريات الكتير جداً اللي بتتوقع إنهيار شكل المدينة المدني الحالي .. قبل ما حتي يوصل لمرحلة الديستوبيا اللي إتفحتت نحت في كل الأفلام و المسلسلات و القصص بتاعت الخيال العلمي .. و إن الأغلبية من البشر حترجع لإعتناق حياة المجتمع القروي .. لأن مجتمع المدينة المدني ( بصورته الهزلية بتاعت مسلسلات السيتكوم و أفلام الروم كوم دي ) ما هو إلا وهم … و مش بيدرك مدي قسوة الوهم ده .. غير اللي بيدوق منه لحد ما يتشبع من سمومه . .. ولا .. ولا أشرح إن مهما حتي أنا أو الملايين اللي أفضل مني كتبوا عن ده .. ما زال الوهم حيكون أكثر جاذبية .. و صعب جداً حد يقاوم جاذبيته .. لحد ما يدوق منه . … 7- هل أتكلم عن تطور البشرية .. و حتمية وجود الدين .. و إزاي إن الأخلاق عموماً عبارة عن حاجات غير منطقية إطلاقاً .. غير في وجود دين ؟ ولّا ؟! .. ولّا أكتفي بالتساؤل .. و أنتظر أشوف محاولات مختلفة للإجابة ؟! … والله أعلم .